13330 ИШчи даст. Умумий физика-(2-3 курслар учун- 2015
1.3.Fanning boshqa fanlar bilan bog’liqligi Atom va yadro fizikasi tushunchalari kirmagan soha yo’q. Ular fizikaning deyarli barcha bo’limlarida tub o’zgarish yasadi. Uning tasavvuri falsafiy qarashlarni ham butunlay o’zgartirdi. Hozirgi zamon nazariy kimyosi – bu kvant mexanikadir. Submolekulyar biologiyaning asosi - kvant fizikasidir. Kvant tasavvurlar ta’sirida kvant psixologiya fani vujudga keldi. Kvant fizikasi tasavvuri va uning matematik apparatiga tayangan holda jamiyatda va sotsiologiyada bo’ladigan ayrim jarayonlarni tushuntirish uchun harakat qilinmoqda. Kvant g’oya va kvant o’lchashni konseptual muammolarini o’rganish esa yangi amaliy fan – kvant informatikani va uning turli yo’nalishlarining tug’ilishiga sabab bo’ldi. Atom va yadro fizikasi astrofizika bilan chambarchas bog’langan. Molekulyar fizika ham – bu kvant fizikadir. Yangi texnik qurilmalar, tezlatgichlar, reaktorlar, o’ta nozik va o’ta sezgir o’lchov asboblari, lazerlar, nanosekund masshtablarida ishlovchi integral sxemalar va hokazolar ham atom va yadro fizikasi g’oyasining mahsulidir. Hatto inson miyasida kechadigan jarayonlarni tushunishda ham kvant tasavvur yotadi. Kvant fizika, ya’ni atom va yadro fizikasi tuzilishini mohiyatini o’rganuvchi fandir desak yanglishmagan bo’lamiz.
