Xocalı soyqırımının 21-ci ildönümüdür. Faciənin baş verməsindən 21 ötsədə, yaralar qaysaqlamayıb. Qaysaqlamayacaq da. Bu, təkcə, Xocalının deyil, xalqın soyqırımı idi

Xocalı soyqırımının 21-ci ildönümüdür. Faciənin baş verməsindən 21 ötsədə, yaralar qaysaqlamayıb. Qaysaqlamayacaq da. Bu, təkcə, Xocalının deyil, xalqın soyqırımı idi. Buna görə də kimsə həmin tarixi – 1992-ci il fevralın 25-dən 26-a keçən gecəni unutmaq niyyətində deyil.

Xocalı soyqırımı ilə bağlı faktlar, o faciəni əks etdirən fotolar, eləcə də video materiallar çoxdur. Amma 1992-ci ildə Xocalı faciəsini əbəbiləşdirən ilk rəsm əsəri tanınmış rəssam Vaqif Ucatayın “Xocalı faciəsi – 1992” əsəri oldu. Məhz bu əsərlə ilk plakatlar hazırlandı, bu faciəyə etiraz səsləri ucaldıldı.

AzVision.az Xocalı faciəsini əbəbiləşdirən ilk rəsm əsərinin müəllifi, tanınmış rəssam Vaqif Ucatayla soyqırımın səbəbləri və bir çox məqamlar barədə söhbət aparıb. Rəssam hesab edir ki, Xocalı soyqırımı baş verməyə bilməzdi. Lakin erməni vandalizmini, Dağlıq Qarabağ münaqişəsi zamanı azərbaycanlıların başına gətirilən erməni vəhşiliyini əks etdirən silsilə əsərlərin müəllifi, xalqın faciəsini tarixiləşdirməklə yanaşı, ermənilərin əsl simasını göstərən Vaqif Ucatay ağlayıb-sısqamağın da tərəfdarı deyil.