Toshkent shahar

Birinchi bosqich – bu o’quvchini tarbiyaviy jarayon vaziyatidan xabardor qilishdir.
Ikkinchi bosqich – nutqiy muomala ob’ektining ya’ni o’quvchining diqqatini o’ziga jalb qilishdir.
Uchinchi bosqich – nutqiy muomalani tashkil etish, yangi materialni bayon qilish yo’nalishida o’qituvchi o’quvchilarni bo’lajak muomalaga, yangi mterialni tushuntirib berishga tayyorlaydi.
To’rtinchi bosqich - nutqiy muomalaning o’zaro ta’sir ko’rsatishi bo’lib, uning obrazi ”ko’rish” tizimi bilan birga borish lozim.
Pedagogik ta’sir ko’rsatishning beshinchi bosqichi ham mazmun jihatdan, ham xissiy jahatdan amalga oshiriladigan ”qaytish aloqasi” dir. Qaytish aloqasi har qanday nutqiy muomala jarayonining zarur tarkibiy qismi bo’lib, pedagogik faoliyatda u muhim ahamiyatga egadir.
Ma’limki, o’qitish jarayonida pedagog o’quvchilar bilan individual holda nutqiy muloqotda bo’ladi.
Boshlang’ich sinf o’quvchilarning nutqdagi kamchiliklarini tanqid qilish ehtiyotkorlikni talab etadi. Qo’pol tanbeh, noto’g’ri tanqid o’quvchilar o’rtasidagi yaxshi muomalani buzishi, o’quvchini o’rinsiz ranjitishi mumkin, shuning uchun ham o’qituvchi, nutqiy muomala qilishda pedagogik odob talablariga rioya qilishi, o’quvchilarning insoniy qadr-qimmati, obro’sini saqlashga intilish zarur.
Tajribalardan ma’lumki, o’qituvchining nutqi o’quvchilarni o’zigaga ergashtirib, ularda ham yoqimli nutq madaniyatini tarbiyalaydi.
Bolalar nutqini rivojlantirishda xalq og’zaki ijodining ahamiyati katta. Shuning uchun ”O’qish kitobi” da ”Ertaklar-yaxshilikka yetaklar” bo’limi berilgan. Unga kiritilgan ertaklar bolalarni obod - axloqqa o’rgatishi, ma’naviy juhatdan rivojlanishi bilan muhim ahamiyatga egadir. Masalan, ”Ur to’qmoq” ertagidagi dehqon va boy obrazlari o’quvchilar ongida yaxshi va yomondan nafratlanish, undan yiroqlashish kerakligi haqida tasavvur hosl qilai. Maqtanchoqlik, adolatchilik, ochko’zlik juda yomon odat ekanligi, saxiylik, do’stga mehribon bo’lish, rostgo’ylik insonning ma’naviy yuksalishga yordam berishi uqtiriladi. Bolalarda ikkita jadval tuzishga tayyorlanishlari aytiladi. Birga yaxshilikka doir so’zlar, ikkinchisiga esa uning aksi bo’lgan so’zlar yozish ta’;kidlanadi. O’quvchilar ikki guruhga ajratilib, birinchi guruhdagi bolalar mehribon, saxiy, shirinso’z, yoqimli, go’zal, chiroyli, mehnatkash, e’tiborli, kamtar, aqlli, bilag’on kabi so’zlar topsalar, ikkinchi guruh bolalar yomon, xunuk, qo’pol, yolg’onchi, ayyor, to’polonchi, tartibsiz, xasis, qizg’anchiq kabi so’zlarni aytadilar.
Nutq o’stirish ishlarini iqtisodiy tarbiya bilan bog’lab olib borish foydalidir. Bunda oila, uyro’zg’or, inoqlik, hamjihatlik, hamkorlik, tejamkorlik, foyda, zarar, dastyorlik, hurmat kabi so’zlardan foydalaniladi.
O’quvchilar nutqini o’stirish ishlari ularning lug’atini boyitish bilan bog’liqdir. Bolalarning so’z boyligi qanchalik ko’p bo’lsa, u shunchalik ravon gapiradgan bo’ladi.
