Şəki şəhər Mədəniyyət və Turizm şöbəsi Mərkəzləşdirilmiş Kitabxana sistemi Metodika və biblioqrafiya şöbəsi

II. bölmə. M.Arifin 110 illiyi münasibətilə kitabxanalar qarşısında duran vəzifələr.

Akademik Məmməd Arifin anadan olmasının 110 illiyi münasibətilə bütün mədəni-maarif müəssələrində, o, cümlədən kitabxanalarda da kütləvi tədbirlər hazırlanmalıdır. İlk növbədə ədibin irsinin təbliği ilə bağlı kitabxanalarda sərgi təşkil edilməlidir. Sərgini müxtəlif başlıqlarda tərtib etmək olar. “M.Arif-110”, “Unudulmaz sənətkar” və sair. Sərgidə ədibin portreti, kitabları, görkəmli şəxslərin onun haqqında dedikləri sitatlardan istifadə edə bilərik. Həmçinin oxucu konfransı, icmal, mühazirə, dəyirmi masa hazırlamaq olar.

Sərgidə sitatlardan əlavə yazıçının həyat və yaradıcılığının əsas tarixlərinin qeyd olunduğu siyahını vermək olar.

Kiçik yaşlı oxucular arasında M.Arifin yaradıcılığını daha yaxından tanıtmaq üçün kitabxanada sual-cavab gecəsi də təşkil etmək olar. Sual-cavab gecəsinin keçirilməsinin əsas məhiyyəti ondan ibarətdir ki, oxucular M.Arif yaradıcılığını daha yaxşı mənimsəyə və yadda saxlaya bilərlər. Sual-cavab gecəsini “m.Arif haqqında nə bilirsən?” başlığı altında keçirmək olar. Sual-cavab gecəsinin nümunəsini təqdim edirik:

1. M.Arif nə vaxt və harada olub?

1940-cı il iyunun 10-da Bakıda.

2.İlk əsəri nə vaxt yazmışdır?

1979-cu ildə “Əsrin oğlu”nu yazıb.

3.Fəaliyyətə hansı felyetonlarla başlamışdır?

1923-cü ildə “Molla Nəsrəddin” jurnalında çıxan “Elan”, “Belə getsə düzələr” və sairə.

4.Hansı jurnalın redaktoru olub?

1957-ci ildə “Vətən” jurnalının.

5.Hansı vəzifələrdə işləyib?

1925-31-ci illərdə V.İ.Lenin adına APİ-nin Rus ədəbiyyatı kafedrasının baş müəllimi, dosent işləmiş, ADU-nun Rus ədəbiyyatı kafedrasının müdiri təyin edilmişdir. Keçmiş SSRİ EA-nın Azərbaycan filialının Ədəbiyyat və Dil İnstitutunda, baş elmi işçi, institutun direktoru vəzifəsində işləmişdir.

6. Ədəbiyyatşünaslığa aid hansı əsərləri yazmışdır?

“Müxtəsər Azərbaycan ədəbiyyatı tarixi” (1943-1955), “Azərbaycan ədəbiyyatı tarixi” (1957-1960) , “Azrbaycan sovet ədəbiyyastı tarixi oçerki”(1963).

7. Hansı kitabı müxtəlif dillərə tərcümə olunub?

“Azərbaycan xalqının ədəbiyyatı”

8. Hansı mükafatlarla təltif olunub?

“Lenin” ordeni (1936), 2 dəfə “Qırmızı əmək bayrağı” (1939, 1964), “Oktyabr inqılabı” ordeni (1974), “Qabaqcıl maarif xadimi” nişanı (1964).

9. Nəvaxt vəfat edib?

1975-ci il dekabrın 27-də Bakıda vəfat edib. Fəxri xiyabanda dəfn olunub.

Yubiley ilə əlaqədar bu il ərzində kitabxanalar “M.Arif-110” adı altında məruzələr təşkil edilə bilər. Məruzəçilər kitabxanaçılar, ədəbiyyat müəllimləri, yuxarı sinif şagirdləri ola bilər. Onlar M.Arifin həyat və yaradıcılığı haqqında geniş məlumata malik olmalıdır.

Bu münasibətlə mühazirələr təşkil etmək çox vacibdir. Məs: XX əsr Azərbaycan ədəbiyyatşünaslığının görkəmli nümayəndəsi”, “Milli ədəbiyyat tarixinin yaradılmasında M.Arifin rolu”, “M.Arif axtarış və yüksəliş yolunda” mövzusunda və sair.

Söhbətlər kütləvi, şifahi işin ən təsirli və geniş yayılmış metodudur. Söbətin əsas xüsusiyyəti qarşılıqlı danışıq, məsələnin birgə müzakirəsidir. Söhbəti qəzet və jurnal məqaləsinin oxunuşundan, kiçik söhbətdən, hər hansı bir sualın qoyulmasından başlamaq olar. Söhbəti istiqamətləndirərkən söhbət aparan şəxs mövzunun bütün məsələlərini əhatə etməli, aydın, yadda qalan misallar gətirməli, inandırıcı sübutlar göstərməli, onun kollektiv işi ilə həyatın konkret məsələləri ilə sıx bağlanmışdır. Bu mövzuda belə başlıqlarda söhbət aparıla bilər; “M.Arif yaradıcılığında tənqid və ədəbiyyatşünaslıq məsələləri”, “M.Arif və rus klassikləri” və sairə.

Kitabxanalarda rayonların mədəniyyət şöbələrindən, müxtəlif təşkilatlardan dəvət edilmiş qonaqların iştirakı ilə dəyirmi masalar təşkil etmək olar. Məs: “M.Arif yaradıcılığında dramaturgiyamıza münasibət”, “Tanınmış pedaqoq və ictimai xadim” və sair.

Kitabxanaçılara tövsiyə edirik ki, M. Arifin 110 illiyi münasibətilə dərc olunan materialları mövzu kartatekası şəklində hazırlanıb oxucuların istifadəsinə versinlər.