Susma, ürək…
93
Bacar el işində dəyəsən gözə,
Hər kəsin sözünü deyəsən üzə.
Öz idrakın olsun, özünə bənzə,
Sahibsiz paltartək geyilmə, oğul.
Ömür-gün belədir, çox gileylənmə,
Haqqa nahaq demə, yalan söyləmə.
Eşit Şiruyəni, döyüş eyləmə,
Elə ki döyüşdün, döyülmə, oğul.
GEDƏR
Elə xor baxmaynan nadan, nanəcib,
El atsa bir daşı, uzağa gedər.
Zülmət qaranlığı sevər yarasa,
Pərvanə şöləli çırağa gedər.
Qaldıran, endirən tanrı əlidir,
Ağladır, güldürür, bəzən ləlidir.
Bu el misalıdır, el məsəlidir:
“Uşaq sevildiyi qucağa gedər”.
Xoşdur Şiruyəyə elin cəfası,
Elinə bağlıdır zövqü, səfası.
Düşsə də torpağa günəş ziyası,
Zimistan həmişə sazağa gedər.
|