Davlat ta’lim standarti talablarida o’quvchilarning o’zgalar fikrini, matn mazmunini to’liq anglash, o’z fikrini yozma va og’zaki shaklda aniq va ravon bayon etish malakasini oshirish maqsadi ko’zda tutilgan ekan, bunda ona tili fani nafaqat o’quv, balki butun ta’lim tizimida muhim jarayon hisoblanib, bu jarayonga asosiy diqqat – e’tiborini qaratmoq zarurligi alohida uqtirib o’tialadi. Barchamizga ma’lumki, nutq fikrni ifodalovchi vositasi bo’lib, u orqali inson o’z fikrini, qarashlarini bayon etadi. Qolaversa, biz insonning ichki dunyosiga, bilim darajasiga ham uning nutqidan kelib chiqib baho beramiz. Shunday ekan, bilimni o’zlashtirish, tabiat va borliq haqida ma’lumot to’plashda samarali hisoblangan nutq o’stirishga maktab yoshidayoq alohida ahamiyat bermoq lozimdir.
Boshlang’ ich sinf o’quvchilari nutqida o’stirishda yod oldirish, so’zlarning ma’nosini tushuntirish yoki qayta hikoya qildirish kabi usullardan foydalanibgina qolmay, balki ular uchun qiziqarli faoliyat bo’lgan o’yinlardan foydalanish, ayniqsa, ko’zlangan maqsad, yuqori natijalarni qo’lga kiritishda katta yordam beradi. Chunki o’yin kichik maktab yoshidagi o’quvchilar faoliyatida asosiy o’rinni egallaydi. Bolalarning yosh va psixoligik xususiyatidan kelib chiqib aytadigan bo’lsak, o’yin dunyoni va o’zlikni anglashda, bog’lanishli nutqni o’stirishda asosiy vosita hisoblanadi. Darslarda o’quvchilar zo’r qiziqish bilan ishtirok etadigan bir nechta o’yinlardan namunalar keltiramiz. .
”Hikoya”
O’qituvchi xattaxtaga bir nechta so’z yozib qo’yadi. Masalan: Nafisa, soat, yomg’ir, kitob kabi. O’quvchilar mustaqil ravishda shu so’zlar ishtirokida hikoya tuzadilar. Bunda ularning lug’at boyligi oshishi bilan birga, gaplarni to’g’ri tuzish, tovushlarni to’g’ri tallaffuz qilish, ijodiy va mustaqil fiklash qobiliyati shakllanadi. O’qituvchi faol ishtirokchilarni vaqti - vaqti bilan rag’batlantirib borishi o’quvchilarning o’ziga bo’lgan ishonchini orttiradi va bundan - da faol bolishiga ubndaydi. Mazkur o’yinlar darsdan tashqari mashg’ulotlarda va to’garaklarda ham bemalol foydalanish mumkin.
“Qarama-qarshi so’zlar.”
Bu o’yin mantiqiy tafakkurning hamda nutqnining rivojlanishiga yordam beradi . O’yinni individual tarzda ham, guruh bilan ham o’tkazish mumkin. O’yin sharti quydagicha: o’qituvchi bola yoki o’quvchiga bir so’zni aytadi, o’quvchi shu so’zning ma’nosiga qarama - qarshi bo’lgan so’zni topib aytishi kerak. Masalan: katta - kichik, issiq - sovuq, achiq - shirin, qorong’u - yoruq, keng-tor, uzoq-yaqin va hokazo. Odatda bolalar o’yin boshida biroz qiynalshadilar, aytilgan so’zga javoban antoni so’zni emas, sinonim so’z bilan javob beradi, masalan: katta - baland, uzun - uzoq kabi. Ammo o’yinning mohiyatini tushunib olganlaridan so’ng o’quvchilar yaxshi o’ynaydilar. O’yin bir necha marta o’tkazilganidan so’ng o’quvchilar abstrakt tushunchalarni ham osonlik bilan tushunadilar va javob beradi, shunda o’quvchilarning nutqi ham rivjlana boradi, masalan: chaqqon - yalqov, ishchan - dangasa kabi so’zlarga ham tez javob topa oladi.

”To’rtinchisi ortiqcha.”

