Ta`lim metodlarining turlari Ta‘lim metodlarining mohiyati va mazmuni ii-bob pedagogik texnologiyalar

Tadqiqotchilik o’qitish metodini qo’llashda o’qituvchi o’quvchilar bilan hamkorlikda hal etilishi zarur bo’lgan masalani aniqlab oladi, o’quvchilar esa mustaqil ravishda taklif etilgan masalani tadqiq etish jarayonida zaruriy bilimlarni o’zlashtirib oladilar va uning yechimi
bo’yicha boshqa vaziyatlar bilan taqqoslaydi. O’rnatilgan masalani yechish davomida o’quvchilar ilmiy bilish metodlarini o’zlashtirib tadqiqotchilik faoliyatini olib borish ko’nikmasi, tajribasini egallaydilar³.
I.P.Podlasiy birmuncha keng tarqalgan ta‘lim metodlari tasnifiga yaqinlashar ekan, quyidagi fikrni ta‘kidlaydi: «Boshqa bir qator ta‘lim metodlari tasnifi ham mavjud. Masalan, nemis didakti L.Klinberg ta‘lim jarayonida metodlarni hamkorlik shakllari bilan uyg’unlashtirishga alohida urg’u beradi»¹ va quyidagi metodlarni ko’rsatadi⁴:

Monologik metodlar	Hamkorlik shakllari	Diologik metodlar
Ma‘ruza	Individual	Suhbatlar
Hikoya	Guruhli	Intervyu
Namoyish	Frontal	-
-	Jamoaviy	-

Ta‘lim metodlari turli shakllar hamda xilma-xil ta‘lim vositalari yordamida joriy etiladi. Ta‘lim jarayonida ta‘limning samaradorligini ta‘minlovchi muhim elementlardan biri sifatida ta‘lim vositalari e‘tirof etiladi. Ta‘lim vositalari sirasiga quyidagilar kiradi: texnik hamda

axborot qurilmalari (dioproektor, kinedoskop, uskunalar, radio, televidenie, kompyuter, audio hamda video magnitafonlar), laboratoriya jihozlari (kolbalar, probirkalar, kimyoviy reaktivlar, mikroskop), xarita, maketalar, diagrammalar, plakatlar, rasmlar, chizmalar va hokazolardan foydalaniladi.