Agar sizdan «Qani, Vatanning rasmini chizib bering», desalar, avvalo nimaning tasvirini qog'ozga tushirgan bo'lar edingiz? Bunday vazifani bajarish uchun dastavval o'zimiz bilgan narsalarning barchasini bir-bir ko'z o'ngimizdan o'tkazamiz. Lekin ular ichida biz uchun eng aziz manzara o'zimiz tug'ilib-o'sgan uy, qadrdon xonadonimiz bo'lib ko'rinadi. Chunki insondagi Vatan tuyg'usi oiladan, ona bag'ridan boshlanadi. Esingizdami, avvalgi darsimizda insonning tuyg'ulari aniq bir makonda shakllanishi haqida gapirgan edik. Insonni voyaga yetkazadigan, unga eng go'zal tuyg'ularni singdiradigan, undagi barcha zararbilim va ko'nikmalami shakllantiradigan ana shunday makonlardan biri oiladir.Oila arabcha so'z bo'lib, nikoh va qarindoshlik asosida birgalikda yashashni bildiradi. Nikoh oilaning huquqiy asosidir. Qarindoshlik — nasl-nasab, qarindoshlik jihatidan o'zaro yaqinlikni bildiradigan mezon. Prezident Islom Karimov oilaga shunday ta'rif bergan:«Bu yorug' dunyoda hayot bor ekan, oila bor. Oila bor ekan, farzand deb atalmish bebaho ne'mat bor. Farzand bor ekan, odamzot hamisba ezgu orzu va intilishlar bilan yashaydi»1.Rivoyat qilishlaricha, yer yuzidagi birinchi oila Odam Ato va Momo Havo tomonidan barpo etilgan ekan. Dunyodagi odamlar, xalqlar va millatlar mana shu oiladan tarqalibdi. Shuning uchun insoniyatni bir ota-ona farzandlari deymiz, ularni do'st va birodarbo'lib yashashga chaqiramiz.
