Susma, ürək…
237
SƏNƏ NƏ FAYDA
Könül, quzeydəsən, şöləsi düşmür,
Günəşin nurundan sənə nə fayda?
Tərlanlar şığımır, qartallar qonmur,
Zirvə qürurundan sənə nə fayda?
Başından çən gəlir, duman ötüşür,
Ümid işıq vermir, güman ötüşür,
Qarın əriməmiş qışın yetişir,
Fəslin baharından sənə nə fayda?
Olsan da cəvahir, olsan da ləl də,
Qiymətə minməzsən sən naşı əldə.
İtir duru suyun bulanlıq seldə
Daşqın harayından sənə nə fayda?
Ahlı, amanlıdı, Şiruyə, səsin,
Çarmıxa çəkilib eşqin, həvəsin.
Taleh dustağısan kərəmli kəsin,
Hökmü, qərarından sənə nə fayda?
Dostları ilə paylaş: |
