Transformatorlarning tuzilishi va ishlash tamoyili asosiy tushunchalar

Nazorat sinov savollari:

1. 
   Transformator deb nimaga aytiladi?
   
2. 
   Umumiy maqsadlarda ishlatiladigan kuch transformatorlaridan qanday maqsadlarda foydalaniladi?
   
3. 
   Transformator necha fazali bo‘ladi?
   

TRANSFORMATORNING ISHLASH PRINSIPI
Transformatorning ishlash prinsipini bir fazali ikki chulg‘amli transformator misolida ko‘rib chiqamiz. Uning konstruktiv sxemasi 88-rasmda keltirilgan. Bu transformator magnit o‘tkazgich va unga o‘ralgan ikkita chulg‘amdan tarkib topgan. Chulg‘amlardan biri 6 A kuchlanishli o‘zgaruvchan tok manbayiga ulanadi; bu chulg‘am birlamchi chulg‘am deyiladi. Ikkinchi chulg‘amga isteʼmolchi ulanadi, bu chulg‘am ikkilamchi chulg‘am deyiladi.

88-rasm. Bir fazali ikki chulg‘amli transformator: a – konstruktiv sxemasi; b – prinsipial sxemasi.
Transformatorning ishlashi elektromagnit induksiya hodisasiga asoslangan. Birlamchi chulg‘am o‘zgaruvchan tok manbayiga ulanganda shu chulg‘amning o‘ramlaridan o‘zgaruvchan tok o‘tadi, bu tok magnit o‘tkazgichda o‘zgaruvchan magnit oqim hosil qiladi. Bu oqim magnit o‘tkazgichda tutashib, ikkala chulg‘amda EYK hosil qiladi:

bu yerda: ω₁va ω₂ – transformatorning birlamchi va ikkilamchi chulg‘amlaridagi o‘ramlar soni.
Transformator ikkilamchi chulg‘amining chiqish uchiga yuklama Z_n ulanganda EYK taʼsirida shu chulg‘am zanjirida tok X_z paydo bo‘ladi. Bunda ikkilamchi chulg‘amning chiqish uchlarida kuchlanish t₂ hosil bo‘ladi. Kuchaytiruvchi transformatorlarda U₂>U₁ pasaytiruvchilarida esa U₂₁ bo‘ladi. Yuqoridagi formulalardan ko‘rinib turibtiki, chulg‘amlardagi o‘ramlar soniga qarab e₁ va e₂ lar bir-biridan farq qilishi mumkin. Shuning uchun o‘ramlarining nisbati keraklicha qilib toblangan chulg‘amlar ishlatib, kuchlanishlar nisbati istalgancha bo‘lgan transformator tayyorlash mumkin. Transformatorning yuqoriroq kuchlanishli tarmoqqa ulangan chulg‘ami yuqori kuchlanish (YK) chulg‘ami, pastroq kuchlanishli tarmoqqa ulangan chulg‘ami esa past kuchlanish (PK) chulg‘ami deyiladi. Transformatorlarning qaytarlik xossasi bor: bitta transformatorning o‘zidan kuchaytiruvchi sifatida ham, pasaytiruvchi transformator sifatida ham foydalanish mumkin, lekin, odatda, transformatorning muayyan vazifasi bor: u yoki kuchaytiruvchi, yoki pasaytiruvchi bo‘ladi.