Mövzu – İnformasiya cəmiyyəTİNİN Əsaslari informasiya cəmiyyəti

1. Elastiki (FDD) disk sürücüsü xarici yaddaş qurğusu olan elastiki maqnit disklərindən (disketlərdən) məlumatın oxunması və ya onlara məlumatın yazılmasını təmin edən qurğulardır;
2. Sərt maqnit diski (HDD, vinçester) kompüterin sistem blokunun daxilində yerləşən xarici yaddaş qurğusu olub, informasiyanın saxlanması üçün istifadə edilir. Buraya informasiyanı həm yazmaq, həm informasiyanı oradan oxumaq mümkündür;
3. Optik disklər- kompakt (CD-ROM, CD-RW, DVD və s.) disklərdən ibarətdir;
4. Flash (fleş)-kartlar- informasiyanın saxlanması üçün istifadə edilir.
Xaricetmə qurğuları informasiyanı kompüterdən xarici qurğulara ötür­mək üçündür. Bu qurğulara aşağıdakılar daxildir:
1. Monitor − mətn və qrafiki informasiyanı vizual olaraq ekrana çıxarmaq üçün­dür. Monitorlar şəklin formalaşdırılması prinsiplərinə görə aşağıdakı növ­lə­rə bölünürlər: elektron-şüa borulu, maye-kristal və plazma. Sensor moni­torlar həm giriş, həm də çıxış qurğularına aid edilirlər.
2. Printer – informasiyanı kağıza çap edir. Çap qurğuları iş prinsipinə görə zərbəli və zərbəsiz olur. Zərbəli printerlərə matrisli prin­terləri (capedici başlıq iynələrdən ibarətdir), zərbəsiz printerlərə isə şır­naq­lı (mürəkkəb çap başlığın­dan püskürdülür) printerləri misal göstərmək olar. Ter­moprinterlər(çap baş­lığının tərkib hissəsi qızdırıcı elementlərdən təşkil edi­lir) və lazer printerlərdən də istifadə edilir. Lazer printerlərdə elektroqrafik prinsipdən istifadə edilir.
3. Səs ucaldanlar(akustik sistemlər) – audio məlumatları dinləmək üçün istifadə olunur.
4. Plotter- qrafikçəkən qurğu olub kağız üzərində çertyojların çəkilməsini təmin edir.
5. Strimmer- maqnit lentə informasiyanın ötürülməsi, yazılması üçün istifadə olunur.
Daxiletmə qurğuları – informasiyanı kompüterə daxil edən qurğulardır. Bu qurğulara aşağıdakılar daxildir:
1. Klaviatura – məlumatı kompüterə daxil edən əsas qurğudur. Klaviaturalar əsasən 102/104 düyməli klaviaturalara bölünürlər. Klaviaturanın düymələri − funksional düymələrə (F1-F12), hərf-rəqəm düymələrinə, kursoru idarə edən və ədədlərin daxil edilməsi düymələrinə bölünürlər.