02.01.2017
GÖRƏCƏK
Mənə kim baxsa, gözümdən süzülən qan görəcək,
Ağarır saç, bükülür bel, cürüyür can görəcək.
Mənə dərd-qəm verənin kim ürəyin axtarsa,
Hələ çox qurdalayandan sonra şeytan görəcək.
Lap əzəldən ürəyim dərd ilə ömr etdi qəim,
Mənim tək tab eləyən kim şahı-mərdan görəcək ?
Göz ürək aynasıdır, hər yetən insan gözümə,
Nə qədər baxsada həsrət iləhicran görəcək.
Bu səbəbdən qaçıram mən hamıdan, kim görsə,
Məni həp yad sanacaq, yan baxacaq, yan görəcək.
Sevin Əkrəm, baxan hər kəs ürəyin içində
Nə qədər dərd görə-bir ol qədər iman görəcək.
Dostları ilə paylaş: |
