Sənaye dövrü servisləri (XVIII – XIX əsrlər). Orta əsrlər dövrü istər bütövlükdə iqtisadiyyata, istərsə də servis sahəsində kapitalist münasibətərinə keçidin əsasını qoydu. Servis sektorunun inkişafına təsir edən əsas amillər aşağıdakılardır:
İşçilərin təhsil səviyyəsinin, ixitsasartırılmasına sürətli ehtiyacın yaranması. İşçilərin müvafiq yeni ixtisas biliklərinə sahib olmaması iri sənaye sahələrinin inkişafına mane olurdu. 1813-cü ildə ingilis sənayeçisi R.Ouen işçilərin və onların ailə üzvlərinin təhsil səviyyəsinin yüksəldilməsi məqsədilə 1-25 yaş arası 759 nəfərlik “Xarakterin formalaşması İnstitutu” açdı. Burada uşaqlar üçün məktəb fəaliyyət göstərirdi. Ouen insanları bura cəlb etmək üçün, seminarlar və konsertlər keçirirdi. 1816-cı ildə Ouen tərəfindən “Yeni Xarakterin formalaşması İnstitutu”na uşaqlar, işləyən yeniyetmələr və böyüklər üçün uşaq bağcası və körpələr evini birləşdirdi.
Resursların sektorlararası yenidən bölüşdürülməsi – Bu zaman ən böyük resurslar bank sektorunda və iri istehsalatda cəmləşmişdi.
Şəhər əhalisinin artması;
Yeni ixtiraların olması, Harkraytın su maşını, Vattın buxar maşını kimi ixtiraların yaranması;
Yeni rabitə vasitələrinin və məlumat üsullarının yaranması: qəzetlər, jurnallar, filmlər, radiolar, televiziya və kompüterlər.
Ev təsərrüfatının transformasiyası, özünəservis prinsiplərindən peşə fəaliyyətinə və bazar münasibətlərinə əsaslanan ictimai servis sferasına keçid edildi.