Bu o’yin rasmlarsiz o’ynaladi. O’quvchiga yoki bolaga bir guruhga kiruvchi uchta predmet va boshqa guruhga mansub bitta predmet nomi aytiladi. Masalan: atirgul, boychechak, binafsha, qo’ziqorin. O’quvchi ular orasidan ortiqchasini aytganidan so’ng undan fikrini asoslab berishi so’ralishi kerak. Bu o’yinlar o’quvchilarning tafakkuri rivojlanishiga yordam berishi bilan birga nutqning o’sishiga ham yordam beradi.

O’yin individual tarzda o’tkazilsa ham yaxshi samara beradi, guruhda musobaqa ko’rinishida o’tkazilsa o’quvchilarning qiziqishi yanada ortadi.
”O’zaro bog’liqlik.”
O’quvchilarga rasmli kartochkalar tarqatiladi. Ular kartochkalar bilan tanishib chiqqach, o’quvchi rasmdagi predmet haqida gapirib beradi.
”Masalan: bu olma. Olma bog’da o’sadi va mevalarga kiradi. Uni o’quvchilar juda yaxshi ko’rishadi”. Keyin ikkinchi bola ham o’zidagi predmet haqida gapiradi va o’zidagi predmet bilan birinchi o’quvchidagi predmetni o’zaro bog’liqligini aytishi kerak.
”Masalan”: Bu quyosh. Quyosh chiqsa havo isiydi. Uni o’quvchilar yaxshi ko’rishadi. Quyosh istib tursa olma va boshqa mevalar pishadi”. Keyin uchinchi o’quvchi o’zidagi predmet haqida gapiradi va ikkinchi boladagi predmet bilan o’zidagi predmet orasidagi bog’liqlikni topishi kera. O’yin shu tartibda davom etadi.
”Buni qanday qo’llash mumkin.”
O’quvchilarga imkon qadar ko’p hollarda ishlatilishi mumkin bo’lgan predmet nomini ayting. Har bir o’quvchi o’z uslubini taklif qilishiga erishing. Masalan: Siz qalam so’zini aytishingiz mumkin. Uni ishlatish yo’llari turlicha bo’lishi mumkin: rasm chizish, yozish, ko’rsatkich sifatida va hokaza.
”Umumiylikni izlash.”
O’quvchilar aylana qurib o’tiradilar. Olib boruvchi o’quvchilardan biriga to’pni otayotib, bir-biri bilan bog’lanmagan 2 ta so’zni aytadi. Masalan: maktab va o’quvchi, kitob va javon, quyosh va gul va hokazo. To’pni tutib olgan o’quvchi so’z juftligi orasidan umumiy belgini aytib to’pni qaytaradi.
”Safar”.
O’quvchilarga maktabdan yoki uylaridan ma’lum bir joygacha bo’lgan yo’lini tasvirlash topshirig’i beriladi. O’quvchilar bir necha kun davomida ”ob’ekt” ni mustaqil kuzatadilar va uni og’zaki tasvirlab beradilar. Sinchkovlik, ziyraklik, kuzatuvchanlik, atrof - muhitga diqqat – e’tibor talab etiladigan bu o’yib vositasida Vatanni sevish, tabiatga muhabbat, chor – atrof e’tiborli bo’lish hislarini tarbiyalash mumkin. Bundan tashqari, mazkur o’yinlardan foydalanganda o’quvchilarning nutqi rivojlanadi, lug’at boyligi yanada ortadi, mustaqil fikrlash malakasi shakllanadi.
Yuqorida keltirilgan ta’limiy o’yinlar o’quvchilarning darsda faolligini oshirish bilan birga bilimlarni o’zlashtirish jarayonini yengillashtirish va mustahkamlash, nutq o’stirishga yo’naltitirilgan har bir mashg’ulotni qiziqarli tashkil etishga xizmat qiladi.
