Узбекистон республикаси кишлок ва сув хужалиги вазирлиги
O‘simlik dunyosi ob’ektlarining davlat kadastrini yuritish tartibi
Yüklə 1,68 Mb. Pdf görüntüsü
|
|
3. O‘simlik dunyosi ob’ektlarining davlat kadastrini yuritish tartibi 80 O‘simlik dunyosi ob’ektlarining davlat kadastri Davlat tabiatni muhofaza qilish qo‘mitasi tomonidan quyidagi ma’muriy-hududiy darajalarda: birlamchi darajada o‘simlik dunyosi ob’ektlarning davlat kadastri sub’ektlarining vakolatli shaxslari tomonidan; mintaqaviy darajada Qoraqalpog‘iston Respublikasi Davlat tabiatni muhofaza qilish qo‘mitasining kadastr xizmati va tabiatni muhofaza qilish viloyat qo‘mitalarining vakolatli shaxslari tomonidan; respublika darajasida O‘zbekiston Respublikasi Davlat tabiatni muhofaza qilish qo‘mitasining kadastr xizmati tomonidan yuritiladi. O‘simlik dunyosi ob’ektlarining davlat kadastri sub’ektlari darajasida vakolatli shaxslar: yovvoyi holda o‘suvchi o‘simliklarni ro‘yxatga oladi, ularning soni, sifati va bahosi to‘g‘risidagi axborotni yig‘adi, kadastr kitobini yuritadi, o‘simliklarning turlar bo‘yicha tarqalishining kadastr rejasini tuzadi va mintaqaviy darajada zarur kadastr axborotini beradi. Mintaqaviy darajada vakolatli shaslar kadastrini yuritishda sub’ektlarga uslubiy yordam ko‘rsatadi, tushayotgan axborotni tahlil qiladi, taqdim etilgan ma’lumotlarning ishonchligini baholaydi, Qoraqalpog‘iston Respublikasi va viloyatlar bo‘yicha yovvoyi o‘simliklarning ro‘yxatini va yovvoyi o‘simliklarning turlar bo‘yicha joylashishi hududiy sxemalarini tuzadi, xisobotlar tuzadi hamda ularni har yili 1 martgacha belgilangan shaklda Davlat tabiatni muhofaza qilish qo‘mitasiga taqdim etadi. O‘zbekiston Respublikasi Davlat tabiatni muhofaza qilish qo‘mitasining kadastr xizmati respublika darajasida: o‘simlik dunyosi ob’ektlarining davlat kadastri yuritilishini muvofiqlashtiradi; me’yoriy-uslubiy hujjatlarni ishlab chiqadi; kadastr yuritilishi ustidan nazorat qiladi; viloyat kadastr hisobotlarini tizimlashtiradi; kadastr xizmatlarini moddiy-texnik ta’minlaydi; o‘simlik dunyosi ob’ektlari davlat kadastrining atomatlashtirilgan axborot tizimini ishlab chiqadi; manfaatdor yuridik va jismoniy shaxslarning kadastr materiallaridan foydalanishi tartibi va shartlarini belgilaydi; zarur kadastr axborotini Davlat kadastrlarining yagona tizimiga beradi. O‘simlik dunyosi ob’ektlarini davlat yo‘li bilan hisobga olish: yovvoyi holda o‘suvchi dorivor va manzarali, oziq-ovqat maqsadida foydalaniladigan o‘simliklar bo‘yicha O‘zbekiston Respublikasi Fanlar akademiyasi hamda Qishloq va suv xo‘jaligi vazirligi huzuridagi O‘rmon xo‘jaligi bosh boshqarmasi tomonidan; texnik maqsadlarda foydalaniladigan yovvoyi o‘simliklar bo‘yicha "Yergeodezkadastr" davlat qo‘mitasi tomonidan; 81 yovvoyi o‘simliklarning kamyob va yo‘qolib ketish xavfi ostida turgan turlari bo‘yicha O‘zbekiston Respublikasi Fanlar akademiyasi tomonidan yuritiladi. O‘simlik dunyosi ob’ektlarining davlat hisobini yurituvchi vazirliklar va idoralar o‘simlik dunyosi ob’ektlarining davlat kadastri bo‘yicha zarur axborotni Davlat tabiatni muhofaza qilish qo‘mitasi tomonidan belgilangan shaklda, hajmda va muddatlarda Davlat tabiatni muhofaza qilish qo‘mitasiga taqdim etadilar. Davlat tabiatni muhofaza qilish qo‘mitasi 2001 yildan boshlab har yili o‘simlik dunyosi ob’ektlarining davlat kadastri bo‘yicha zarur axborotni hisobot yilidan keyingi yilning 1 aprelgacha Davlat kadastrlarining yagona tizimiga taqdim etadi. Kadastr ma’lumotlarini Davlat kadastrlarining yagona tizimiga taqdim etish shakli. Davlat tabiatni muhofaza qilish qo‘mitasi tomonidan tasdiqlanadi va "Yergeodezkadastr" davlat qo‘mitasi bilan kelishiladi. O‘simlik dunyosining ishlab chiqiladigan kadastr axboroti ishonchiligi uchun Davlat tabiatni muhofaza qilish qo‘mitasining kadastr xizmati, o‘simliklarning davlat tomonidan hisobga olinishi yurituvchi vazirliklar va idoralarning vakolatli shaxslari qonun hujjatlariga muvofiq javob beradilar. Yüklə 1,68 Mb. Dostları ilə paylaş:
|