Sudga oid psixologik ekspertizani tashkil qilish va uni o’tkazishning o’ziga xosligi
Yüklə 273,53 Kb. Pdf görüntüsü
|
|
Quyidagi holatlarda ekspertiza o‘tkazish maqsadga muvofiq:
✓ qaror qabul qilish yoki harakat sodir etishda manfaatdor bo‘lmagan mutaxassisning ob’ektiv fikriga zaruriyat bo‘lsa; ✓ boshqarish sohasidagi mojaroli vaziyat, xukumat vakolatlarini amalga oshirish, bir xil masalada bahsli vaziyat mavjudligida, qachonki manfaatdor bo‘lmagan mutaxassisning fikriga zaruriyat bo‘lsa; ✓ ilm-fan va texnika turli sohalarining negizida paydo bo‘lgan muammolarni yechishga zaruriyat bo‘lsa; ✓ qachonki muammoning chegaralari mavjud bo‘lgan bilimning chegaralaridan kengroq bo‘lsa; ✓ qachonki qonun yoki qonun aktida bu haqida ko‘rsatma berilsa. Maxsus vazifalarni yechish uchun ekspertizani qo‘llash bir qator prinsiplarga tayanadi, ular quyidagilardan iborat: ekspert baholari ma’lum bilim sohasida tan olingan mutaxassislardan olinishi kerak, baholarni umumlashtirish imkonini beruvchi, maksimal tizimlashtirilgan shaklda; ekspert mulohazalarini maksimal tizimlashtirilgan shaklda olish uchun ularning oldiga vazifani aniq ravshan holda qo‘yish kerak; ekspertlarni tanlash, vazifalarni qo‘yish, ularning mulohazalarini umumlashtirish aniq usulliyotga asoslanishi kerak. "Science and Education" Scientific Journal / ISSN 2181-0842 April 2022 / Volume 3 Issue 4 www.openscience.uz 1918 Sud-psixologik ekspertizani o‘tkazish haqida masala jinoiy-protsessual va boshqa kodekslarini qabul qilinishidan so‘ng qonuniy ruxsatga ega bo‘ldi. Umumiy qoida sifatida, zaruriyat bo‘lganda ilm-fan, texnika, san’at va hunar sohalaridagi maxsus bilimlardan foydalanilsa, ushbu bilimlarga ega bo‘lagan ekspertni jalb qilish mumkin, shu bilan birga psixologni ham va sud-psixologik ekspertizadan o‘tkazish tayinlaniladi. Psixologik bilim, maxsus bo‘la turib, psixika faoliyati va rivojlanish qonuniyatlari haqidagi ilmiy ma’lumotlarga ob’ektiv asoslangan, va boshqa bilimlar qatori fuqarolarning shaxs haq-huquqlarini va mulk munosabatlarini muhofaza qilish uchun, qonunchilikni ta’minlash maqsadida qo‘llanilishi mumkin. Sud-psixologik ekspertiza ishning to‘g‘ri hal etilishi uchun ahamiyatli bo‘lgan holatlar yuzasidan xulosa berish maqsadida, psixologiya sohasidagi maxsus bilimlar asosida ekspert tomonidan o‘tkaziladigan tadqiqotdir. Shunday qilib, ekspertiza - bu maxsus harakat, bor ma’lumotlarni aniqlash maqsadida tergovchi bergan vazifa bo‘yicha yoki sud tomonidan ish uchun ahamiyatli bo‘lgan taqdim etgan materiallar yuzasidan belgilangan shaklda xulosa berish uchun vakolatli shaxs-psixolog tomonidan o‘tkaziladigan tadqiqot hisoblanadi. Turli shakldagi ekspertizalar uchun xos bo‘lgan, sud-psixologik ekspertizaning asosiy belgilari, quyidagilar: Tadqiqot psixologik fan sohasidagi maxsus bilimlar asosida o‘tkaziladi. Ekspert- psixolog - xulosa berish uchun yetarli bo‘lgan, psixologiya sohasida ma’lum bilimlarga ega shaxs yoki organ. Ekspert xulosasiga qonun isbotlash manbai kuchini beradi, unga tayangan holda ma’lum bir isbotlar borligi yoki yo‘qligini aniqlash mumkin. Sud-psixologik ekspertizaning tayyorlanishi, tayinlanishi va o‘tkazilishi maxsus huquqiy reglamentga muvofiq amalga oshiriladi, u tadqiqot jarayonini aniqlash bilan birga jarayon qatnashchilarining huquq va majburiyatlarini ham aniqlaydi. Oxirida, psixologik tadqiqot natijalarini baholash yo‘li bilan olingan, ekspert xulosasi beriladi. Shunday qilib, maxsus psixologik bilimlarni qo‘llash va xulosa berish - o‘zaro bog‘liq ikkita omildir, bular ekspertizani haqiqiy ma’lumotlarni aniqlashning boshqa usullaridan farqlab turadi. Ekspertizalar jinoiy ishlarni sud ko‘rib chiqishida va dastlabki tergov jarayonida katta yordam beradi. Ekspert o‘zining xulosasi bilan sud va tergovchiga ishning haqiqiy holatini aniqlab beradi, biroq ishga yuridik baho bera olmaydi. Huquqiy masalalarni yechimida ekspertiza tayinlanishi nojo‘ya, xususan, jinoyat tarkibi, ma’lum shaxs tomonidan jinoyat sodir etganining isbotlanganligi yoki isbotlanmaganligi, uning aybdorligi va aybining shakli bilan bog‘liq masalalar, yoxud, masalalar yechimi maxsus bilimlar talab qiluvchi, shaxsning kasbiy tayyorgarligi chegarasidan chiqmaydigan, jinoiy ishlarni tekshirish va dastlabki tergovni amalaga oshirish huquqiga ega shaxslar, - tergovchi, sudya yoki prokuror. "Science and Education" Scientific Journal / ISSN 2181-0842 April 2022 / Volume 3 Issue 4 www.openscience.uz 1919 Huquqiy masalalar bevosita sud, tergovchi yoki prokuror tomonidan hal qilinadi. Psixologik ekspertizaning ahamiyati shundan iboratki, u ish hollarini aniqlash uchun eng samarali vositasi sifatida keladi, va sudda jinoiy ishlarni ko‘rib chiqish va tergov jarayonida zamonaviy ilmiy psixologik vositalarning butun ko‘lamidan foydalanishga imkoniyat beradi. Psixologik ekspertiza sud-tergov amaliyotiga psixologiya yutuqlarini yetkazishning va tadbiq etishning asosiy yo‘lidir. Bu maxsus psixologik bilimlar asosida, ma’lum huquqiy me’yorlarni qo‘llagan holda tayinlanadigan va amalga oshiriladigan tadqiqot, unga qonun tomonidan isbotlash manbai ahamiyati beriladi yoki boshqacha qilib aytganda isbotlash vositasi deb nomlanadi. Yüklə 273,53 Kb. Dostları ilə paylaş:
|