Sual; Qrup halında, ağır və ölümlə nəticələnən bədbəxt hadisələrin təhqiqatının aparılması qaydası ?
Cavab; Müəssisədə baş verən bədbəxt hadisələrin ağırlıq dərəcəsindən asılı olmayaraq hadisənin təhqiqatının aparılması üçün dərhal həmin hadisə baş verən günü dövlət nəzarətini həyata keçirən orqana (Əmək və əhalinin sosial və müdafiə nazirliyinin Dövlət Əmək Müfəttişliyinə) məlumat verilməlidir. Dövlət nəzarətini həyata keçirən orqan daxil olmuş məlumat əsasında qanunvericiliklə müəyyən edilmiş qaydada komissiya yaradır və baş vermiş bədbəxt hadisənin təhqiqatını aparır.
Qrup halında, ağır və ölümlə nəticələnən bədbəxt hadisələrin təhqiqatı tərkibi: sədr – Dövlət Əmək Müfəttişliyinin vəzifəli şəxsləri, üzvlər – sahə həmkarlar ittifaqı komitəsinin, müəssisənin və yaxud onun tabeçiliyi üzrə yuxarı orqanın (əgər varsa) nümayəndələrindən ibarət komissiya tərəfindən aparılır.
Bədbəxt hadisənin həqiqətən müəssisədə baş verməsinin faktını müəyyənləşdirilir.
Bədbəxt hadisənin baş vermə vəziyyəti və səbəbləri təyin edilir. Hadisə yerinə baxış keçirilir, hərəkət planı hazırlanır. İş yerinin, avadanlığın, mexanizmin, alət və qurğuların vəziyyətinə və hadisə yerinin təhlükəsizlik qaydaları tələblərinə uyğun olmalarına baxılır. Zərər çəkən və hadisəni görən şəxslərdən izahat alınır. Lazım olan sənədlərlə tanış olduqdan sonra texniki hesabat, laboratoriya təhqiqi aparılır. Hadisə yerinin foto şəkli çəkilir, sxemlər tərtib olunur. Zərərçəkənin təlimatlandırılması, üçün kim tərəfindən tapşırılması və hansı qayda pozuntusuna yol verildiyi hadisəni, kimin gördüyü müəyyənləşdirilir və bütün bunlar əsasında akt tərtib olunur. Təhqiqat qurtardıqdan sonra bir gündən gec olmayaraq qkt tərtib edilir və onun bir nüsxəsi zərərçəkənə verilir.
Sual;Kəllə travmalarının əlamətləri hansılardır?
Cavab; Kəllə sümüklərinin və ya başın dəri səthinin zədələnməsi;
burundan və ya qulaqdan şəffaf mayenin və qanın axması;
nitqin və görmənin pozulması, beynin dumanlanması;
ürək bulanma, qusma;
tənəffüsün pozulması;
göz bəbəklərinin assimetriyası, biri digərindən böyükdürsə.
