Turkiston-Rossiya o'quv qo'llanma doc
Milliy teatr san`atining vujudga kelishida Rossiya musulmon
Yüklə 0,57 Mb. Pdf görüntüsü
|
|
2. Milliy teatr san`atining vujudga kelishida Rossiya musulmon
teatr truppalari va aktyorlarining o`rni. Turkistonda jadidchilik harakatining mahsuli sifatida XX asr boshlarida milliy teatr san`ati vujudga keldi. Ushbu san`at turining shakllanishida rus, ozarbayjon sayyor truppalari bilan birgalikda tatar teatr truppalari ham katta ahamiyat kasb etgan. Jadid dramaturgiyasining vujudga kelishi va 115 shakllanishi bo`yicha tadqiqotlar olib borgan Sh.Rizayevning ta`kidla- shicha, o`zbek milliy teatr san`atining tug’ilishiga tatar sayyor teatr jamoalari muhim turtki bergan edi. Tatarlar Yevropa teatr san`ati bilan Turkiston aholisiga qaraganda ancha oldinroq tanishgan bo`lib, o`lkada yashovchi tatarlar tomonidan badiiy kechalar tashkil etish odat tusiga kirgan edi. Jumladan, Toshkent- da savdo ishlari bilan shug’ullanuvchi Sharif Yaushev doimiy ravishda Moskvadan badiiy orkestrlarni olib kelib Toshkentdagi o`z bog’ida kon- tsyert dasturlarini tashkil etgan. Ushbu ziyofatlarga K.P. fon Kaufman boshliq general-gubernatorlik vakillarini ham taklif etib, o`z faoliyati uchun lozim bo`lgan ko`plab siyosiy huquqlarni qo`lga kiritgan edi. XIX asr oxiri - XX asr boshlari Turkiston tarixida muhim o`zga- rishlarga boy bo`lgan davr hisoblanadi. Jadidchilik g’oyalari shiddat bilan o`lkaga kirib keldi va Turkistonning keyingi tarqqiyoti darajasini belgilab berdi. Jadidchilik g’oyalari bilan birga o`lka xalqi uchun “yangilik” hisoblangan yevropacha teatr san`ati ham kirib keldi va mahalliy millatni unga bo`lgan qiziqishi ortib bordi. Teatr san`atini Turkiston xalqi madaniy hayotiga qisqa davr ichida kirib kelishi va taraqqiy etishida o`lka taraqqiyparvarlarining tatar ma`rifatparvarlari bilan o`zaro hamkorliklari asosiy rol o`ynagan. Turkiy xalqlar orasida tatar professional teatrining paydo bo`lishi va uning ijodiy safarlarini qachondan boshlanganligi to`g’risida quyidagi fikrlar mavjud. X.L.Kumisnikovning fikricha, tatar professional teatrining paydo bo`lishi va uning to`la shakllangan davri 1905- yilga to`g’ri kelgan. 1906- yil 22- dekabrdan esa, bu teatr truppasi o`z gastrollarini boshlagan. M.Raxmonov ham 1905- yilgi rus revolyutsiyasi ta`sirida haqiqiy tatar professional teatri 1906- yilda tashkil topgan deya qayd etadi. 1908- yilda esa A.Qoriyev qo`l ostida “Sayyor”, Izzatullina boshchiligida “Nur” teatr truppalari tashkil topgan. Sh.Rizayevning qayd etishicha, S.I. Voljskaya boshliq ”Nur” truppasi 1911- yil tashkil topib, 1912- yildan Turkistonning turli shaharlarida bo`lganini ta`kidlaydi. Toshkentda istiqomat qiluvchi general S.G. Yenikeyev xonadonida ham doimiy ravishda san`at kechalari o`tkazib kelingan. 