Yordamchi mehnat ta’limi maktabida o‘qish darslarida nutqni o‘stirish ishlarini to‘g‘ri tashkil etish muhim ahamiyatga ega. Xar bir o‘qituvchi bola nutqini xar tomonlama o‘rganib chiqishi lozim O‘qish darslarida logoped boshlagan ish davom ettiriladi, bola talaffuziga katta e’tibor beriladi, nuqsonlari tuzatib boriladi. O‘qish darslarida bolaning lug‘at boyligi qay holatda ekanligi aniqlanadi, boyitiladi va faollashtiriladi. Grammatik jihatdan gapni to‘g‘ri tuzishga o‘rgatish ishlari davom ettiriladi. Dialogik va monologik nutqni o‘stirish, o‘z fikrlarini izchillik bilan mantiqan to‘g‘ri bayon etishga o‘rgatish ishlari ham dastur talablaridan asosiylari bulib hisoblanadi. O‘qituvchining savollariga javob qaytarish, o‘qilgai matn mazmunini mustaqil gapirib berish, rasmga qarab oya tuzish kabi ish turlari barcha sniflarda amalga oshiriladi. O‘quv yili vaqtiga qarab mashqlarni bajarishga qo‘yiladigan talablar o‘zgaradi: og‘zaki bayoi hajmm ortib boradi, mustaqillik oshadi, ish turining sifati o‘zgaradi, jumladan xuddi matndagidek bayon va qisqa bayon, uchinchi shaxs nomidan bayoi etish, vaqt va davrni o‘zgartirib bayon etish va x. k.
Lugat ustidagi ishlar bolalarniig kurgan-kechirganlari, shaxsiy faoliyati, amaliy ishlariga, tajribasiga tayangan holda amalga oshiriladi. Shuning uchun predmetni, uning belgisi yoki sifatini ko‘rsatish, tatib ko‘rish yo‘li bilan amalga oshirilgan lugat ishlari eng samaralidir. '
Amaliy faoliyatda predmetni kuzatish, o‘rganish yanada ham faollashadi. Lugat ustidagi ishlar doim bir tartibda ( so‘zni tushuntirish, ran ichida ishlata olishga o‘rgatish, kontekst ichida ishlatish) amalga oshiriladi. Ekskursiya, kuzatishlar, predmet darslari, kinofilm, rasmlar va boshqa o‘qituv vositalari nutk ustirish manbalaridir. Yangi urganilgan suzlar leksiko-semantik va leksiko-stilistik mashqlar yordamida mustahkamlanadi. Leksiko-semantik mashqlarga: belgisiga qarab so‘zni topish ( rangi, shakli, nimadan qilinganligi ); buyumlarni taqqoslash, analiz va sintez qilish, qismlarga bo‘lish, qismlardan bir butun nima ekanligini aniqlash (to‘rt oyoqli, taxtadnm yasalgan -stol); asosiy belgisiga kura buyumlarni tasniflash(meva-olma,nok, uzum).
Leksiko-stilistik mashklar suzlarni gap ichida to‘g‘ri qo‘llash va yozishga o‘rgatish maqsadida olib boriladi. Tilning grammatik vositalarini bola qay darajada o‘zlashtirganligiga qarab uning fikrlash qobiliyati, tafakkuri baholanadi. Aqli zaif bolalarning deyarli barchasida gap tuzishning leksiko-grammatik poydevori shakllanmagan bo‘ladi. Boshlang‘ich sinf o‘quvchilari muloqat vaqtida aytmoqchi bo‘lganini chalkashtirib, gap tuza olmaydilar, gap ichidagi so‘zlarni bir biri bilan to‘g‘ri bog‘lay olmaydilar, tushurib ketadilar. Natijada fikri buziladi, so‘zlari poyma-poy bo‘lib qoladi.
Aqli zaif bolalar bilan gap ustida ishlashning asosiy yo‘nalishlari kuyidagicha:
Gan tuzishga o‘rgatish, o‘z fikrlarini bayon etishda to‘g‘ri tuzilgan grammatik va leksik vositalardan urnnli foydalana olish, savollarga tugri javob kaytarish.
Gap tuzish mashqlariii quyidagi tartibda utkazish mumkin:
o‘yin faoliyati, kuzatish, amaliy ishlar, rasm asosida o‘qituvchining topshirig‘iga binoan mustaqil ravishda ran tuzish, matn ichidan kerakli gailarni ajratib olish, gan ichidagi so‘zlarii almashtirish; gapni tugallash (ma’nosiga ko‘ra tartibsiz berilgan so‘zlardan ran tuzish va boshqalar).
Aqli zaif bolalar nutqi|ning barcha tuzumlari
(fonetiko-fonematik, leksik va grammatik) yaxshi rivojlanmaganlign
natijasida bog‘langan nutqining shakllanishi ancha mushkul.
