|
Isendiriw metodi. Isendiriw metodi dep ta`rbiyalaniwshidag`i unamli qa`siyetlerdi
rawajlandiriw xa`m unamsizlarin jog`altiw maqsetinde ta`rbiyalaniwshinin` sana sezimine xa`m
erkine xa`r ta`repleme ta`sir etiwlerdin` jiyindisina aytamiz. Bul ta`rbiyashilardin` balalar
kollektivine
belgili
minez-kulq
xa`m
normalardi
tu`sindiriwinen
baslanadi.
Biraq
ta`rbiyalaniwshi tek tu`singeni menen sheklenip qalmaydi. Oni elede teren`irek turmis penen
praktika isendiredi. Mine usi maqsette bir qansha kitaplar, kinofil`mler, tele xem radio
esittiriwler paydalaniladi. Balalardin` minez-qulqi xa`r qiyli boladi. Birewler jaqsi minez-quliq
normalari xaqqinda tu`sinikke iye xem birewleri kerisinshe. Mine bunday jag`daylarda isendiriw
metodinin` xa`r qiyli formalari yamasa usillarinan paydalaniwimizg`a tuwra keledi.
Isendiriw metodi siyasiy informatsiya, gurrin, lektsiya, disput, oqiwshilar
konferentsiyasi, oqiwshilar jiynalisi, klass saati, mektep diywali gazetasi, oqiwshilardin` xat
alisiwi, aldin`g`i ka`sip mamanlari menen ushirasiw o`tkeriw, klasstan tis oqiw siyaqlilar
bolip bo`linedi.
Dostları ilə paylaş: | 
