Telekommunikatsiya injiniringi” kafedrasi R. N. Radjapova keyingi avlodning konvergent tarmoqlari

Nazorat savollari
1. Keyingi avlojning aloqa tarmoqlari deganda nimani tushunasiz, mavjud tarmoqlardan farqi nimada?
2. Infokommunikatsiya xizmalari deganda nimani tushunasiz va ularga qanday talablar qo‘yilgan?
3. Konvergensiya deganda nimani tushunasiz, konvergensiya holatiga o‘tishning asosiy sabablari nimada?
4. Nima uchun keyingi avlod tarmoqlariga o‘tish zarurati tug‘ildi?
5. Keyingi avlodning arxitekturaviy modeli qanday tuzilishga ega, uning har bir pog‘onasi qanday vazifalarni amalga oshiradi?
6. NGN tarmog‘ining arxitekturaviy modelidagi xizmatlar pog‘onasi qanday vazifani amalga oshiradi?
7. NGN tarmog‘ining arxitekturaviy modelidagi boshqarish pog‘onasi qanday vazifani amalga oshiradi?
8. NGN tarmog‘ining arxitekturaviy modelidagi transport pog‘onasi qanday vazifani amalga oshiradi?
9. NGN tarmog‘ining arxitekturaviy modelidagi kirish pog‘onasi qanday vazifani amalga oshiradi?
10. Keyingi avlodning konsepsiyasiga mos holda qurilgan elektr aloqa tarmog‘ining arxitekturasi qanday asosiy elementlardan tashkil topgan? Ularning vazifasi nimadan iborat?
11. Keyingi avlodning konvergent tarmoqlarini transport satxida kommutator va marshrutizatorlarning vazifasi nimadan iborat?
2. KEYINGI AVLODNING KONVERGENT TARMOQLARINI QURILISH TAMOYILLARI
2.1.Keyingi avlod konvergent tarmoqlar xaqida tushuncha
Umumiy holatda konvergensiya, o‘xshash sharoitda ishlash natijasida, dastlab kelib chiqishi turlicha bo‘lgan ob’ektlarning belgilarini yaqinlashishini bildiruvchi evolyusion tushuncha kabi aniqlanadi. Ya’ni konvergensiya, texnologiyalarning o‘zaro kirib borish natijasida mazmunlarini yaqinlashish jarayonidir. Shu ma’noda konvergensiyani integratsiyaning yuqori darajasi deyish mumkin.
Aloqa tarmoqlarining konvergensiyasi uchta aspektda qarab chiqiladi:
 tarmoq konvergensiyasi;
 xizmatlar konvergensiyasi;
 qurilmalar konvergensiyasi.
Tarmoq konvergensiyasi, qayd qilingan, mobil va konvergent xizmatlarni taqdim etish uchun yagona infrastrukturani qo‘llashni taqazo etadi; ya’ni bitta tarmoq, yagona yadro bazasi asosida mobil va qayd qilingan trafiklarni uzatishni qo‘llab quvvatlovchi juda ko‘p servislarni ta’minlaydi. Bunga, NGN konsepsiyasi asosidagi yagona transport tarmoqlarini yaratgandan keyingina erishish mumkin.
Yangi avlod tarmoqlarining arxitekturasi, xizmatlar konvergensiyasini qo‘llash doirasida, ulanish satxi amaliy satxdan ajratilgan bo‘lishini qarab chiqadi. Qayd qilingan va mobil kanallar bo‘yicha ulangan foydalanuvchilar real vaqtda barcha servislarga ulanish imkoniga ega bo‘ladi. Boshqacha so‘z bilan aytganda, aloqa tarmoqlarida konvergent xizmatlarga abonent qo‘llaydigan har qanday terminal (telefon, smartfon, SHK, noutbuk)dan, foydalanuvchining joyiga bog‘liq bo‘lmagan holda ulanish mumkin.