Patoloji anatomiya

704) Böyrəyin birincili büzüşməsi nə deməkdir?

A) Keçirilmiş qlomerulonefritlərlə əlaqədar böyrək toxumasının sklerozlaşması və büzüşməsi

B) Böyrəyin anadangəlmə büzüşmüş vəziyyətdə olması

C) Böyrək damarlarındakı patologiyalarla əlaqədar böyrək toxumasının sklerozlaşması və büzüşməsi

D) Böyrəyin hipoplaziyası

E) Böyrəyin aplaziyası

Ədəbiyyat: Ədalət Həsənov. Patoloji anatomiya. Bakı, 2003.
705) Mezangio-proliferativ qlomerulonefritlə mezangio-kapilyar qlomerulonefrit arasında əsas fərq nədədir?

A) Onların arasında heç bir fərq yoxdur

B) Mezangio-proliferativ qlomerulonefrit sərbəst inkişaf edir və nozoloji xəstəlikdir, mezangio-kapilyar qlomerulonefrit isə sərbəst xəstəlik deyil, hansısa digər xəstəlik zamanı ikincili olaraq onun ağırlaşması kimi inkişaf edir

C) Mezangio-proliferativ qlomerulonefrit kəskin gedişli olur, mezangio-kapilyar qlomerulonefrit isə xroniki qlomerulonefritlərə aiddir

D) Mezangio-proliferativ qlomerulonefritdə yumaqcıq kapilyarlarındakı dəyişikliklər ocaqlı, mezangio-kapilyar qlomerulonefrit zamanı isə bu dəyişikliklər diffuz xarakterli olur

E) Mezangio-proliferativ qlomerulonefrit immun mexanizmlidir, mezangio-kapilyar qlomerulonefrit isə qeyri-immun inkişaf mexanizminə malikdir

Ədəbiyyat: Ədalət Həsənov. Patoloji anatomiya. Bakı, 2003.