1904- yilning 4- aprelida shu xonadonda Navmiq Kamolning “Ishq balosi” spektakli Turkistonda yashovchi tatar havaskorlari tomonidan namoyish qilingan. Mazkur spektakl namoyishi boshlanishidan oldin polkovnik Abubakr Divayev so`zga chiqib, Yevropa teatri haqida ma`ruza qilgan. Xonadon egasi S.G.Yenikeyev boshqirdistonlik tatarlardan edi. Uning turmush 116 o`rtog’i Saodatxonim Yenikeyeva esa Qo`qon xoni Xudoyorxonning Sankt-Peterburgdagi elchisi Mirza Hakim parvonachining tatar xotinidan dunyoga kelgan edi. Saodatxonim Toshkent ayollar gimnaziyasida tahsil olib, yevropacha tarbiya olgan, royal chalishni biladigan ma`rifatparvar ayollardan bo`lgan. S.G.Yenikeyev Rossiya imperiyasining Turkistonda- gi armiyasi safida ofitser sifatida xizmat qilgan. U Asakada mas`ul lavo- zimda ishlayotgan paytda 1898-yilgi Dukchi Eshon qo`zg’oloniga xayri- xoh bo`lganlikda ayblanib iste`foga chiqarilgan edi. Iste`fodan so`ng Toshkentda yashab, Turkistonda istiqomat qiluvchi tatarlarning ijtimoiy- siyosiy huquqlarini himoya qilgan. Shu maqsadda bir necha bor Sankt- Peterburgga hukumat rasmiylari bilan muzokara uchun borgan. 1909- yili S.G.Yenikeyev va Saodatxonim xonadonida tatar havas- korlari tomonidan “tatar dramaturgiyasining otasi” Aliasqar Kamolning “Birinchi teatr” nomli komediyasi qo`yilgan. Mazkur komediya sahna ko`rinishlarida o`zbek ziyolilaridan A.Avloniy ham ishtirok etgan edi. S.G.Yenikeyev va Saodatxonim sa`y-harakatlari tufayli Tosh- kentda badiiy tatar havaskorlari jamoasi yuzaga kelgan. Ular tomonidan 1909- yili Toshkentda “Musibati Faxriddin” va “Qizlar qanday kulalar” nomli spektakllar namoyish etilgan. 1910- yildan boshlab esa Toshkentda doimiy tatar teatr jamoasi ish boshlagan. Mazkur truppada ozarbayjon, tatar va rus dramaturgiyasining sara namunalari sahnalashtirib borilgan. 1908- yilda “Sayyor” truppasi Kavkazda ijodiy safarda bo`lib, Ozarbayjon teatr truppasi bilan uchrashgan. Bu truppaga Husain Arablinskiy boshchilik qilgan. U tatar teatrida ayollarning faoliyat ko`rsatishiga yuqori baho berib, “buyuk qahramonlik” deya baholagan. O`sha paytda Ozarbayjon teatr truppasida ayollar rolini erkaklar ijro etishgan. H.Arablinskiy Ozarbayjon va tatar teatrlari o`rtasidagi hamkorlikni rivojlanishida o`zining hissasini qo`shdi. “Nodir” spektakli- da Nodirning xotini rolini 16 yoshli S.Izzatullina-Voljskaya o`ynagan bo`lib, bu roli uning hayotida o`chmas iz qoldirgan. O`sha kezlari “Say- yor” truppasida 2 nafar ayol bo`lib, S. Izzatullina-Voljskaya va Z.Bog- danovalar bor edi. 1910- yilning o`rtalariga kelib, “Sayyor” truppasida aktrisa ayollarning soni birmuncha ko`payib, Gulsum Bolgarskaya, Naima Tajirova, Nafiga Arapova, Fotima Ilskaya va Sara Baykina kabi aktrisalar safga qo`shilganlar. Ularning o`ynagan rollari tatar teatrining shuhratini yanada oshishiga sabab bo`lgan. S.Izzatullina-Voljskaya “Xo`jayin va g’ulom” spektaklida Bibijamol rolini o`ynagan. U o`zini zo`rlab boyga uzatmoqchi bo`lgan zulmkor otaga qarshi chiqa olgan qiz 117 rolini ijro qilib, undagi jur`atlilik, mardlik va o`z baxti uchun kurashish kabi qirralarini mahorat bilan ochib bera olgan. Qo`qonda yashab, faoliyat ko`rsatgan tatar ziyolisi A.Shagidul- linov 1908- yili to`raqo`rg’onlik jadid munavvari Is’hoqxon Ibrat taklifiga ko`ra, Namanganga kelib, “Matbaai Is’hoqiya”ni tashkillashda ishtirok etgan. Uning mehnat va ijodiy faoliyati serqirra bo`lib, 1911- yili “Falokatzoda” nomli qissa va Turkiston tarixida birinchi bor o`zbek tilida “Mahramlar” nomli 3 pardali dramasini yozib, 1912- yili “Matbaai Is’hoqiya”da nashr ettirdi. Mahmudxo`ja Behbudiyning “Padarkush” dramasi ham aynan shu yilda yozilgan bo`lsa ham 1913- yili nashr etilgan edi. Birinchi o`zbek milliy dramasi masalasida bu ikki drama va uning mualliflari hozirgi kunga qadar olimlar o`rtasida bir to`xtamga kelinmagan va munozaralarga sabab bo`lib kelmoqda. Tatariston teatr truppalari Turkistonga 1911- yildan boshlab tashrif buyurganlar. 