Bog‘langai nutq impressiv (atrofdagilar nutqini tushunish) va ekspressiv (tapira olish) nutqlarni o‘z ichiga qamrab oladi. Bog‘langan nutqni ustirish shplari dialogik nutqni o‘strish mashqlaridan boshlanadi.
Suhbat-dialogik nutqni rivojlantirishning asosiy usuli. Suhbat orkqali bola to‘liq gaplarni tuzishga mashq qiladi. Yil sayin gaplar murakkablashib, bir vaqtni o‘zida bola uch-to‘rt gap orqali javob berishga va shu yul bilan monologik nutq elementlarini egallashga o‘rganadi. Bola nafaqat javob beradi, balki mustaqil savol berishga ham o‘rganib boradi. Suhbatdan so‘ng, o‘qish darslarida bola matn mazmunini bayon etishga harakat qiladi. Bog‘langan nutqni o‘stirishda quyidagi talablarga amal qilish lozim: gapirshni talab etadigan vaziyatni yaratish, gapirishga intilish-motiv, hohish, qiziqish uyg‘otish; amaliy faoliyat asosida mantiqan to‘g‘ri gapira olishga o‘rgatish (rasmli, sxematik so‘z bilan ifodalangai reja asosida); bayon etishning maqsadini bolaga aniq qilib tushuntirish; mustakil bayon etishga o‘rgatish. Bunda o‘qituvchi iloji boricha gapirmaydi, imo-ishora yordamida rasmni ko‘rsatish, rangni va shaklni ko‘rsatish va boshqa yo‘llar bilan yordam berib boradi. Bog‘laigan nutqni o‘stirish ishlari bayon etishga tayyorlash, o‘rganilgan matnga reja tuzish, gaplarni leksik, morfologik, sintaktik jixatdan to‘g‘ri tuzishga o‘rgatish bosqichlari bo‘yicha amalga oshiriladi.
Ma’lumki, nutq tafakkur bilan bog’liq, shuning uchun u tafakkur bilan uzviy bog’liq holda o’stiriladi. Darsda o’qilgan asarni o’quvchilar ongli tushunishi, asosiy mazmunini, g’oyasini anglab etishi uchun analiz, sintez, taqqoslash, umumlashtirish kabi logik priyomlar qo’llanadi. O’qilgan asarni analiz qilishda har xil ish usullaridan foydalaniladi. Bolalar hikoyadagi asosiy qatnashuvchi shaxslarni aytadilar, o’qituvchi rahbarligida asarning sxematik rejasini tuzadilar (tugun, kulminasiya, echim). Masalan, bolalar O’.Usmonovning “CHumchuq bola” hikoyasida qatnashuvchi shaxslar sifatida Boboxonni, chumchuq bolani, Tal’atni aytadilar; “Laqma it” ertagida qatnashuvchilarni: laqma it, echki, mushuk, xo’roz, olaqashqani aytadi. Qatnashuvchi shaxslarni o’quvchilar har xil tartibda aytishlari mumkin. Ammo, o’qituvchi ularni asarda qatnashgan tartibda aytishni so’raydi. Natijada o’qituvchi rahbarligida hikoyaning jadvali tuziladi. O’qituvchi bergan savoli yordamida bolalar Boboxon chumchuq bolani bug’doyzordan tutib olgani, uni qiynagani, ko’chada o’rtog’i Tal’atni ko’rib qolgani, Boboxonning ishidan Tal’atning xafa bo’lgani, chumchuq bolani qizil qalam va o’chirg’ichga almashib olgani va uchirib yuborgani (qutqargani), Boboxon esa uyalganidan dovdirab qolganini aytib beradilar. Hikoyaning mazmuni shunday aniqlanadi. SHunday qilib, hikoya mazmuni bilan birinchi tanishish o’quvchilardan ongli ishlashni, ya’ni voqealarni, qatnashuvchilar sostavini analiz qilishni talab qiladi. O’qish bilan bog’liq holda bajariladigan bunday logik ishlar asta-sekin murakkablasha boradi.
