Millatlararo vakolatlarga ega bo’lgan xalqaro birlashma. Uning yaratilish asosida Fransiya tashqi ishlar vaziri Aristid Brianning taklifiga ko’ra , 1950 – yilning 9 – mayida imzolangan GFR va boshqa maanfatdor davlatlarga ko’mir va po’lat ishlab chiqarib barcha sohasidagi salohiyatlardan umumiy foydalanish bo’yicha Yevropa hamjamiyatini tuzish haqidagi bayanot yotadi. 1983 – yilda shtitgartda Yevropa Ittifoqi haqidagi deklaratsiya qabul qilingan. Yevropa Ittifoqini tashkil etish to’g’risidagi shartnoma 1992 – yilning 7 – fevralida Maastrixtda imzolangan. Hozirgi vaqtda YeI ga 27 ta davlat a’zo va ularning aksariyati yagona viza va yagona valyuta tizimiga ega.
Islom konferensiyasi tashkilotiga 56 ta davlat kiradi. U 1969 – yilda Rabotda (Marakosh) da bo’lib o’tgan oliy darajadagi yig’ilishda tashkil etilgan. Tashkilotning asosiy maqsadi: a’zo davlatlar o’rtasidagi islom birdamligini mustahkamlash, barcha a’zo – davlatlar va boshqa mamlakatlar bilan hamkolik va hamfikrlikni chuqurlashtirish va qulay sharoitlar yaratishdan iborat. Bu tashkilot 3 yilda bir marta yig’iladi va islom dunyosida qoldirib bo’lmaydigan masalalarni ko’rib chiqadi. Tashkilot BMT da kuzatuvchi maqomga ega. O’zbekiston 1996 – yil 2 – oktabrdan boshlab IKT ning teng huquli a’zosidir
YeXHT – xavfsizlik sohasida ko’pqirrali faoliyat olib boruvchi yagona umumyevropa tashkiloti hisoblanadi. Tashkilot o’z ishini Xelsinki yakunlovchi aktining imzolanishi bilan 1975- yilning 1- avgustida Yevropa xavfsizlik va hamkorlik kengashi sifatida boshlangan va unga 35 ta davlat a’zo bo’lgan. 1994- yilda Budapeshtda bo’lib o’tgan oliy darajadagi uchrashuvda YeXHK Yevropada xavfsizlik va hamkorlik tashkilotiga aylantirildi. O’zining maqomiga va BMT nizomining 8 – bobiga ko’ra, YeXHT mintaqaviy tashkilot hisoblanadi. Uning qarorlari consensus asosidda qabul qilinadi va xalqaro – huquqiy kuchga ega bo’lmagan siyosiy kelishuvlar sanaladi. Hozirda YeXHT tarkibiga 56 ta a’zo davlat va 9 ta hamkor davlatlar kiradi.
