Dekabrın 30-da Mərkəzi Bank məlumat yayıb. Əhalinin nəzərinə çatdırılır ki, qarşıdakı bayram günlərində (31 dekabr-4 yanvar) milli valyutanın məzənnəsi ilə bağlı yarana biləcək hər hansı spekulyativ xarakterli məlumatlara və şayiələrə inanmasınlar: “Yeni məzənnə siyasəti rejiminə uyğun olaraq tələb və təklif nəzərə alınmaqla manatın ABŞ dollarına nisbətən rəsmi məzənnəsi 5 yanvar 2016-cı il üçün 1,5610 manat müəyyənləşdirilib. Bayramqabağı günlərdə Mərkəzi Bank bankların valyutaya olan ehtiyaclarını hərraclar vasitəsilə kifayət həcmdə təmin edib”.