Boshlang’ich sinflar o’qish darslarida o’quvchilar nutqini o’stirish vositalaridan biri to’g’ri uyushtirilgan qayta hikoyalashdir. Maktab tajribasida to’liq, qisqartirib, tanlab va ijodiy qayta hikoya qilish turlari mavjud. Boshlang’ich sinf o’quvchilari uchun matnni to’liq yoki matnga yaqin qayta hikoyalash ancha oson, boshqa turlari esa nisbatan qiyinroqdir. Qayta hikoyalashda o’qilgan hikoya mazmuni yuzasidan o’qituvchining savoli o’quvchilarni hikoyaning detallari haqida, ayrim voqealar o’rtasidagi bog’lanishning sabab-natijalari haqida fikrlashga qaratilishi lozim. Asar syujetining rivojlanishida qatnashuvchi shaxslar, ularning xatti-harakati asosiy rol o’ynaydi. Bolalar asar mazmunini unda ishtirok etuvchi shaxslar va ularning xatti-harakati, harakterli xususiyatlarini tahlil qilish yordamida yaxshi anglab etadilar. O’qituvchining savoli asar qahramonlari nima qilgani, ularning u yoki bu xatti-harakatlari qaerda va qanday sharoitda yuz bergani haqida so’zlab berishga, voqealarning izchil bayon qilinishiga va o’zaro bog’liqlikni yoritishga yo’naltirilishi lozim. O’quvchi o’qilgan asar mazmunini o’qituvchi savoli yordamida aytib berishida faqat analizdan emas, sintezdan ham foydalanadi: ayrim faktlarni o’zaro bog’laydi (sintezlaydi), bir-biriga taqqoslaydi, ular yuzasidan muhokama yuritadi va xulosa chiqaradi. Ko’pincha boshang’ich sinf o’quvchilari qatnashuvchi shaxslar xatti-harakatini yaxshi tushunmasliklari, ba’zan noto’g’ri yoki yuzasi tushunishlari natijasida asar mazmunini anglab etmaydilar. SHuning uchun ham o’qituvchi savolni juda o’ylab tuzishi, u bolani fikrlashga, o’ylashga majbur etadigan, qatnashuvchi shaxslarning xatti-harakati, voqealarning bog’lanishi yuzasidan muhokama yuritadigan, ularni o’zaro qiyoslashga, ijobiy va salbiy tomonlarini aniqlashga yordam beradigan bo’lishi lozim. O’quvchi asarda qatnashuvchilarning xatti-harakatini qanchalik aniq ko’z oldigan keltira olsa, u hikoyaning asosiy mazmunini shunchalik chuqur tushunadi, shunchalik mustaqil qayta hikoya qilib beradi.
O’qilgan asar mazmunini izchil ravishda qayta hikoyalash uning rejasini tuzishga yordam beradi. Reja tuzishda o’quvchi hikoyani tarkibiy qismlarga bo’ladi va har qaysi qismdagi asosiy fikrni aniqlaydi. Bularning hammasi analitik ish hisoblanadi. Keyin sintetik ishga o’tiladi, ya’ni bolalar hikoya qismlariga sarlavha topadilar. O’quvchilar o’qituvchi rahbarligida reja tuzish jarayonida o’qilgan hikoyaning har bir qismida bosh va ikkinchi darajali masala nimalardan iboratligi haqida, qanday qilib fikrni qisqa va aniq ifodalash haqida o’ylaydilar. Sarlavha topish ustida ishlash, o’quvchilar topgan sarlavhani jamoa bo’lib muhokama qilish, reja tuzish jarayonining o’zi bolaning fikrlash qobiliyatini faollashtirishi, unda o’z mulohazasini isbotlash, asoslash odatlarini tarbiyalashi lozim. Asarni o’qish va tahlil qilish jarayonida tuzilgan reja doskaga yozilsa, hikoya mazmunini izchil qayta hikoya qilishga yordam beradi. Reja asosida hikoya qilishning vazifasi mazmunni berilgan izchillikda o’zlashtirishdir. Reja asosida qayta hikoyalash o’qituvchi savoligi javob berishga nisbatan asar mazmunini aytib berishning hiyla mustaqil formasidir. O’qilgan asar mazmunini o’zlashtirish