Müəssisənin missiyası formalaşdırıldıqdan sonra onun əsasında sosial əhəmiyyətli tələbatların ödənilməsinə yönəlmiş biznes potensialı təyin edilir.Müəssisənin biznes-potensialı biznesin formalaşdırılması şablonuna görə hazırlana bilər (şəkil 16). Nəticədə əsas bazar və əsas məhsul formalaşdırılır. Onların detallaşdırılması alıcıların gözü ilə müəssisənin təkliflərini (əmtəə qruplarını) və onlara uyğun alıcıların qruplarını (bazarın seqmentlərini) təyin edir. Matris proyeksiyasının köməyilə formalaşdırılan əmtəə qrupları və bazar seqmentləri arasında uyğunluq yaradılır və müəssisənin bizneslər siyahısı təyin edilir (sətir və sütunların kəsişməsində müəssisənin biznesləri yerləşir).
