Toshkent viloyati chirchiq davlat pedagogika instituti teshabayeva Zamira Sobirovna bolalarni sahnalashtirish va ijodiy faoliyatga o’rgatish fanidan Darslik

- Mashg’ulotning mazmunliligi prinsipi;
- Improvizatsionlik prinsipi;
- Integrativlik prinsipi;
- Erkinlik prinsipi;
- Faollik prinsipi;
- Mustaqillik prinsipi;
- Birlik prinsipi;
- Variativlik prinsipi;
- Bolalarning individual xususiyatlarini hisobga olish prinsipi.

- Mashg’ulotning mazmunliligi prinsipi. Bunga ko’ra sahnalashtirish faoliyatini tashkil etishda mavzular va metodlarning turfa xilligiga e’tibor qaratish lozim.
- Improvizatsionlik prinsipi. Bunda sahnalashtirish o’yinlari shunday bir ijodiy faoliyat sifatida ko’riladiki, u kattalar va bolalarning o’zaro erkin muhitdagi alohida hamkorligini talab etadi, bolaning tashabbuskorligini rag’batlantiradi, biron-bir namunaga taqlid qilmaslikni talab etadi, o’zining mustaqil fikriga ega bo’lishga undaydi. Mashg’ulotda barcha o’yin va mashqlar shunday tanlanishi kerakki, ularda harakatlar, nutq, mimika va pantomimik harakatlar turli ko’rinishlarda mujassam bo’lsin.
- Integrativlik prinsipi. Sahnalashtirilgan faoliyat o’yinlari butun bir pedagogik jarayonda uygunlashtiriladi, yani ijodiy faoliyat mashgulotlari (musiqa, rasm chizish, nutq o’stirish, o’yinlar), kattalar va bolalarning hamkorligidagi ijodiy o’yinlar;
- Erkinlik prinsipi. Bolalarga qiziqtirgan faoliyat bilan bir-biriga xalaqit bermagan holda shug’ullanish imkonini beradi;
- Faollik prinsipi. Bolaning bilish faoliyatini, faolligini rag’batlaydi. O’yinlarga tayyorgarlik k’orish va ularni o’tkazishning barcha bosqichlarida bolalarning maksimal darajada faol b’olish imkonini beradi;
- Mustaqillik prinsipi. Bunda bola muhitga o’z munosabatini mustaqil belgilaydi, idrok qilish, taqlid qilish va o’z istagini mustaqil tanlash imkonini beradi.²²
- Birlik prinsipi. Ushbu prinsipning asosi bola va tarbiyachining o’zaro tushunish va o’zaro yordam asosida birgalikdagi faoliyatni tashkil etishdir.