Tema: Sannin’ moduli

Pa’n: Matematika
Tema:Sannin’ moduli.
Sabaqtin’ ma’qseti

1. 
   Didaktikaliq ma’qseti: Oqiwshilarda sannin’ moduli tu’siniin payda etiw.
   
2. 
   Rawajlantiriwshi:
   

-oqiwshilardin’ itibarin;
-logikaliq oylaw qa’biletin rawajlandiriw;
-bilimge qizig’iwshilig’in rawajlandiriw;
-sa’wbetlesiw ma’deniyatin rawajlandiriw;
3. Ta’rbiyaliq:
-oqiw pa’nine jaqsi pikirdi payda etiwge ta’rbiyalaw;
-toparda islew ko’nlikpesin ta’rbiyalaw
-o’mirde pikirlew shen’berin ken’eytiriw ha’m o’zin-o’zi qadag’alawg’a u’yretiw.
SABAQ USILI
Da’stu’riy emes
Oqiw qurallari: sabaqliq, tarqatpa materiallar, doska, por.
Sabaqtin’ rejesi:

1. 
   Sho’lkemlestiriwshi bo’lim. 3 minut
   
2. 
   U’yge tapsirmasin tekseriw. 2 minut
   
3. 
   Jan’a temani tu’sindiriw. 18 minut
   
4. 
   Jan’a temani bekkemlew. 15 minut
   
5. 
   Sabaqti juwmaqlaw ha’m baqalaw. 5 minut
   
6. 
   U’yge tapsirma beriw. 2 minut
   

1.SHo’lkemlestiriwshi bo’lim:

1. 
   Sa’lemlesiw.
   
2. 
   Na’wbetshi esabati.Bu’gingi sabag’imizda barliq oqiwshi qatnaspaqta, ha’mme sabaqqa tayyar.
   
3. 
   Tazaliqti tekseriw.
   

2.U’yge tapsirmasin tekseriw ha’m o’tilgen temani bekkemlew.
3.Jan’a temani tu’sindiriw.
Metodikaliq bo’lim.

To’memdegi su’wrette A noqattin’ koordinatasi 4 ke ten’, bul noqat sanaq basinan 4 birlik on’da jaylasqan. OA kesindisinin’ uzinlig’i yag’niy sanaq basi O noqatinan 4 sanina sa’ykes keliwshi A noqatina shekemgi bolg’an araliq ta 4 ke ten’:OA=4. Demek, aniqlama boyinsha 4 saninin’ moduli 4 ke ten’.
Usi su’wrettegi B noqatinin’koordinatasi -3 ke ten’, ol sanaq basinan 3 birlik shepte jaylasqan.OB kesindisinin’ uzinlig’i yag’niy sanaq basi O noqatinan -3 sanina sa’ykes keliwshi B noqatina shekemgi bolg’an araliqta 3ke ten’: OB=3. Demek, aniqlama boyinsha -3 saninin’ moduli 3 ke ten’

Sannin’ moduli sannin’ absolyut ma’nisi dep te ataladi. a saninin’ moduli │a│tu’rinde belgilenedi ha’m << a nin’ moduli>> dep oqiladi.Sannin’ moduli teris emes, yag’niy │a│≥ 0.
│5│─bul 5 koordinatali noqattan O noqatina shekemgi araliq;
│0│─bul 0 koordinatali noqattan O noqatina shekemgi araliq;
│-4│─ bul -4 koordinatali noqattan O noqatina shekemgi bolg’an araliq. Uliwma, │a-b│san koordinata tuwri sizig’inda A(a) noqatinan B(b) noqatina shekem bolg’an araliqti bildiredi.
Misali, │5-(-4)│=│5+4│=│9│=9 ─ 5 ha’m -4 noqatlar arasindag’i araliq.

On’ sannin’ moduli usi sannin’ o’zine ten’:
│a│=a , bunda a>0.
Misali, │5│=5; │7│=7; │55│=55; │0,2│=0,2; │ │= .
Teris sannin’ moduli og’an qarama-qarsi bolg’an on’ sang’a ten’:
│a│=-a, bunda a<0.
Misali, │-8│=-(-8)=8; │-15│=-(-15)=15; yaki qisqasha │-25│=25;
Qarama-qarsi sanlardin’ modulleri o’z-ara ten’ boladi:
│a│=│-a│.
Misali, │-6│=│+6│=6; │-1│=│+1│=1.
0 saninin’ moduli 0 ge ten’: │0│=0.
1-misal. │x│=4 ten’lemesin sheshin’
Sheshiliwi. San modulinin’ geometriyeliq ma’nisinen paydalanamiz. x=4
ha’m x=-4 noqatlari ushin sanaq basinan olarg’a shekemgi bolg’an araliqlar ten’
Juwabi: 4 ha’m -4.

Jan’a temani bekkemlew:

Temani tu’sindirip bolg’annan son’ sabaqti bekkemlew ushin oqiwshilardi u’sh toparg’a bo’lemiz. Jan’a oyin oqiwshilarg’a tu’sindiriledi, u’sh qatar u’sh toparg’a bo’linedi. Oyinimiz “Kim shaqqan” dep ataladi
Toparlarg’a to’mendegishe at beriledi.
“On’ san”

1. 
   On’ sannin’ moduli …
   
2. 
   │-6+4│= …
   
3. 
   │8-(-7)│=…
   
4. 
   Sannin’ absolyut ma’nisi …
   

“Teris san”

1. 
   Teris sannin’ moduli …
   
2. 
   │3-4│=…
   
3. 
   │9-2│=…
   
4. 
   │-10│=
   

“Modul”

1. 
   0 saninin’ moduli …
   
2. 
   │x-2│=0 ten’lemeni sheshin’.
   
3. 
   │17│=…
   
4. 
   │(-7)│=…
   

“awa” yaki “yaq” oyini.
Oqiwshilarg’a oyin sha’rti tu’sindiriledi. Bunda topardan bir oqiwshi shig’ip juldizshalardi saylaydi. Juldizshalarda soraw jasiring’an bolip, bul sorawlarg’a tek g’ana awa yaki yaq so’zleri menen juwap beriwi kerek.

1. 
   Qarama-qarsi sanlardin’ modulleri o’z-ara ten’ boladi.???
   
2. 
   │-6│=-6 ???
   
3. 
   0 saninin’ moduli -1 ge ten’ba???
   
4. 
   │4-(-5)│= 9 ???
   
5. 
   On’ sannin’ moduli usi sannin’ o’zine ten’ba???
   
6. 
   │1│=1 ???
   

Kim tez esaplaydi eken???

1. 
   │-15│+│-20│-│-3│∙│-5│=?
   
2. 
   │-6+19│=?
   
3. 
   │-32│+│-32│:│-8│-│-4│=?
   
4. 
   │19-(-81)│=?
   5. Sabaqti juwmaqlaw ha’m baqalaw.
   

7. 
   U’yge tapsirma beriw.
   

Sabaqliqtan - esaplar.