ustida ishlashdagi keyingi bosqich, qisqartirib hikoyalash hisoblanadi. Qisqartirib hikoyalash uchun 2-3 qismga bo’linadigan, bu bo’limlar yaqqol ajralib turadigan, mazmuni sodda asarlar tanlanadi. Qisqartirib hikoyalashga o’rgatish quyidagicha uyushtiriladi: o’qituvchi hikoyaning oldindan belgilab qo’yilgan birinchi qismini o’qiydi va o’quvchilar bilan birgalikda eng muhim, asosiy fikr aniqlanadi. Bunda o’quvchilar ba’zan asardagi so’zlardan foydalanadilar. Bu o’quvchilarga qiyinlik qilsa, bo’limdagi asosiy fikrni o’z so’zlari bilan aytib berishlari mumkin. Keyin o’quvchilar o’qituvchi bilan bu qismni qisqartirib hikoyalashda nimalar haqida gapirmaslik kerakligini, qaysilar ikkinchi darajali yoki kam ahamiyatli fikr ekanini aniqlaydilar. Asarning boshqa qismlari yuzasidan ham shunday ish olib boriladi va o’quvchilar asarni qisqartirib qayta hikoya qiladilar. O’qilgan asarni qisqartirib hikoya qilishga 3-sinfdan boshlab o’rgatiladi. Tanlab hikoyalash ham bolalarning tafakkuri va nutqini o’stirish vositalaridan biridir. Tanlab hikoyalashda o’quvchi:
1) o’qigan matndan bir qismini, uning chegarasini ongli ravishda ajratib so’zlab beradi;
2) hikoyadan faqat bir voqeani aytib beradi;
3) hikoya mazmunini faqat bir syujet yo’nalishida so’zlab beradi.
Bolalar tanlab qayta hikoyalash malakasini hosil qilishga boshlang’ich sinf izohli o’qish darsida keng qo’llanadigan metodik usullar yordam beradi:
1) hikoya qismiga chizilgan rasm asosida hikoyalash;
2) hikoyadagi bir voqeani tasvirlovchi rasm asosida hikoyalash;
3) tanlab qayta hikoyalashni talab etadigan savollarga javob berish. O’quvchi tanlab hikoya qilishga tayyorlanganda o’qilgan matnni tahlil qiladi. Bunday tahlil bolalar tafakkurini, ular nutqidagi mustaqillikni o’stiradi va o’qilgan matn mazmunini o’zlashtirishga yordam beradi.
Hikoyani o’qish bilan bog’liq holda o’tkaziladigan ijodiy ishlar ham o’quvchilar nutqini, tafakkurini o’stiradi. Bular:
1) ijodiy qayta hikoyalash;
2) inssenirovka qilish;
3) o’qilgan asarga rasm chizish; hikoyani davom ettirish.
1.Ijodiy qayta hikoyalashda o’qilgan hikoyaning sharoitini, yo formasini o’zgartirib hikoya qilinadi, yoki hikoyani yangi epizodlar bilan to’ldirib hikoya qilinadi.
2.Inssenirovka yoki sahnalashtirishda o’quvchilar o’qilgan hikoyani sahnabop qilib o’zgartiradilar. Buning uchun ular hikoyaga ssenariy haqida, kostyum, qatnashuvchilarning imo-ishorasi haqida o’ylaydilar, monologik nutqni dialogik nutqqa aylantiradilar (bu tilni o’rgatish nuqtai nazaridan eng muhim ish hisoblanadi).
3.O’qilgan hikoyaga rasm chizishda o’quvchi rassomlar tomonidan chizilgan rasmlardan o’qilgan asarning mazmuniga mos rasm tanlaydi yoki o’zi rasm chizadi. Agar o’quvchi rasmni yaxshi chiza olmasa, o’zi chizmoqchi bo’lgan rasmni og’zaki tasvirlab beradi, ya’ni so’z bilan rasm chizadi.
4.O’qilgan hikoyani davom ettirish usuli maktab tajribasida keng qo’llanadi. Bu usul hikoyaning mazmuni uni davom ettirishga imkon beradigan asarlarda qo’llanadi.
Xulosa.
Jamiyatimizni erkinlashtirish g’oyasi bevosita ta’lim jarayonida o’z ifodasini topib, uni yangidan tashkil qilsih va mazmunini o’zgartirish, yanada insonparvarlashtirish, ijtimoiylashtirish va demokratlashtirish asosida ta’minlanadi.
