Tarbiyachi ish faoliyatida oila bilan hamkorlik jarayonining o’rni

Kalit so’zlar: Tarbiyachi, MTT, pedagogika, pedagog, tarbiyalanuvchi, metodist.

Tarbiyachi yosh avlodni xalqimizning munosib farzandlari qilib tarbiyalashdek muhim va faxrli shu bilan birga ma’suliyatli vazifani bajaradi. Tarbiyachining siyosiy yetukligi bolalarni tarbiyalash sifati uchun xalq va jamiyat oldidagi o‘z ma’suliyatini anglashga, ta’lim - tarbiya ishlarini hal etishda ijodiy yondashishga o‘z mahoratini doimo faollashtirib borishi va hamkasblarning ishdagi o‘sishiga ko‘maklashuviga yordam beradi. Tarbiyachi o‘zi yashab turgan o‘lka hayotini bilishi tabiat va jamiyat omillarini tushunishi ijtimoiy faol bo‘lishi kerak.

Respublikamizda pedagoglar faoliyatini yuqori baholamoqda. Ma’lumki O‘zbekiston Respublikasining birinchi Prezidenti I.Karimov (1996-yil 9-yanvardagi) Farmoniga binoan «1 oktyabr Xalq ta’limi xodimlari – o‘qituvchi murabbiylar kuni» deb e’lon qilindi. Bu voqea davlatimizni o‘qituvchilarni jamiyatda tutgan o‘rni naqadar yuksakligidan dalolat beradi. Yosh avlodni barkamol qilib tarbiyalashda erishgan yutuqlari uchun, pedagog ishidagi ijodiy mehnatlari uchun, ilg’or tajribalarni umumlashtirishda erishgan yutuqlari uchun o‘qituvchi, tarbiyachilar «Metodist o‘qituvchi», «katta o‘qituvchi», «Metodist - tarbiyachi», «Xalq maorifi a’lochisi» va shu kabi sharafli unvonlar bilan taqdirlanadilar.

Xalq ta’limi xodimlari orasidan respublika bo‘yicha deputatlar saylanishi ham ularga bo‘lgan chuqur hurmat-ehtiromni bildiradi.¹

O‘zbekiston Respublikasining Prezidenti Sh .M.Mirziyoyev tashabbuslari bilan jamiyatimizda pedagog xodimlarga yuksak ishonch bildirilib, soha vakillarining oylik maoshlari yildan-yilga oshirilib, turmush sharoitlari yaxshilanib kelinmoqda. Pedagog xodimlarni malakasini oshirish ilmiy-metodik markazlari kengaytirilmoqda, ularning siyosiy tayyorgarligiga talab kuchaytirilmoqda, har 4-5 yilda qayta tayyorlashdan o‘tishlari uchun shart-sharoitlar yaratilmoqda.

Oila va bolalar bog'chasi bizning kelajagimizning asosini tashkil etadigan ikkita jamoat institutidir. Lekin ko'pincha ular bir-birini tinglash va tushunish uchun har doim ham o'zaro tushunish, xushmuomalalik, sabr-toqatga ega bo'lmaydilar. Oila va bolalar bog'chasi o'rtasidagi tushunmovchilik bolaga ko'proq bog'liq. Hech kimga sir emaski, ko'pgina ota-onalar faqat bolaning ovqatlanishi bilan qiziqishadi, ular bolalar bog'chasi bu ota-onalar ishda paytida faqat bolalarni boqadigan joy deb hisoblashadi. Shu sababli biz o'qituvchilar, ko'pincha ota-onalar bilan aloqa qilishda katta qiyinchiliklarga duch kelamiz.

Mamlakatimizning kelajagi, mustaqil O‘zbekistonning istiqboli, ta’lim sohasida olib borilayotgan islohotlarning muvaffaqiyati ko‘p jihatdan tarbiyachi o‘qituvchiga, uning saviyasiga, tayyorgarligiga, fidoyiligiga, yosh avlodga ta’lim berish va barkamol inson darajasida tarbiyalab, voyaga yetkazishiga bevosita og‘liq. Har qanday ta’lim muassasasida tarbiyaviy jarayon bevosita o‘qituvchi tomonidan tashkil qilinadi va olib boriladi. Yangicha ijtimoiy sharoitda ta’lim- tarbiyadan ko‘zda tutilayotgan maqsadlarga erishish, o‘quvchilarning dars va darsdan tashqari xilma-xil tarbiyaviy faoliyatlarini uyushtirish, ularni bilimli, odobli, e’tiqodli, vatanparvar, mehnatsevar, barkamol inson qilib o‘stirish va kasbga yo‘naltirish o‘qituvchi zimmasiga yuklatilgan.

Ma’lumki, MTT dagi bolalar, ota – onalar va pedagog xodimlar maktabgacha ta’lim jarayonining ishtirokchilaridir. Ota – onalar o’z bolalari uchun o’qitish va tarbiyalashning shakllari, MTT turi va ta’lim berish tilini tanlash huquqiga ega va MTT dan o’z farzandining shaxsiga nisbatan xurmat bilan munosabatda bo’lishni talab qilish mumkin. Demak, MTT dagi bola faoliyati bevosita ota – onalarning qonun doirasidagi talab va istaklari asosida olib boriladi.

MTTning ota-onalar bilan ishlashining jamoa tarzida va yakkama-yakka holda ishlash shakllarini mohirlik bilan qo‘shib olib borish, keng aholi orasida pedagogik tashviqot ishlarini tashkil etish tufayli bolalar tarbiyasida ijobiy natijalarga erishish mumkin. MTT hodimlarini ota-onalar va oila bilan hamkorlikdagi ishlarining eng keng tarqalgan shakllaridan bir qanchasini keltiramiz:

•