1911- yili Ilyosbek Kudashev-Ashkazarskiy rahbarligidagi professional tatar “Sayyor” teatr truppasining Toshkent, Samarqand, Qo`qon, Buxoroda bo`lishi ham o`lkada mahalliy teatrchilik ishlari rivo- jiga katta ta`sir ko`rsatgan. “Sayyor” teatr truppasi 1908- yilda Qozonda I.Ashkazarskiy, S.I.Voljskaya va A.Qoriyev tashabbuslari bilan tashkil topgan edi. “Sayyor” truppasi ta`sirida 1912- yilda Ufa tatarlari tomonidan “Nur” nomli teatr truppasi ham faoliyat ko`rsata boshlagan. 1910-1911 yillarda Qozon va Ufa kabi Rossiya musulmonlarining markaz shaharlarida ko`plab teatr truppalari mavjud bo`lgan. Shunday truppalardan biri I.Kudashev-Ashkazarskiyning teatr truppasi bo`lgan. Faxriya Ibatullovna Qudasheva I.Kudashev-Ashkazarskiyning turmush o`rtog’i bo`lgan. 1911- yil Faxriya uning truppasiga aktrisa bo`lib ishga kiradi. Shu yili mazkur truppa Rossiya shaharlari hamda Turkiston, Qoshg’ar bo`ylab, ijodiy safarda bo`lgan. Safardan asosiy maqsad tatar teatr san`atini mahalliy musulmonlar o`rtasida yoyish bo`lgan. M.Rax- monovning ta`kidlashicha, Turkistonga birinchi bo`lib mazkur teatr truppasi tashrif buyurib, barcha shaharlarda “Baxtsiz kuyov”, “Uch xotin bilan turmush”, “Xo`ja va g’ulom”, “Uyat yoki ko`z yoshi” kabi asarlarni sahnaga qo`ygan. “Sayyor” truppasi 1911- yili Toshkent, Buxoro va Farg’ona vodiy- si shaharlarida Aliasqar Kamolning “Baxtsiz yigit”, “O`ynash”, “Biz- ning shahar sirlari”, “Dajjol”, Is’hoq Bogdanovning “Kambag’allik ayb emas” nomli sahna asarlarini namoyish etgan. Oradan bir yil o`tib, taniqli tatar aktrisasi Sohibjamol Izzatullina-Voljskaya Ufadan “Nur” 118 nomli teatr guruhi bilan kelib, Buxoro, Samarqand, Toshkent, Marv, Chorjo`y shaharlarida spektakllar namoyish etgan. 1913- yili I.Kudashev-Ashkazarskiy Toshkentda yana bir doimiy faoliyat ko`rsatuvchi tatar truppasi tuzishga rahbarlik qildi. Truppa ishini rivojlantirish uchun 1914- yildan taniqli tatar rejissyorlari Zaki Boyazidskiy va Mustafo Mansurov taklif etildi. Ular tatar truppasida faoliyat ko`rsatish bilan birga asosan o`zbek yoshlaridan tuzilgan “Tu- ron” teatr truppasi ishlarini muvofiqlashtirishga ham munosib hissa qo`shganlar. “Turon” teatr truppasi 1914- yil dekabrda tatar rejissyori Muhammadyorov rahbarligida “Istanbul” va Zaki Boyazidskiy rejis- syorligida “To`y” pyesalarini sahnalashtirdilar. I.Kudashev-Ashkazarskiy rahbarligidagi “Sayyor” truppasining 1913- yildagi Turkistonga ikkinchi tashrifi va Toshkent, Namangan, Ko- gon, Buxoro shaharlarida spektakllar namoyish etilishi o`lkada teatr san`atining paydo bo`lishi hamda rivojlanishiga ham ma`naviy, ayni chog’da bevosita amaliy yordam bergan. 