"Ustoz", dedi bir kun tulki tulkiga, Nechun biz nishonmiz doim kulgiga? O'rmonda bo'ri ham, hatto janob sher

TULKI FALSAFASI (A.ORIPOV)



"Ustoz", dedi bir kun tulki tulkiga,
Nechun biz nishonmiz doim kulgiga?
O'rmonda bo'ri ham, hatto janob sher,
Bir-birin turtishib "tulkisan-a"- der.
Boshqalar ustidan kulmaslar nechun,
Bu hol qorong'udir biz yoshlar uchun?
"Uka" dedi shunda tulkiga tulki,
Bunday hodisotning sababi shulki
Kasbini eplolmay qolsa aksari,
Tulkilik qiladi hayvonlar bari.
Ko 'pincha ilojsiz qolgan fursatda,
Tulkilik qiladi sher ham albatta.
Lekin bizning ishni eplolmas ular,
Shu sabab o'rmonda masxara bo'lar.
Sen-chi bunday holdan aslo o'kinma,
Boshqalar singari chetga bekinma.
Tulkisan, bunday chog' tilkilik qilgin,
"Tulki" deb kulsalar, qo'shilib kulgin.