Urganch davlat pedagogika instituti

9-mavzu : Pedagogik psixologiya: predmet, tuzilma, muommolari.
REJA:

Ta’lim va tarbiya ko‘pgina fanlarning predmeti sifatida. Pedagogik faoliyat psixologiyasi ta’lim va tarbiyaning psixologik jabxalari. Ta’lim va tarbiyaning amaliy yig‘indisi. Tarbiyaning ta’lim oldidagi ustunligi. Pedagogik psixologiya tuzilmasi. Pedagogik psixologiyaning asosiy muammolari. Rivojlanishda senzitiv davr muammolari. Bolaning psixik rivojlanishi va pedagogik ta’sirning o‘zaro aloqadorligi muammosi. Genotipik va muhitda shartlanganlik muammosi. Pedagogik ortda qolish muammosi. Ijtimoiy adaptasiya va reabilitasiya muammosi.

Respublikamiz o‘z mustaqil taraqqiyot yo‘lini tanlagan davridan boshlab O‘zbekistonda psixologiya fani ham keng tarmoqlarda rivojlana boshladi. Psixologiya fanining turli sohalarida olimlarimiz barakali hizmat qila boshladilar. SHuningdek, pedagogik psixologiya faniga ham boshqa psixologiya fanlari kabi e’tibor kuchayib bormoqda.

Pedagogik psixologiya fani qanday fan?
Pedagogik psixologiya pedagogika va psixologiya fani orasidagi, ya’ni uni tutashgan joyidan o‘rin olgan fandir. Pedagogik psixologiya ta’lim-tarbiyaning psixologik qonuniyatlarini, maktabda bilimlarini, ko‘nikma va malakalarini egallash, bu jarayonlarda sodir bo‘ladigan individual-psixologik tafovutlarni, o‘quvchilarda faol, ijodiy va mustaqil tafakkurini tarkib topishini, ta’lim-tarbiya ta’siri bilan o‘quvchilar psixikasida sodir bo‘ladigan o‘zgarishlarni o‘rganadi. SHuningdek o‘quv materiallarini o‘quvchilarga mos kelishi, ta’lim usullarini psixologik jihatdan samaradorligi, darslik va o‘quv dasturlari, ko‘rgazma materiallariga qo‘yilgan talablar, o‘qituvchi va uning pedagogik faoliyat usullarini, o‘qituvchi va o‘quvchilar orasidagi munosabatlarni o‘rganish ham pedagogik psixologiyaning muammolaridir.
Demak, pedagogik psixologiya fani ta’lim va tarbiyaning shaxsga samarali ta’sir etuvchi omillari, qonuniyatlari va mexanizmlarini o‘rganadi. Uning diqqat markazida bilimlarni o‘zlashtirish, o‘quvchi shaxsini har tomonlama shakllantirish jarayoni turadi. Turli ijtimoiy tajribalarning qonuniyatlarini va u individning tajribasiga aylanishi jarayonini yoritib berishdan iboratdir.
Bolani shaxs sifatida shakllantirish, tarbiyalash, tarbiya vositalari, usullari pedagogika faniga taaluqli bo‘lsa, bola psixikasining paydo bo‘lishi, rivojlanishi va rivojlantirish xususiyatlari, qonuniyatlari psixologiya faniga taaluqlidir. Bolaning psixik rivojlanishi xususiyatlarini bilmay turib, ularni qalbiga yo‘l topish, uni bilimli qilish, komil inson qilib tarbiyalash juda qiyin. Ta’lim va tarbiya bola taraqqiyotida birga amal qiladi, shuningdek, unga ta’lim –tarbiya beruvchi shaxs muhim ahamiyat kasb etadi.
Ta’lim-tarbiya jarayonining qanday tashkil qilinishi ham shularga bog‘liq.
Pedagogik psixologiya bolani ta’lim-tarbiya jarayonida o‘rganar ekan uning o‘rganish obekti kichik maktab, o‘smir va o‘spirinlik yoshi bo‘lib, pedagog ta’sirida ta’lim va tarbiya jarayoni maqsadga muvofiq ravishda uyushtiriladi.
Pedagogik psixologiya uch qismdan iboratdir.
1 Ta’lim psixologiyasi.
2 Tarbiya psixologiyasi.
3 O‘qituvchi psixologiyasi.
Ta’lim psixologiyasi - o‘rgatish va o‘rganish, o‘quvchilarning bilish faoliyatini boshqarish, aqliy taraqqiyotini shakllantirish, o‘quv faoliyati motivlari, ta’lim jarayoniga ta’sir etuvchi omillar, ko‘nikma, bilim va malakalarini shakllantirish, ilmiy tushunchalar va ijodiy tafakkurni tarkib toptirish kabi masalalarni o‘z ichiga oladi.
Tarbiya psixalogiyasi - tarbiyaning shaxsni shakllantirish maqsadiga qaratilganligining psixologik muammolari, faoliyat odamni shaxs sifatida shakllantirishi muammolari, tarbiyaning psixologik mexanizmlari, ijtimoiy-foydali faoliyat tarbiyaning muhim sharti va vositasi ekanligi, umuminsoniy va milliy boyliklar va ularni shaxsni shakllantirishdagi roli, tarbiyasi “qiyin” bolalar bilan ishlash masalalarini o‘rganadi.
O‘qituvchi psixologiyasi-o‘qituvchining jamiyatda tutgan o‘rni, o‘qituvchiga xos kasbiy sifatlar, unga qo‘yilgan talablar, pedagogik qobiliyat, o‘qituvchi va o‘quvchilar orasidagi o‘zaro munosabatlar, pedagogik mahorat va pedagogik taktning psixologik asoslari, pedagog va jamoa, o‘qituvchilar bilan munosabat kabi masalarni o‘rganishdan iboratdir.
Pedagogik psixologiya o‘z izlanishlarida taraqqiyotning umumiy qonuniyatlariga ( qarama-qarshilik, integratsiya, plastiklik) va umumiy psixologiya va bolalar psixologiyasida psixik jarayonlar, holatlar, psixik xususiyatlarga xos bo‘lgan tajriba natijalariga asoslanadi.
Pedagogik psixologiya mustaqil fan sifatida ham nazariy, ham amaliy vazifalarni bajaradi.
Pedagogik psixologiyaning vazifalari
Ta’lim-tarbiyaning shaxsni kamol toptirish ishiga bog‘liqligi milliy g‘oyani shakllantiruvchi, takomillashtiruvchi va uni ommaga etkazuvchi kuchlarga bog‘liqdir. Pedagogik - psixologiya fani ham jahon fani taraqqiyoti hamda va uning takomillashib borish jarayonini, fanga kirib kelishi kutilgan yangiliklarni o‘zida aks ettiradi, albatta. Bu asosiy vazifa sifatida ilk bor qonuniy asoslarga ega bo‘lmoqda va pedagogik psixologiya fani oldiga muhim nazariy vazifalarni xal qilish qo‘yilmoqda:

