Узбекистон давлат жисмоний тарбия институти

Bitiruv ishning dolzarbligi: “Futbol bo’yicha bolalar-o’smirlar sport maktalarining rag’batlantirish va moddiy-texnika bazasini yaxshilash bo’yicha qo’shimcha chora-tadbirlar to’g’risida”gi 23-sonli Qarorning qabul qilinishi, (31.012007 y). Shuningdek, bir qator muhim hukumat qarorlarining e’lon qilinishi fikrimiz dalilidir. Mazkur hujjatlar jismoniy tarbiya va sportni, jumladan, futbolni yanada rivojlantirishga qaratilgan[ 1,2,4,8].

O’zbekiston Respublikasi “Ta’lim to’g’risida”gi Qonuni va “Kadrlar tayyorlash Milliy dasturi”da belgilanishicha, kadrlar tayyorlash soxasida davlat siyosati uzluksiz ta’lim tizimi orqali har tomonlama intellektual, ma’naviy va axloqiy barkamol shaxs-fuqarolarni shakllantirishga yo’naltirilgan[11].

Yosh futbolchining jismoniy sifatlarini tarbiyalash sport trenirovkasining muhim jihatlaridan biri sanaladi. Jismoniy sifatlar futbolchi organizmining morfofunkstional, morfo-fiziologik va biologik xususiyatlari bilan bog’liq.

Jismoniy sifatlar shug’ullanuvchilarning jismoniy, texnik, taktik tayyorgarliklarining takomillashuviga, butun organizm sog’lom-lashishiga, ruhiy emostional holatiga ijobiy ta’sir ko’rsatadi, futbolchilar har bir harakatni tobora ishonch bilan bajaradilar, yangi harakatlarni tezroq o’zlashtiradilar va yuqori natijali ko’rsatkichlarga erishadilar.

Mamlakatimiz futbolining xalqaro mavqeini oshirish maqsadida O’zbekiston Respublikasi Vazirlar Mahkamasi tomonidan ko’plab “O’zbekiston Respublikasida futbolni yanada rivojlantirish chora-tadbirlari to’g’risida” (18.03.1993 y). “O’zbekistonda futbolni rivojlantirishning tashkiliy asoslari va tamoyillarini tubdan takomillashtirish chora-tadbirlari to’g’risida” (17.01.1996), “O’zbekiston futbolini rivojlantirish jamg’armasi faoliyatini yaxshilash va unga yordam ko’rsatish chora-tadbirlari to’g’risida” (6.07.1998 y), “O’zbekistonda futbolni rivojlantirish qo’shimcha chora - tadbirlari to’g’risida”gi 2006 yil 1 maydagi PP-338 sonli qarorlar qabul qilindi va shu yilning o’zida “Futbol bo’yicha trenerlar va hakamlar tayyorlash respublika oliy makta faoliyatini tashkil etish to’g’risida” gi qarorlar shular jumlasidandir. Bunday Davlat miqiyosidagi hujjatlar orqali yuqori malakali futbolchilar tayyorlash sifatini yaxshilash uchun zarur shart-sharoitlar yaratildi [3,4,5].

Yosh futbolchining asosiy jismoniy sifatlarini rivojlanishi harakat ko’nikmalarining shakllanishi bilan uzviy bog’liqlikda kechadi. Ana shu jarayonga xizmat qiluvchi mashqlar sport trenirovkasi mashg’ulotlariga qat’iy izchillikda va ketma-ketlikda kirishiladi. Bugungi kunda futbolchilarning jismoniy sifatlarini tarbiyalash uchun maxsus vositalardan, mashqlar majmuasidan foydalanishni taqozo etadi, shuning uchun xam biz tanlagan mavzu “Yosh futbolchi bolalarda tezkorlik jismoniy sifatini tarbiyalash” o’zining dolzarbligi bilan ajralib turadi.