Həyat fəaliyyətinin təhlükəsizliyi haqqında elm nəyi öyrənir?
“Həyat fəaliyyətinin təhlükəsizliyi” fənni tədqiqat predmeti kimi iki fəaliyyət növünü öyrənir: insanın fəaliyyəti və “təbiət qüvvələrinin” fəaliyyəti. İnsanın fəaliyyətinin başlıca istiqaməti – onun yaşayış mühitindəki təbiət və texnogen (insan ağlı ilə yaradılmış) mühitlərdə harmonik inkişafın və əmin-amanlığın təmin edilməsidir. Təbiət “qüvvələrinin“ fəaliyyəti Yer planetində
ümumilikdə bütün növ canlı orqanizmlərin balanaslaşdırılmış sonrakı inkişafına,
ekosistemlərin və biosferin saxlanılmasına istiqamətlənmişdir.
Lakin, “Həyat fəaliyyətinin təhlükəsizliyi” elminin elmi əsaslarından biri olan
fəaliyyətin potensial təhlükələri haqqında aksiomaya görə, istənilən fəaliyyət potensial təhlükədir. Həm insanlar tərəfindən həyata keçirilən fəaliyyət növlərində, həm də təbiət proseslərində elə amillər formalaşır ki, onlar insanın sağlamlığına və biosferdə canlı
orqanizmlərin inkişafına əlverişsiz təsir göstərirlər. Bunlar təhlükələr adlanırlar.
Dostları ilə paylaş: | 
