Urganch davlat pedagogika instituti

Qobiliyatlarning rivojlanishi, qobiliyat va irsiyat. Shaxsning qobiliyati to`g`ma layoqat asosida muhitga, ta’lim va tarbiyaga bog`lik holda o`sib boradi. Har bir odam bolasi «mudrab yotgan» layoqat (tug`ma imkoniyat) bilan dunyoga keladi. Undan so`ng u mansub bo`lgan ijtimoiy muhit bu layoqatni yuzaga chiqaradi. Layoqat ayniqsa, yoshlik chog`larida jadal rivojlanadi.
Masalan, Seryoja Xalyapin (Moskva shahri) 14 yoshida o`rta maktabni tamomlab, D.I.Mendeleev nomli Moskva ximiya-texnologiya institutining talabasi bo`ldi. Amerikalik Mayk Grost 11 yoshida Michgan universitetiga qabul qilindi.
Angliyalik Maybelle 4 yoshida birinchi sinf o`quvchisn bo`ldi. Erevanlik David Arutyunyan 12 yoshida politexnika institutining kibernetika fakultetiga qabul qilindi. Olti yoshli qirg`iz yigiti Asilbek Siydanov mashhur epos-"Manas"ni yoddan aytib, respublika ko`rigida birinchi darajali diplom billan tag`dirlangan. Meksikalik Antonio Xaures esa, bir vaqtning o`zida ispan tilida gaplashib turib, ingliz tilidagi tekstni bemalol yoza oladi.
Bunday misollarni kattalar hayotidan ham keltirish mumkin. Chunonchi, Toshmuhammad Sarimsoqov 30 yoshga to`lmay akademik bo`ldi. Nikolay Nazarov 14 yoshida ToshDUni bitirdi. Shavkat Olimov va Raxim Xaitovlar 25 yoshida professor bo`lishdi. Ilxom Mamedov 20 yoshida fan nomzodi bo`ldi va x.k. Bu kabi o`ta qobiliyatli bo`lishning poydevori oilaviy muhit hisoblanadi. Oila muhiti ularni qiziqtirgan narsa ustida jiddiy bosh qotirishga undashi tufayli doimo aqliy ozuqaga tashnalik yuzaga keltirgan. Natijada bolalar uchun murakkab hisoblangan aqliy mushohada ular uchun oddiy va oson bo`lib qolgan.
Garchi qobiliyatlarning rivoji xar turli odamlarda mutloko bir xil bo`lmagan tabiiy shart-sharoitlarga bog`liq bo`lsa ham, yukorida ko`rib o`tilgan iste’dod nishonalari va qobiliyatlar o`rtasidagi nisbat, qobiliyatlar shunchaki tabiat in’omi emas, balki kishilik tarixining maxsuli ekanligini ko`rsatadi. Agar xayvonlarda oldingi avlod yutuklarining keyingi avlodga utkazib berilishi asosan organizmning irsiy morfologik o`zgarishlari orqali amalga oshsa, insondat bu ijtimoiy-tarixiy yul bilan, ya’ni mexnat kuroli, til, san’at asarlari va shu kabilar bilan amalga oshadi.
Kishi o`zida muayyan faoliyatga qobiliyat bor yoki yukligini sezish yoki sezmaslmigini bildiradigan omil ta’lim metodikasi xisoblanadi. Ta’lim metodikasi qayerda ojiz bo`lsa, o`sha yerda qobiliyatlarning tug`ma ekanligi haqidagi gaplar paydo bo`ladi.
O`z-o`zidan ma’lumki, metodika doim takomillashib boradi, bu esa «tug`ma qobiliyatlar» doirasini torayib borishiga olib keladi.
Qobiliyatlar va iste’dodlarni shakllantirish muammosi katta ijtimoiy va davlat ahamiyatiga ega bo`lgan masaladir.
