Qısa müddətli hafizə - qavradığımız cisim və hadisələri müəyyən müddət ərzində görməkdən, eşitməkdən və s. ibarətdir. Hazırda hiss üzvlərimizin verdiyi məlumatı tutmağa, dəyişdirməyə və canlandırmağa qısa müddətli hafizə deyilir. Qısa müddətli hafizənin sinonimi kimi bəzən operativ hafizə termini işlədilir.
Uzun müddətli hafizə - qavranılan materialın uzun müddət və möhkəm yadda saxlanılması ilə xarakterizə olunur. Yəni biliklərin, eləcə də bacarıq və vərdişlərin saatlarla, aylarla, illərlə hifz edilməsi uzun müddətli hafizənin əsas məzmununu təşkil edir.
Hafizənin prosesləri
1.Yaddasaxlama – xarici və daxili mühitin təsirinin beyində həkk olunmasıdır. Yaddasaxlamanın məntiqi və mexaniki növləri mövcuddur. Məntiqi yaddasaxlamanın əsasında anlama dayanır. Bu zaman insan öyrəndiklərini öz sözləri ilə ifadə edə bilir. Mexaniki yaddasaxlama isə quru əzbərləmə, bəzən mənaya əhəmiyyət vermədən yaddasaxlamadır.
Alman psixoloqu Q.Ebbinhauz mexaniki yaddasaxlamanın 16 qanunauyğunluqlarını özündə birləşdirən vahid sistem təklif etmişdir. Onlardan bir neçəsi:
