Щзбекистон Республикаси Олий ва Щрта махсус талим вазирлиги

Tayanch iboralar:

1. 
   Mazurka - polyak dehqonlari raqsi.
   
2. 
   Polonez - polyak milliy raqsi, vaqt o’tishi bilan frantsuzcha "polonez" deb nom olgan.
   
3. 
   Noktyurn - tarjimada "tungi qo’shiq" ma’nosini beruvchi lirik cholg’u asari.
   

Nazorat savollari:

1. F. Shopen ijodi musiqa san’atidagi qaysi oqim, yo’nalishga xos?

2. Nima uchun "Shopen - milliy kompozitor" degan ibora ishlatiladi?
3. Shopen ijodining asosiy mavzusi qanaqa?
4. Shopenning qaysi asarlarini sanab bera olasiz?


Adabiyotlar:

1. B. Asafev. «Friderik Shopen». M. 1965.

2. V. Berezovskiy. Shopen. L. 1935.
3. I. Proxorova. Muzikalnaya literatura zarubejnix stran. M. 1990.


28 - Mavzu: F. Shopenning fortepiano ijodi


Rejasi:

1. 
   Fortepiano asarlari – Shopen ijodining asosi.
   
2. 
   Shopenning fortepiano asarlariga xarakteristika.
   

Bayoni:

XIX asrning birinchi yarmida yashab ijod qilgan Shopen kompozitor bo’lishi bilan birga juda mohir sozanda, fortepiano ijrochisi ham edi. Shuning uchun u asosan fortepiano sozi uchun asarlar yozgan. Kompozitor bu sozning barcha xususiyatlarini juda yaxshi bilgan, fortepiano ijrochiligi san’atini yangi ijro usullari bilan boyitgan.

Royal – Shopenning sevimli cholg’u sozi edi. Bu universal cholg’u bo’lib, unda ijro orqali inson qalbining eng nozik tomonlarini, sirli fikrlarini, qalb tug’yonlarini ifodalab berish mumkin. Shopenning fortepiano uchun yozgan asarlarini eshitgan kishining ko’z o’ngida simfonik orkestrning qudratli ijrosi gavdalanadi. Shopen fortepiano ijodining janrlari va shakllari musiqiy romantizmning eng muhim sifatlarini umumlashtiradi. Shopen ijodida miniatyura va yirik shaklli asarlar bir xil o’rin egallaydi. U romantik asosda prelyudiya janrini qaytadan jonlantirdi, badiiy etyudning ajoyib namunalarini yaratdi. Mazurka, polonez, balladani mustaqil fortepiano janrlari sifatida butun dunyoga tanitdi. Shopen yaratgan noktyurnlar tungi tabiat lirikasining yorqin va betakror namunalaridir.