Tadqiqot obyekti va predmeti. Tadqiqot ob’ekti tilshunoslikning matn masalalari va adabiyotning satira janridir. Bunda satira janrining asosiy tekstual xususiyatlariga katta ahamiyat berildi. Satirik matnning lingvopoetik yo’nalishidagi kommunikativ, ekspressive, konstruktive va akkumulyative vazifalariga to’xtalib o’tildi.
Tadqiqotning maqsadi va vazifalari.Dissertatsiya oldiga qo‘yilgan asosiy maqsad hozirgi ingliz va o‘zbek tillarida matn birliklarini badiiy matn lingvistikasining lingvistik va lingvopoetik yo’nalishlarida o’rganishdir.
Tadqiqotning ilmiy yangiligi. Badiiy til har qanday adabiy asarning spesifikasini belgilaydigan eng asosiy ko‘rsatkichlardan biri hisoblanadi. Badiiy til nazariyasi esa adabiyot nazariyasiga oid masalalarning birinchi qatorida turadi». O‘zbek tilshunosligida ham badiiy asar tilini o‘rganishga bag‘ishlangan ishlarda, asosan, ikkita yo‘nalish yetakchilik qilganligini kuzatishdir. Biz nazarda tutayotgan lingvistik va lingvopoetik yo’nalishlar matn tilshunosligining yangi yo’nalishi hisoblanadi.
Tadqiqot mavzusi bo‘yicha adabiyotlar sharhi.Ushbu dissertatsiya ishini yozish mobaynida quydagi ilmiy manbalardan samarali foydalanildi:
- Yo‘ldoshev M., Isoqov M., Haydarov Sh. Badiiy matnning lisoniy tahlili.
- Yo‘ldoshev B. Frazeologik uslubiyat asoslari.
- Abdurahmanov X., Mahmudov N. So‘z estetikasi.
- Boboyev T., Boboyeva Z. Badiiy san’atlar.
- Yo‘ldoshev M. Badiiy matn lingvopoetikasi.
- Yo‘ldoshev M., Yadgarov Q. Badiiy matnning lisoniy tahlili fanidan amaliy mashg‘ulotlarni tashkil etish.
- Mamajanov A. Tekst lingvistikasi.
- Yo‘ldoshev M. Cho‘lpon so‘zining sirlari.
- Umirqulov B. Poetik nutq leksikasi.
- Meliyev S. Konteksda so‘z dinamikasi.
Tadqiqot natijalarining amaliy ahamiyati va tadbiqi.Tadqiqotning amaliy ahamiyati shundan iboratki, dissertatsiya materiallaridan filologiya sohasida ta’lim olayotgan talabalar foydalanishlari hamda magistratura bo‘limlarida tilshunoslik sohasida o‘tilayotgan darslarda adabiyot sifatida tavsiya etilishi mumkin. Bundan tashqari, bu nazariya yangicha sintaktik tahlil jarayonida ham dolzarb ahamiyat kasb etadi.