Hozirgi vaqtda ayniqsa, qobiliyatli yoshlarga ehtiyoj kuchaymoqda. Mustaqil respublikamizda iste’dod egalarining ko`payishi uchun zarur ijtimoiy muhit muxayyo etilmoqda layoqatli yoshlar bilan mahsus shug`ulanishga alohida qaratilmoqda.
Buning boisi bor, albatta istedodli yoshlar turli mazmundagi taassurotlarni miyada qayta ishlash, umumlashtirish, saralash va xulosa chiqarish tezligi va rostligi bilan ajralib turadilar, ularda fikrlash jarayoni va xissiy idrok etish taraqqiy etgan bo`ladi, yangiliklarni osonlik bilan o`zlashtiradilar.
Qobiliyatlilik ite’dodlilik va talant kabi sifatlar shaxsda faqat mexnat, tinimsiz intilish tufayli vujudga keladi va rivoj, ravnaq, topadi. Shuni ham unutmaslik kerakki, agar ijtimoiy muhit noqulay bo`lsa, odam o`z ustida ishlamasa, undagi qobiliyat va iste’dod alomatlari yo`qoladi. Lekin qobiliyatning o`sishi uchun faqat ijtimoiy muhit ta’sirining o`zida kifoya qilmaydi.
Bunda yana bir muhim vosita ta’lim va tarbiyadir. Qobiliyat ta’lim jarayonida, bilimlarni o`zlashtirish va ijodiy qo`llanishida tegishli ko`nikma va malakalar hosil qilishda, faoliyat jarayonida kamol topadi.
Har bir shaxsning o`zi faol harakat qilgandagina ijtimoiy muhit, talim va tarbiya uning layoqatini iste’dod hamda qobiliyatini o`stirmog`i mumkin. Agar shaxs o`z kasbini sevib, unga kuchli mehr qo`ysa, uning qobiliyati tez o`sadi. Kishining qobiliyati uning qiziqishlari bilan ham mustahkam bog`liq bo`lib, kiziqishlar ta’sirida qobiliyat o`sadi va u boshqa individual sifatlar mazmuniga ijobiy ta’sir ko`rsatadi.
Xulosa qilib aytganda qobiliyat tarbiyasi, yosh avlodning iste’dod va talant sohibi sifatida voyaga etishini ta’minlash, har bir yigit-qizning yoshlik chog`ida erishishi mumkin bo`lgan ulug` g`oyalardan bahramand etish, kelajak avlodni ularga qayta nasib etmaydigan bolalik nashidasidan mahrum bugungi kunning dolzarb muammolaridan biri hisoblanadi.⁷
Bola aqliy rivojlanishda ularning iqtidorlari,qobilyat kurtaklari bo`lishi muximdir.Xozirgi vaqtda iqtidorli,iste’dodli bolalarga e`tibor kuchaytirlmoqda.Iqtidorli bolalar o`z-o`zidan kelib chiqmaydi.Ular tug`ma istedodli bo`lishi bilan birga ta’lim tarbiya natijasida muxit ta’siridan xam paydo bo`lishi mumkin.
Ota-ona va pedagoglar boladagi iqtidorni sezishlari bilanoq uni rivojlantirish uchun shart sharoitga yaratib berishlari lozim.
Iqtidorli bolalarni boshqa bolalardan farqi shuki,ularda aqliy ishlashdan charchamaydilar ,xatto aqliy ishlarni talab qilib oladilar,ularda qizqishlar yo`nalishi o`zgarishi mumkun,ammo aktivlik saqlanb qoladi. Iqtdorli,iste’dodli bolalarni axtarib topish xamda ularni chuqur o`rganish maqsadida chet el metodikalarni o`zbek milliy muxidagi moslashtirishga katta extiyoj bor. Shunday metodikalardan biri angliyalik mashxur psixolog Ravenning intellekt testidir, Raven masalalari aqlning did bilan idrok etish va umumlashtirish xususiyatlarini, mantiqiy tafakurini(muloxazani) tanlab qiladi. Bu testlar aqli jarayonlarning saviyasining aniqlashga qaratilgandir.