Soyad: Mirzəliyeva

Araşdırma. a və b düz xətləri çarpaz olduqda məsələnin yeganə həlli vardır. a||b olduqda məsələnin sonsuz sayda həlli vardır (bu halda M`F düz xətti M`N-in üstünə düşür və onlardan keçən sonsuz sayda müstəvinin hər biri məsələnin şərtini ödəyir).

Məsələ 2. (A`B`C` ABC üçbucaqlı prizması, bunun xaricində M`(M) nöqtəsi və proyeksiya müstəvisi üzərində a düz xətti verilmişdir. a düz xəttindən və M` nöqtəsindən keçən müstəvi ilə prizmanın kəsiyini qurun.

Həlli. Aydındır ki, a düz xətti, kəsən müstəvi ilə  proyeksiya müstəvisinin kəsişmə xəttidir və kəsiyin təpələri kəsən müstəvi ilə prizma tillərinin kəsişmə nöqtələrindədir. Kəsiyin, C`C tili üzərindəki təpəsini tapmaq üçün əvvəlcə CM düz xətti ilə a düz xəttinin X kəsişməsi nöqtəsini quraq. X nöqtəsi və habelə XM` düz xətti kəsən müstəvi üzərində olacaqdır. XM` düz xətti həm də CC`X müstəvisi üzərindədir və bu müstəvi üzərindəki CC` düz xəttini 1 nöqtəsində kəsir. Deməli, 1 nöqtəsi C`C tili ilə kəsən müstəvinin kəsişmə nöqtəsidir, yəni kəsiyin CC` tili üzərindəki təpəsidir. A`A tili üzərindəki təpəsini tapmaq üçün CA düz xətti ilə a düz xəttinin Y kəsişmə nöqtəsini tapmaq və bu nöqtə ilə 1 nömrəsini birləşdirmək lazımdır. Y 1 düz xətti ilə A`A tilinin 2 kəsişmə nöqtəsi axtarılan təpə olacaqdır.

Kəsiyin A`B` və B`C` tilləri üzərindəki 3 və 4 təpələri də həmin qayda ilə qurulur. 1-2-3-4 dördbucaqlısı axtarılan kəsikdir.