Sərraf Şiruyə
178
Şamoylunun, Koralların Əsgəri,
Yanaqları hicran bozu bəs hanı?
Cəmşidov Yusifin ömrü qaranlıq,
Hamlet həsrətinə necə dayannıq?
Çobanların çörəyinə yavanlıq,
Bulaqların buz yarpızı bəs hanı?
Tomu oğlu Yunus, Qaraş, həm Abbas,
Gedəndə aləmi çulğadı qəm, yas.
Musayev Elbəyi, Nərman qulaq as,
İslamın o, üç şahbazı bəs hanı?
Mövzu yazılanda sağıydı Xasay,
1
Elə arxa idi, dağıydı Xasay.
Dost yanında üzü ağıydı Xasay,
O, təsifkeş el əvəzi bəs hanı?
Gör neçə qapılar qalıbdı bağlı,
Tağı bəy, Mürsəl bəy, yarlı-yaraxlı.
Məşədi Abdulla, Oruc Balı oğlu,
Yanaqları al qırmızı bəs hanı?
Topal Salman, Sarı, Məhəmmədəli,
Xanbaba, Müseyib igidlik əli.
Xıdır, Qədimalı, Mursaqul, Alı,
2
Elin Qoşun, o sərbazı bəs hanı?
1
Hacıyev Xasay Oruc oğlu
2
Koralların Xıdırı
|
