IV.Fənninin təsvirirnin növləri və müddəti. 050630-Mühəndis fizikası ixtisası üzrə fənnin tədrisində mühazirə və laboratoriya dərslərinin aparılması nəzərdə tutulur. İxtisas üzrə tədris planında nəzərdə tutulmuş dərs növləri və saatları cədvəl-1-də, mövzular üzrə ayrılan saatlar cədvəl-2-də, mühazirə və laboratoriya dərslərinin məzmunu isə cədvəl-3,4,5-də göstərilmişdir.
Laboratoriya işləri Təhsil Nazirliyi Elmi-Metodiki Şurasının “Kimya və kimya texnologiyası” bölməsində 5 sentyabr 2000-ci il tarixli 6 saylı protokolu ilə təsdiq olunmuş “Ümumi kimyadan laboratoriya işləri” və Azərbaycan Dövlət Neft Akademiyasının metodiki şurasının qərarına əsasən çap olunmuş “Ümumi və qeyri-üzvi kimyadan laboratoriya işlərinin yerinə yetirilməsinə dair rəhbərlik” metodiki vəsaitlər əsasinda yerinə yetirilir.
V.Tələbənin təqdimatı üçün tapşırıq və onun yerinə yetirilmə müddəti, məsləhət saatları. Fənnin tələbələr tərəfindən semestr ərzində ardıcıl mənimsənilməsi üçün 1 təqdimatın yerinə yetirilməsi nəzərdə tutulur. Təqdimatın mövzuları fənnə uyğun müəllim tərəfindən verilir. Fənn üzrə hazırlanmış təqdimat mövzunun dərindən mənimsənilməsinə tövhə verməlidir. Tələbələr keçirilən mühazirə, məşğələ və laboratoriya dərslərinin, eləcə də mövcud ədəbiyyatın əsasında verilən tapşırıqları sərbəst yerinə yetirir. Təqdimatın tapşırıqları cədvəl-6-da verilmişdir. Yerinə yetirilmiş təqdimatın nəticəsi 1-20 balla qiymətləndirilir.
