Har bir bank o‘zining loro va nostro hisobi bo‘yicha buxgalteriyasini, ya’ni uchetini yuritadi. Banklar vaqti-vaqti bilan o‘zlarining yozuvlarini solishtirib
Har bir bank o‘zining loro va nostro hisobi bo‘yicha buxgalteriyasini, ya’ni uchetini yuritadi. Banklar vaqti-vaqti bilan o‘zlarining yozuvlarini solishtirib turadi, agar hatoliklar va nomuvofiqlar yuzaga kelgan bo‘lsa, uni to‘g‘rilaydilar. Barcha zarur valyuta operatsiyalarini amalga oshirish uchun bitta hisobning o‘zi ham yetarli bo‘ladi. Odatda, bunaqangi hisobga rivojlanayotgan davlatlarni banklari uchun rivojlangan davlatning bankida ochilgan loro hisobi xizmat qiladi. Bu hisob ishlatilish paytida hisobni egasi rivojlanayotgan davlatni banki topshiriqnomasi bo‘yicha mablag‘ hisobga tushiriladi (hisob kreditlanadi) va undan ma’lum summa chiqariladi (debetlanadi). Misol uchun, O‘zbekiston banki Germaniyadagi korrespondent bankdagi o‘zining hisobidan ma’lum summadagi yevroni O‘zbekistonga tovar import qiladigan mijozga to‘lab berishiga topshiriq berishi mumkin. Bunda O‘zbekiston bankidagi importyorning valyuta yoki sumdagi hisobidan tegishli summa undirib olinadi. Shunday qilib valyuta fondini harakati amalga oshadi, ya’ni u O‘zbekistondagi bankni va nemis korrespondent – bankning buxgalteriya kitobida ma’lum yozuvlarni amalga oshirish bilan tugallanadi. O‘zbekiston banki Amerikadagi korrespondent bankiga o‘zi uchun Amerika kompaniyasining aksiyasini sotib olish uchun, unga tegishli korrespondentlik topshiriqnomasini berishi mumkin. Unda Amerika banki bu bankni loro hisobidan tegishli summani chegirib oladi (hisobni debetlaydi) va sotib olingan aksiyani O‘zbekiston bankiga jo‘natadi yoki Amerikada o‘zini manfaati uchun uni ishlatadi. Xalqaro kredit olish uchun ham rivojlanayotgan davlatlarning banklari uchunkorrespondentlik munosabatlari shakllantiriladi. Bundan tashqari, rivojlanayotgan davlatlarning banklari o‘zining xalqaro reputatsiyasini oshirish uchun taniqli va ta’siri katta bo‘lgan banklar bilan korrespondentlik munosabatlarini o‘rnatishadi. Bank korrespondentlar ko‘pincha hamroh banklarni sindikatlashgan kreditlar uchun ishtirok etishga taklif qilib turishadi.