Prezidentimiz I.A.Karimov ta’kidlaganidek, “jamiyatni ma’naviy jihatdan yangilamay, respublika fuqarolarining yangi avlodini tarbiyalamay, erkin, mustaqil fikrlovchi shxsni shakllantirmay turib, farovon, qudratli demokratik davlat, erkin fuqarolik jamiyatini barpo etib bo’lmaydi”.
Kelajagimiz bo’lgan yoshlarning erkin firklovchi, barkamol shaxs bo’lib shakllanishi uchun ularni har tomonlama rivojlantirish zarur. Ularning psixologik, jismoniy va ijtimoiy jihatlarini o’rganib, o’zlarini erkin tutishi va fikrini mustaqil ifodalashida to’siq bo’ladigan salbiy psixoloogik holarlarni aniqlash va bartaraf etish lozim. Negaki bu holatlar faqatgina yoshlarning bilim olishida to’siq bo’lib qolmasdan, balki ularning o’z-o’zini past baholashiga ham olib keladi va bu narsa o’z navbatida shaxsning boshqa psixik jarayonlarining normal rivojlanishida salbiy ta’sir ko’rsatadi.
Mamlakatimizning istiqlol yo’lidagi birinchi qadamlaridanoq buyuk ma’naviyatimizni tiklash va yanada yuksaltirish, milliy ta’lim-tarbiya tizimini takomillashtirish uning milliy zaminini mustahkamlash zamon talablari bilan uyg’unlashtirish asosida jahon andozalari va ko’nikmasi darajasiga chiqarishga katta ahamiyat berib kelinmoqda.
Ta’limning yangi modeli jamiyatda mustaqil fikrlovchi erkin shxsning shakllanishiga olib keladi. O’zining qadr-qimmatini anglaydigan idorasi baquvvat, imoni butun, hayotda aniq maqsadga ega bo’lgan insonlarni tarbiyalash imkoniyatiga ega bo’lamiz. Ana shunday keyin ongli turmmush kechirish jamiyat hayotining bosh mezoniga aylanadi. Shunda inson o’z aqli, o’z tafkkuri, o’z mehnati, o’z mas’uliyati bilan ongli tarzda ozod va hur fikrli inson bo’lib yashaydi.
Barcha ma’naviy axloqiy fazilatlarning poydevori, tushunchalari, ko’nikmalri bolalikdan tarkib toptirilmasagina, bu poydevor barqaror bo’ladi. Ma’naviy axloqiy fazilatlar tarkibida nutq, muloqot, munosabat madaniyati alohida o’rin tutadi. O’quvchilarda nutqiy munosabatga kirishish malakasini hosil qilishda pedagogikaning roli kattadir. Bu o’qituvchining erkin va aniq – ravshan nutqi, o’quvhilar nutqi va tafakkurini rivojlantirishning birinchi darajali muhim shartlaridan hisoblanadi.
O’qituvchi o’z nutqining bolalarga qanday ta’sir etayotganini kuzatishi, tushunarli va qiziqarli bo’lganini hisobga olishi kerak. Aagar bolalar darsga e’tiborsiz o’tirsalar, demak, o’qituvchi nutqining ta’siri kuchi sust.
O’qituvchining mahorti shundaki, u o’zining yoqimli nutqi bilan bir butun jamoaga ta’lim-tarbiya beribgina qolmay, balki ularni yuksaklikka intlishga chorlashi kerak.
Yuqorida keltirilgan ta’limiy o’yinlar o’quvchilarning darsda faolligini oshirish bilan birga bilimlarni o’zlashtirish jarayonini yengillashtirish va mustahkamlash, nutq o’stirishga yo’naltitirilgan har bir mashg’ulotni qiziqarli tashkil etishga xizmat qiladi.


Foydalanilgan adabiyotlar:

1. Maktab va hayot. Ilmiy-metodik jurnal. sonlari

2. Ochilov M. Yangi pedagogik texnologiyalar. 2000 yil
3. Boshlang’ich ta’lim. 2007. 9-soni
4. Boshlang’ich sinflar uchun metodik qo’llanmalar.