Mashg‘ulot mavzusi bo‘yicha talabaning javobi to‘liq, turli manbalardan olingan qo‘shimcha ma’lumotlarga boy, bilim hajmi dastur doirasidan chiqadi. Dasturda tavsiya etilgan asosiy adabiyotlarni to‘liq o‘zlashtirgan va qo‘shimcha adabiyotlar bilan tanish. Mashg‘ulotda berilgan vazifalarni o‘z vaqtida, sifatli bajaradi. Vaziyatli masalalarni yechishda ijodiy fikrlaydi, aniq javob beradi va javobini mantiqan asoslaydi. Mavzu muhokamasi, munozaralarda faol qatnashadi, o‘z fikrini himoya qila biladi. Mavzu bo‘yicha olgan bilimlarini umumlashtiradi, mustaqil xulosa va qaror qabul qila oladi. Interaktiv o‘yinlarda faol va ijodiy qatnashadi.
Amaliy ko‘nikmalarni to‘liq egallagan, mavzuga oid olgan nazariy bilimlarini qo‘llaydi, rentgen sur’atlarni tashhisotini bosqichma-bosqich to‘g‘ri amalga oshiradi.
Mustaqil ish shakli: mavzuni mustaqil o‘zlashtirish, referat, ilmiy maqola, tezislar va ma’ruzalar tayyorlash. Mavzuni mustaqil o‘zlashtirish va konspekt yozish. Konspekt mantiqiy tuzilgan va mavzuning barcha savollarini har tomonlama to‘liq qamrab olgan, mavzu tizimli bayon qilingan, foydalanilgan asosiy adabiyotlar va axborot manbalari ko‘rsatilgan. Referat tayyorlash. Talaba asosiy adabiyotlardan tashqari qo‘shimcha adabiyotlardan (monografiyalar, ilmiy, uslubiy maqolalar, Internetdan olingan ma’lumotlar, elektron kutubxona materiallari va h.k.) foydalanib materiallar yig‘gan, tahlil qilgan, tizimga solgan. Referat mavzusi har tomonlama va to‘liq ochib berilgan, matn mantiqiy ketma-ketlikda ifodalangan, to‘g‘ri hulosa chiqarilgan va ijodiy fikrlar mavjud.
