|
4. Reyting baqlaw tu`rleri
Ma`mleketlik bilimlendiriw standarti tiykarinda du`zilgen oqiw-jobasina kirgen xa`r bir
oqiw pa`ni boyinsha oqiwshilardin` bilim, eplilik, ko`nlikpelerinin` sapasin reyting sistemada
tekseriw xa`m baxalawda to`rt baqlaw tu`ri qollaniladi; araliqtan baqlaw (AB), Ku`ndelikli
baqlaw (KB), do`retiwshilik iskerligin baqlaw (DIB) xa`m juwmaqlawshi baqlaw (JB).1
Araliqtan baqlaw (AB) xa`r bir oqiw pa`ni boyinsha ma`mleketlik bilimlendiriw
standartinda (MBS) ko`zde tutilg`an, oqiwshilardin` o`zlestiriwi lazim bolg`an tiykarg`i bilim,
eplilik, ko`nlikpeler (BEK) Elementleri sani aniq belgilengen ma`jbu`riy standartli baqlaw
jumislari(MSBJ) arqali a`melge asiriladi. Xa`r bir ma`jbu`riy standartli baqlaw jumisi (MSBJ)
oqiwshilar biliminin` sapasin, pa`nnin` bo`limi yaki temalarinin` o`zlestiriliwi da`rejesin
baxalawdi maqset etedi. Ma`jbu`riy standart baqlaw jumis-larinin` sani xa`m tu`rleri xa`r bir
oqiw pa`ninin` o`zine ta`n ayirmashilig`ina, oqiwshilardin` jas xa`m psixologiyaliq
o`zgesheligine qaray belgilenedi. MSJB sani oqiw bag`dar-lamasi talabina, pa`nnin` mazmunina
baylanisli boladi xa`m ol respublika bilimlendiriw orayi janinda sho`lkem-lestirilgen
do`retiwshilik toparlari ta`repinen tayarlanadi.
| 
