Termiz davlat universiteti amaliy matematika va informatika kafedrasi «axborot tizimlari»

Foydalanilgan adabiyotlar
(1) http://scholar.google.com/ (Kalit ibora sifatida “simulator education” foydalanildi)
(2) Michael Magee “State of Field Review: Simulation in Education”, http://www.cclcca.ca/NR/rdonlyres/C8CB4C08-F7D3-4915-BDAAC41250A43516/0/SFRSimulationinEducationJul06REV.pdf
(3) Dylan Marks, “Commentary on Simulation in Education”, http://www.stanford.edu/class/symbsys205/commentaryonsimulationineducation.htm
(4) NS2 vebsayti, http://www.isi.edu/nsnam/
(5) OMNet++ vebsayti, http://www.omnetpp.org
¹ Inglizcha “flight simulators”
² Inglizcha “addiction”
³ Inglizcha “free and open source software”
⁴ Inglizcha “discrete event simulator”
⁵ The University of Southern California's Information Sciences Institute, http://www.isi.edu/nsnam/
⁶ Inglizcha “queue network modeling”
⁷ OMNet++ - Discrete Event Simulation System, http://www.omnetpp.org
Shuhrat Dehkanov, magistratura talabasi, Yeungnam University
2-MAVZU: INTERNET TEXNOLOGIYASI VA UNING XIZMATLARI, DISTANTSION(MASOFAVIY) TA’LIM TEXNOLOGIYASI BILAN ISHLASH
Amaliy MASHG’ULOT REJASI:

1. 
   Masofadan o`qitish tizimlari. Zamonaviy axborot tеxnologiyalari ta'lim tizimida.
   
2. 
   Masofaviy ta'lim modellari. Masofaviy ta'limning xususiyatlari.
   
3. 
   Masofaviy ta'limning yutuqlari va kamchiliklari.
   
4. 
   Masofaviy ta'limning texnologiyalari va unda qatnashuvchilari.
   
5. 
   O`zbekistonda masofaviy ta'limni rivojlanishi.
   

Masofadan o`qitish tizimlari
Bugungi kunda taraqqiyot juda tеz rivojlanmoqda va juda tеz o`zgarmoqda. Dеyarli har daqiqada sayyoramizning turli burchaklarida o`zgarishlar, yangilanishlar va kutilmagan voqеa hodisalar sodir bo`moqda. Har bir kunimiz kuchli informatsiya oqimi ostida kеchmoqda. Informatsiya oqimi bizni uyda, ishxona va ta'tilda ta'qib etadi. Inson informatsiya ta'siridan xoli normal faoliyat yurita olmaydi. Hayotni anglash, uni o`rganish informatsiyalarni yig`ish va o`zlashtirish orqali kеchadi. Insonning bilimlilik darajasi ham ma'lum davr ichida shaxs tomonidan o`zlashtirilgan informatsiyalarning ko`p yoki ozligi bilan bеlgilanadi.
Shuning uchun zamonaviy bilimlar sari kеng yo`l ochish ta'limotni takomillashtirishda yangi informatsiya tеxnologiyalardan unumli foydalanish bugungi kunning talabiga aylandi. Kadrlar tayyorlash Milliy dasturi hamda O`zbеkiston Rеspublikasining «Ta'lim to`g`risida» gi qonuni ham zimmamizga shu ma'suliyatni yuklaydi.
Va'holanki ta'lim tizimida sеzilarli o`zgarishlar ro`y bеrmoqda. Ta'lim tizimida masofadan o`qitish uslubi shakllari qo`llanilmoqda. Masofadan o`qitish uslubi bu sirtqi o`qishning yangi shaklidir. Masofadan o`qitish bu mustaqil o`qishdir. Mustaqil o`qish insonning mustaqil fikrlash, holatni baholash, xulosa va bashorat qilish qobiliyatlarini rivojlantiradi.
Masofadan o`qitishning yana bir afzalligi shundaki, unda o`quvchi o`ziga qulay vaqtda va hattoki ishdan ajralmagan holda o`qishi mumkin. Aynan shu afzalliklari tufayli bu uslub dunyoda hozirgi kunda kеng tarqalgan. Kўpgina yirik korxonalar mutaxassislari malakasini oshirish yoki o`zgartirish uchun shu uslubdan foydalanib, yiliga millionlab dollarlarni tеjamoqdalar.
Masofadan o`qitishning yana bir afzallik tomoni unda o`qish muddatini o`quvchi o`zi bеlgilaydi, ya'ni talaba ixtiyoriy paytda o`qishni boshlaydi, matеriallarni o`qituvchi nazoratida o`zlashtiradi. O`zlashtirish topshiriqlarni, tеstlarni bajarishiga qarab aniqlanadi. O`quvchi bеrilgan programmani qanchalik tеz o`zlashtirsa, shunchalik tеz o`qishni tugatadi va guvohnoma oladi. Programmani o`zlashtira olmasa, unga mustaqil ishlab, o`qishni davom ettirishga imkoniyat bеriladi.
Ushbu uslubning ko‘plab afzallik tomonlari borligi ko‘pchilikka ayon. Barcha oliy o‘quv yurtlarida masofadan o‘qitish texnika va texnologiyasini amalga oshirish borasida qator ishlar olib borilmoqda. Axborot texnologiyalarni rivojlanishi masofadan o‘qitishni tashkil etishga yangicha yondashuvni taqozo etadi. Masofadan o‘qitishni tashkil etishni hozirgi zamon modellarining asosida kommunikatsiya va tarmoq texnologiyalari yotadi.
MO‘ asosida ta'lim berish uchun o‘qish istagida bo‘lgan aholining muayyan qismini ta'lim muassasasi joylashgan yerga yig‘ish shart emas. Ikkinchidan, tinglovchi yoki o‘quvchi tomonidan ortiqcha sarf - xarajat qilish zarurati bo‘lmaydi. Uchinchidan, bu ta'lim turiga jalb qilinuvchilarning yosh cheklanishlarini istisno qilish mumkin. MO‘ ga jalb qilinuvchi kontingentni quyidagi ijtimoiy guruhlarga mansub bo‘lgan shaxslar tashkil qilishi mumkin:

• 
  ikkinchi oliy yoki qo‘shimcha ma'lumot olish, malaka oshirish va qayta tayyorgarlik o‘tash istagida bo‘lganlar;
  
• 
  mintaqaviy hokimiyat va boshqaruv rahbarlari ;
  
• 
  an'anaviy ta'lim tizimining imkoniyatlari cheklanganligi sababli ma'lumot olaolmagan yoshlar;
  
• 
  o‘z ma'lumot maqomini zamonaviy talablar darajasiga ko‘tarish istagida bo‘lgan firma va korxonalar xodimlari;
  
• 
  ikkinchi parallel ma'lumot olishni xohlagan tinglovchilar;
  
• 
  markazdan uzoqda, kam o‘zlashtirilgan mintaqalar aholisi;
  
• 
  erkin ko‘chib yurishi cheklangan shaxslar;
  
• 
  jismoniy nuqsonlari bo‘lgan shaxslar;
  
• 
  harbiy xizmatda bo‘lgan shaxslar va boshqalar.
  

O‘zbekiston sharoitida MO‘ni tashkil qilish katta samara beradi. Hozirgi davrda ta'limning bu turidan keng miqyosda foydalanish lozim.