1913- yili “Sayyor” truppasining yana bir vakili Abdulla Qoriyev o`z jamoasi bilan Simbirsk, Samara, Saratov, Saritsin, Astraxan, Boku shaharlariga qilgan safaridan so`ng, Turkistonning Chorjo`y, Marv, Buxoro, Samarqand, Andijon, Namangan, Qo`qon, Toshkent, Turkiston, Oqmachit, Qozoli kabi shaharlari bo`ylab ham ijodiy safarda bo`lib spektakllar namoyish etgan. Bu hol Turkiston rayon muhofaza bo`limi (TRMB) boshlig’i Sizixni jiddiy tashvishlantirgan. Sizix A.Qoriyev to`g’risida Qozon guberniya jandarmeriya boshqarmasi boshlig’i, pod- polkovnik Dobrodeyevdan ma`lumot so`ragan. Undan olingan maxfiy ma`lumotga qaraganda, tatar aktyori A.Qoriyev shu yil qish yaqinla- shishi munosabati bilan Nijniy Novgoroddan Qozonga qaytib kelgan. A.Qoriyev keng dunyoqarashli va ma`rifatli kishi bo`lib, Qozonda bo`lgan paytlarida doimiy ravishda madrasa talabalari bilan uchrashib turgan. U o`zi safarda bo`lgan shaharlarda tatarlar bilan uchrashib, ular tomonidan olib borilayotgan ma`rifiy ishlar to`g’risida qozonlik ma`ri- fatparvarlarga so`zlab bergan. Qozon guberniya jandarmeriya boshqar- masi boshlig’i bu ma`lumotlarni yetkazish bilan birga TRMB boshlig’i Sizixga A.Qoriyev faoliyatini jiddiy nazorat ostiga olinishi foydadan holi bo`lmasligini maslahat bergan edi. O`z navbatida podpolkovnik Sizix Toshkent, Turkiston, Perovsk, Aralsk, Krasnovodsk, Ashxobod, Marv, Murg’ob, Chorjo`y, Samarqand, Chernyayev, Sirdaryo va Marg’ilon politsiya boshqarmalariga yo`llagan xatida A.Qoriyev faoliyatini qat`iy nazoratga olishni buyurgan edi. 119 Ta`qib va tazyiqlarga qaramay A.Qoriyev “Sayyor” truppasi bilan 1913- yil 8- iyunda Kogonda, 13- iyunda Samarqandda spektakllar namoyishini tashkil etgan. 1913- yilning 13- sentabrida Kolizey teatrida Qozon shahridan kelgan F. Ilskaya ishtirokida tatarcha teatr kechasi bo`lib, unda “Tengsizlar”, Fotix Amirxonning “Bir soatlik xotun” pyesalari o`ynal- gan. Teatr juda qiziqarli bo`lib, xalq katta olqishlar bilan qarshi olgan. Bundan tushgan foyda xayriya ishlariga sarf qilingan. Birinchi jahon urushi (1914-1918) kechayotgan og’ir damlarda ham butun musulmon dunyosini diniy bayrami hisoblangan mavludin-nabiy kunini Turkiston aholisiga tufha sifatida tatar teatr truppasi hamda tatar ayollari tomonidan 1915- yil 18- yanvarda Xiva tomoshaxonasida “Bolalar ertasi” kechasi uyushtirilgan. Sahnadagi bolalarni o`zlarini tutishlaridan Toshkentdagi tatar maktablarida yaxshi tarbiya berilganligidan bilib olish mumkin edi. Sahnada “mavludun nabiy” tamoshasi ko`rsatilib, eng kichik ishtirokchi 5 yoshli bola edi. Maqola so`ngida mavlud bayramini tashkil etishda faol ishtirok etgan afandi va xonimlarga tashakkur bildirilgan. Kechaga turkistonlik muallimlardan bir nechasi tashrif buyurgan. Asta sekin mahalliy aholining ham teatr san`atiga bo`lgan qiziqishi ortib borgan. 1914- yil 15- yanvarda Samarqandning Yangi shahar qis- mida o`zbek va tatar yosh taraqqiyparvarlari birgalikda o`zbekcha “Padarkush” va tatarcha “Oldaduk va oldanduk” nomli sahna asarlarini ijro etganlar. Spektakllarni tomosha qilishga kelganlar shu qadar ko`p bo`lgan-ki, biletlar avvaldan qimmat narxlarda sotilgan. 320 kishilik teatr zaliga qo`shimcha yana ellikta joy tayyorlangan. 