Müstəqil iş tələbənin bilikləri və informasiyaları fəal qavramaq, anlamaq, yenidən işləmək, dərinləşdirmək və möhkəmləndirmək məqsədilə istifadə olunan təlim formasıdır. Tələbələrin müstəqil işlərinin təşkili zamanı aşağıdakı prinsiplərə əməl olunmalıdır: 1) Sistemlilik və ardıcıllıq prinsipi. Tələbələrin müstəqil işlərinin səmərəliliyini təmin etmək məqsədilə birinci kursdan başlayaraq son kursadək ali məktəbdə təhsilin bütün mərhələ və pillələrində müstəqil işlərin ən akual formalarından istifadə olunmalıdır. 2) Tələbə müstəqil işləri məzmununa, təşkili formalarına, iş metodları və tərzlərinə görə tərbiyəvi xarakter dasımalıdır. Bu tələbə müstəqil işlərinin təşkilinin mühüm prinsipidir. 3) Tələbələrin müstəqil işinin səmərəliliyini təmin edən prinsiplərdən biri də vaxtdan düzgün istifadə olunması və yorğunluğa yol verilməməsidir. Bu prinsip yeni bir prinsip - tələbə əməyinin elmi təşkili prinsipini doğurur. Tələbənin təlim əməyini elmi əsaslarla qurmadan nə səmərəliliyi və məqsəd ardıcıllığını təmin etmək, nə də tələbənin əmək qabiliyyətini inkişaf etdirmək mümkün deyil. 4) Tələbə müstəqil işinin təşkili prinsiplərindən biri də müstəqillikdir.
