Xx asr boshlarida o‘zbek musiqasi Mavzu rejasi

Urush yillari maxsus tashkil qilingan “Front – konsert brigada” jamoalarining matonatli xizmatlari “O‘zbek musiqasi tarixi” sahifalarida yorqin iz qoldirdi. Mazkur jamoalar a’zolari asosan o‘zbek filarmoniyasi, o‘zbek va rus opera – balet teatrlarining, o‘zbek radiosi, Toshkent va Leningrad konservatoriyalarining xonanda, sozanda, raqqosa va turli ansambllari san’atkorlaridan tashkil topgan edilar.

Aynan, o‘sha olovli yillarda O‘zbekistondan 15 ta “front konsert brigadalar” faoliyat ko‘rsatdilar. Ularning har birlarining faoliyati katta bir doston. Urush davrining mashaqqatlariga mardonavor chidab o‘zbek musiqa san’atini jangchilar orasida yorqin namoyish qilganlar orasida: Tamara Xonim, Xalima Nosirova, Gavhar Raximova, Komunna Ismoilova, Mukarrama Turg‘unboyeva, Mehri Abdullayeva, Isaxor Oqilov, Narzulla Yoqubov, Muhiddin Qoriyoqubov, Roziya Karimova, Dadaxo‘ja Sottixo’jayev, Mamadaziz Niyozov, Fahriddin Sodiqov, Dadaali Soatqulov, Muhammadjon Mirzayev, Yelizavetta Petrosova, Qumrixon Qodirova, Sora Samandarova, Hadicha Hakimova, Saida Safarova, Tamara Korolyova, Roza Beglanova, Ruqiya Azimova, Poshsho Matchonova, Anjelika Maskalyova, Sayyora Arzumanova, Habib Raximov, Nabi Hasanov, Ergash Shukurullaev, Po‘lat Raximov, O‘g‘iloy Masharipova, Vanda Perachina, G‘ofur Solixov, G‘offor Vallamatzoda, Shohnazar Sohibov, Abduqodir Ismoilov, Usta Olim Komilov kabi boshqa o‘nlab san’atkorlarning nomlari hurmat bilan tilga olinadi. “Front konsert” brigadalarida xizmat qilganlar hukumat mukofotlari, faxriy unvonlar, harbiy orden medallar bilan taqdirlandilar. Tamaraxonim “Qizil yulduz” ordeni va kapitan unvoni bilan Gavhar Rahimova “Qizil yulduz” ordeni, D.Soatqulov “За отвагу” medali bilan, S.Sodiqov,  R.Baglanova, G.Azimova, X.Raximovalar “За боевые услуги” medali bilan va boshqa hamma qatnashchilar “За победу над Германией 1941 – 1945” medali bilan taqdirlangan edilar. Shunday qilib urush yillari mashaqqatli va qiyinchiliklariga qaramay O‘zbekiston to‘laqonli mustaqil hayot kechirdi. Respublikamizda istiqomat qilgan barcha san’atkorlarning har biri buyuk g‘alabani yaqinlashtirishga jonini fido qilib, xalqqa, front jangchilariga xizmat qildilar. Shu bilan birga ayrim san’atkorlar qo‘llarida qurol bilan jang maydonlarida fashistlarga qarshi kurashdilar. Ular orasida M.Leviyev, G.Sobitov, M.Yusupov, V.Knyazyev, T.Jumayev, X.Izamov, A.Muxammadiyev, F.Nazarov, A.Otajonov, Sh.Ramazonov, B.Giyenko, V.Zudov kabi kompozitorlar va  M.Axmadiyev, M.Kovbas, A.Jabborov kabi musiqashunoslar harakatdagi harbiy qismlar orkestrida va ansambllarida xizmat qilishdi. Urushda qurbonlar orasida yozuvchilar, teatr, kino musiqa, tasviriy san’atning vakillari va namoyandalar ham bor edi. Adabiyot va san’atimizning oltin sahifalarini yaratgan marhumlar xalqimizning xotirasida va qalbida mangu yashaydilar.