1914- yil 2- mart kuni Kattaqo`rg’onda mahalliy tatar va o`zbek havaskorlari tomonidan “Padarkush” dramasi qo`yilgan. Undan so`ng ta- tar truppasi o`z tillarida “Erim qaytdi” komediyasini namoyish etganlar. Buxoro amirligida teatr ishlari tashkil etish ham asosan tatarlar tomonidan amalga oshirilgan. Bular asosan Qozon va Samarqanddan kelgan tatar truppalari bo`lib, o`z spektakllariga mahalliy tatar, o`zbek va tojik havaskorlarini ham ijrochi yoki tashkilotchi sifatida jalb etishga uringanlar. Shu tariqa Buxoroda yashovchi tatarlar tomonidan ham yangi bir truppa tashkil etilib, tatar, ozarbayjon va turk pyesalarini sahnalashtira boshlaganlar. Bu truppaga tatar ziyolisi Husayn Najib boshchilik qilgan. H.Najib Behbudiyga murojaat etib, “Padarkush”ni sahnalashtirishga ijozat so`ragan. Tomoshadan tushadigan foydani faqir talabalarga tarqatilishi xususida ma`lumot bergan. 1914- yil 5- mart kuni 120 Buxoroning “Torikiston” binosida “Padarkush” dramasi namoyish etilgan. Biroq tatarlar “Padarkush”ni mahorat bilan ijro eta olmagan bo`lsalar ham, shu kuni Aliasqar Kamolning “Birinchi teatr” komediya- sini namoyish etib, tomoshabinlarni xushnud etganlar. 1915- yil yanvar oyida buxorolik tatarlar ikkinchi bor “Padar- kush”ni sahnaga qo`yish uchun Behbudiydan ijozat so`rab, o`z vakillari To`qdor Jaloliddin o`g’lini Samarqandga yuborganlar. Buxoro tatarlari- ning bu sahna ko`rinishlarida Abdurauf Fitrat ham faol ishtirok etgan edi. Turkistonga tatar teatr truppalari bilan birgalikda qo`shiqchilar ham gastrolga kelganlar. 1913- yili tatar xonandasi Muhammad Komil Mut`ey Tuxfatullin Turkistonning ko`plab shaharlarida bo`lib, konsert dasturlari tashkil etgan. Ayniqsa uning Samarqanddagi ruscha, arabcha va turkiycha qo`shiqlari katta olqishlarga sazovor bo`lgan. U shunday ijodiy safarini 1914- yilning yozida Farg’ona vodiysi bo`ylab amalga oshirgan edi. Mana shunday gastrol safarlari Turkistonda yashovchi tatarlarni ham musiqa yo`nalishida faoliyat yuritishga undagan bo`lishi ehtimoldan xoli emas. 1914- yil 5- iyundan Toshkent shahrida Mustafo Mansurov boshchiligida tatar musiqa to`garagi ish boshlagan. Biroq bu to`garak rivojlanishi uchun ijtimoiy zamin yetarli bo`lmaganligi sababli qisqa vaqt ichida o`z faoliyatini to`xtatishga majbur bo`lgan. Mahalliy tatarlar tomonidan uyushtiralayotgan ko`plab ko`ngil- ochar tadbirlar va spektakllar asosan xayriya maqsadlarini ko`zlagan. “Shahrisabzlik” laqabli maxfiy xizmatchi tomonidan berilgan ma`lumot- da keltirilishicha, 1914- yil 6- avgustda tatar havaskor teatr to`garagi spektakllar namoyishidan tushgan mablag’ni harbiy xizmatga chaqiril- gan askarlarning oila a`zolariga tortiq qilganlar. 1917- yil fevral inqilobidan so`ng Turkistonda istiqomat qilayot- gan tatarlar tomonidan badiiy kechalar, spektakllar namoyish etish keng ko`lam kasb etgan. 1917- yil 2- aprel kuni Toshkentdagi Kolizey teatrida birinchi bor “To`qay kechasi” tashkil etilgan. Kecha to`rt qismdan iborat bo`lib, 1,2,3-qismlarda F.Sutushova, M.Yaqubova va Sh.Boyburova To`qay- ning xotin-qizlar masalasidagi fikrlari, N.Sayfulmalikov esa To`qayning tarjimai holi, F.Sultonbek bo`lsa Misirinskiy va To`qayning tatar millatiga ko`rsatgan xizmatlari haqida gapirganlar. Kechada To`qayning she`rlaridan namunalar o`qilib, uning xalqni ilm-ma`rifatga undashga bag’ishlangan faoliyati haqida sahna ko`rinishlari namoyish etilgan. 121 1917- yil 19- mayda Buxoroda tatar va Kavkaz havaskor aktyorlari tomonidan madaniy kecha uyushtirilgan. Unda “Adashuv” nomli komediya va Shokir Anbulatning “Chingizxon qabrida” nomli uch pardali tarixiy pyesasi qo`yilgan. Tatar milliy qo`shiqlari kuylanib, Kavkaz raqslari namoyish etilgan. Kechada Turkiston komiteti a`zolaridan S.Maqsudiy ham ishtirok etgan va tomosha yakunida so`z olib, xalqni birlik hamda ittifoqqa da`vat etgan. 