1. 
   pedagogik psixologiyaning muhim vazifalaridan biri ta’lim jarayonini yanada takomillashtirish, faollashtirishning psixologik asoslarini ishlab chiqish;
   
2. 
   ta’lim – tarbiya jarayonida turli yoshdagi bolalarning aql- idrokiga, irodasiga uni shaxs sifatida shakllantirishga ta’sir etuvchi omillarni o‘rganish;
   
3. 
   o‘quvchilar shaxsini tarkib topishi jarayonini, bu jarayonning umumiy qonuniyatlarini va individual farqlarni, turli tarbiyaviy tadbirlarining o‘quvchilarga ko‘rsatadigan ta’sirini o‘rganish;
   
4. 
   ta’lim va tarbiya jarayoni bir-biriga bog‘liqdir, bu jarayonda aqliy qobiliyatlarini, ahloqiy sifatlarni, shaxsni hissiy va irodaviy sifatlarini shakllantirishning maksimal rivojlanishi shart- sharoitlarini aniqlash;
   
5. 
   mustaqil bilim olish, materialni chuqur o‘zlashtirishning psixologik masalalarini ishlab chiqish;
   
6. 
   bilish faoliyatini o‘zaro tashkil qilabilish shart-sharoitlarini aniqlash;
   
7. 
   o‘z-o‘zini tarbiyalashning psixologik asoslarni aniqlash;
   
8. 
   o‘qituvchi shaxsini va o‘qituvchi mehnatining xususiyatlarini, milliy o‘qituvchining sifatlarini aniqlash;
   
9. 
   pedagogik bilimlar, ko‘nikma va malaka, qobiliyatlarning tarkib topish, hamda taraqqiyotining psixologik jarayonlarini aniqlash;
   
10. 
    o‘z-o‘zini tarbiyalash, milliy g‘urur va vatanparvarlik jarayonlarining psixologik muammolarini nazariy jihatdan asoslab berishdan iboratdir;
    
11. 
    shuningdek, jahon tajribalari bilan birga, milliy xususiyatlarimiz, undagi eng ilg‘or tomonlar, muhimi, pedagogning tarbiyalanuvchilar, o‘quvchilar, talabalar bilan imkoni boricha ko‘proq muloqotda bo‘lish, o‘quvchi shaxsining barcha xususiyatlarini hisobga olib, bilim va tarbiya berish, ya’ni yagona pedagogik jarayonni ta’minlash, masalalari ham nazarda tutiladi;
    