1917- yil 5- mayda Yangi Buxoro (Kogon) shahrida Fitrat va Kamoliddin No`g’ay sa`y-harakatlari bilan “Ko`hna turkba” nomli uch pardali drama qo`yilgan. Mazkur sahna asari aslida Eski Buxoroda qo`yilishi rejalashtirilgan edi. Lekin bu yerda bo`lib o`tgan so`nggi dahshatli voqealar (1917- yil 8- aprelda “Yosh buxoroliklar” namoyishi- ning o`qqa tutilishi - mualliflar) munosabati bilan uni Yangi Buxoroda qo`yishga qaror qilingan. Spektakl namoyishi mahalliy aholida juda katta qiziqish uyg’otgan va katta olqishlarga sazovor bo`lgan. Shu kuni tomoshadan tushgan 786 rubl sof foyda “Sho`roi islomiya” jamiyati xazinasiga berilgan. 1917- yil 1- dekabrda Toshkentda Fotima Ilskaya va Fotih Kabir tashabbusi va sa`y-harakati bilan “Sayyor” truppasi hamda “Cho`lpon” to`garagi a`zolari “Sotoshqon qiz” nomli to`rt pardali spektakl namoyish qilganlar. Toshkentda muqim yashovchi tatarlar 1917- yil boshlarida No`shirvon Yavushevning “Chingizxon” nomli tarixiy pyesasini sahnaga olib chiqqanlar. 1917- yil dekabrda “Umid” matbaasi mazkur bir pardali tarixiy pyesani nashr etib, sotuvga chiqargan. 1917- yil 14- dekabrda mavlud bayrami munosabati bilan Katta- qo`rg’onda tatarlar jamiyati tomonidan “Ittihod va taraqqiy” jamiyati foydasiga kecha o`tkazilgan. U tatar maktabida o`quvchi bolalar tomoni- dan uch bo`limdan iborat tarzda tashkil etilgan. Birinchi bo`limda she`rxonlik, ikkinchi bo`limda musiqali chiqishlar, uchinchi bo`limda “Iyimchilar qurboni” nomli bir pardali drama namoyish etilgan. 24- dekabrda esa Toshkentda siyosiy ahvol jiddiyligiga qaramay tatarlar tomonidan shahardagi birinchi tatar maktabi foydasiga spektakl namoyishi tashkil etilgan. Vaziyat o`ta tahlikali bo`lsa-da, ancha ko`p tomoshabin yig’ilgan. Ko`rilgan 1300 rubl sof foyda esa tatar maktabi ixtiyoriga berilgan. 1918- yil 2- fevralda “Qozoli musulmon teatr to`garagi” tomonidan o`zbekcha-tatarcha spektakl namoyish etilgan. Spektaklga tomoshabinlar shunchalik ko`p to`plangan edilar-ki, biletlar yetishmaganligidan odam- 122 larni kiritish uchun nazorat markalaridan ham foydalanilgan. Shu kuni olingan 470 rubl 14 kopeyek sof foyda to`garak ixtiyorda qoldirilgan. Bolsheviklarning hokimiyat tepasiga kelishi va olib borilgan siyosat oqibatida nafaqat Rossiyaning ichki guberniyalari, balki Turkis- tonda ham ijtimoiy-siyosiy, iqtisodiy tanglik vujudga keldi. Bu o`z navbatida Turkistonda endigina rivojlanib kelayotgan milliy teatr taraqqiyotiga ham salbiy ta`sir ko`rsatgan. “Ulug’ Turkiston” gazetasi- ning 1918- yil 23- mart sonida berilgan xabarga ko`ra, 18- martda Toshkentdagi harbiy kengash zalida mahalliy o`quvchilar “Guliston” jamiyati tomonidan “Ishqning furtunasi” nomli to`rt pardali drama qo`yilgan. Biroq bu spektakl kutilgandek yaxshi natija bermagan. Xulosa o`rnida ta`kidlash joizki, Turkistonda teatr san`atining yuzaga kelishiga tatar ziyolilari munosib xissa qo`shdilar. Bu hol keyingi jarayonda mahalliy aholi madaniy ongining rivojlanishida muhim omillardan biri bo`ldi. Yüklə 0,57 Mb. Dostları ilə paylaş:
|