12. 
    pedagogik psixologiyaning eng asosiy vazifalaridan biri o‘zlashtirishning sifat darajasini diagnostika qilish usullarini ishlab chiqishdan iborat
    

Pedagogik psixologiyaning amaliy vazifasi esa yoshlarni o‘zlashtirishning psixologik shart-sharoitlari, tarbiyaning psixologik masalalari, bolaga ta’lim-tarbiya berishda ularni yoshlik va individual xususiyatlarini hisobga olish, yoshlarda bilim, ko‘nikma va malakalarini shakllanishi, mustaqil fikrlashga o‘rgatish, ilmiy tushunchalar hosil qilish, o‘z ustida ishlash, o‘z - o‘zini tarbiyalash, yosh o‘qtuvchilarni psixologik faoliyatga mehr-muhabbatini shakllantirish psixologiya fanining yutuqlarini, psixologik bilimlarni keng jamoatchilik e’tiboriga havola qilinshi, ota-onalar, tarbiyachi va o‘qituvchilarni bulardan bahramand qilishdan iboratdir.
Amaliy vazifalar radio va tele ko‘rsatuvlarda, ro‘znoma va oynomalarda, ma’ruza va mahsus ko‘rsatuvlar orqali chiqish, mahalla, maktab va ota - onalar bilan suhbatlashish orqali amalga oshiriladi.
Biz shu narsaga erishishimiz kerakki, keng jamoatchilik bola ruhiy taraqqiyotiga doir psixologik bilimlardan bahramand bo‘lsin. Ana shundagina biz yoshlarga haqiqiy ta’lim – tarbiya bera olamiz va uni muvoffaqiyatli amalga oshiramiz.
Pedagogik-psixologiya psixologiya ilmining tarmog’i sifatida, ta’lim va tarbiyaning shaxsga samarali ta’sir etuvchi omillari, qonuniyatlari va mexanizmlarini o’rganuvchi fandir.
Bolalarning maktabdagi hamda ta’lim-tarbiya muassasalaridagi faoliyat va xatti-harakatlarining psixologik qonuniyatlarini o’rganuvchi pedagogik-psixologiya ikki fanni, ya’ni psixologiya va pedagogika fanlarining tutashgan joyidan o’rin egallagandir.
Pedagogik-psixologiyaning predmeti maktabda bilim, ko’nikma, malakalarini egallash qonuniyatlarini, bu jarayonlarda sodir bo’ladigan individual tafovutlarni, o’quvchilarda faol, mustaqil va ijodiy tafakkurni tarkib toptirish qonuniyatlarini tadqiq etishdir. Shuningdek, pedagogik-psixologiya ta’lim tarbiyaning ta’siri oqibatida o’quvchilar ruhiyatida sodir bo’ladigan o’zgarishlarni, o’quv materiallarining o’quvchilarning yosh davrlarga mos kelishni, turli ta’lim metodlarining psixologik jihatdan samaradorligini, darsliklar, o’quv qurollari, asbob-uskunalar, maktab ishlarining tartibiga nisbatan bo’lgan psixologik talablar kabi muammolarni ham o’rganadi.
Pedagogik psixologiya o’quvchilarga beriladigan ta’lim va tarbiyaning psixologik asoslarini o’rganadi. O’quvchilarda bilim, iqtidor va malakalarni o’zlashtirish tufayli ular shaxsining tarkib topish qonuniyatlari mavzuni o’z ichiga oladi.
Pedagogik psixologiya ta’lim va tarbiya jarayonida bola shaxsining tarkib topish muommolarini o’rganar ekan, u bolalar psixologiyasi bilan mustahkam aloqada ish ko’radi. Darsliklar, o’quv qo’llanmalari, qurollari, ta’lim va tarbiyaning samarali metodlari, o’quvchilarni mehnat va ijtimoiy faoliyaiga tayyorlash masalalarini har bir o’quvchining o’ziga xos sifatlarni bilmay turib, amalga oshirib bo’lmaydi.
O’quvchi tafakkurining shakllanishi, aql darajasining o’sa borishi, o’quvchilar jamoasidagi o’zoro munosabatlarning mohiyati, har bir o’quvchida bilimlarni o’zlashtirish malaka va ko’nikmalarini bilmay turib, ta’lim va tarbiya ishida muvaffaqiyatga erishib bo’lmaydi. Bu masalalarni amalga oshirish uchung xizmat qiladigan tamoillar va metodlar quyidagilardan iborat: