Toza suvni samarali va ishlatish miqdorini kamaytirishnmg asosiy yo‘li — bu aylanma suv ta’minlash tizimlarini (sistemalarini) tashkil etishdir. Aylanma suv ta’minlash sistemalarining ba’zi sxemalarini quyidagi chizmalardan ko‘rish mumkin: bu yerda K— korxona, CC— sovitish sistemasi, HC—nasos stansiyasi, TI — tozalash inshooti a — sxemada suv issiqlik agenti sifatida qoMlaniladi va ushbu suv ishlatish jarayonida ifloslanmaydi, faqat salqiziydi. Shuning uchun uni qayta ishlatishdan oldin suv sovitish moslamalarida (фадирня) harorati pasaytiriladi; b — sxemada suv qayta ishlatishdan oldin mavjud usullar yordamida tozalanadi; d — sxemada suv ham sovitiladi, ham tozalanadi.
Oqova suvlar mexanik, fizik-kimyoviy va biologik usullarda tozalanadi. Oqova suvlar tarkibidagi bakteriyali ifloslar mexanik tozalash paytida oqova suvlar tarkibidagi erimagan iflos moddalarni suzish, tindirish va filtrlash yo‘li bilan suvdan ajratib olinadi.
Mexanik tozalash quyidagi inshootlarda amalga oshiriladi:
Panjaralar. Panjaralarda oqova suvlar tarkibidagi iflos moddalarning kattaligi 5 mm va undan yuqori bo‘lganda tutib qolinadi.
Qumtutkichlar. Qumtutkichlar oqova suv tarkibidagi mineral ifloslar, asosan, qumlarni tutib qolish maqsadida ishlatiladi.
Tindirgichlar. Oqova suv tarkibidagi muallaq holatdagi iflos moddalarning solishtirma og‘irligi suv solishtirma og‘irligidan katta yoki kichik bo‘lgan zarralarni ajratib olish maqsadida ishlatiladi. Bunda suvning solishtirma og‘irligidan katta bo‘lgan zarralari, og‘irlik kuchi ta’sirida, tindirgichlarning tubiga cho‘ka- di, yengillari bo‘lsa, suv yuzasigi suzib chiqadi.
Yog‘tutkichlar, nefttutkichlar, chaqichtutkichlar. Bu in-shootlar oqova suv tarkibidagi yog‘, neft, chaqich, ya’ni suvdan yengil bo‘lgan moddalarni tutib qolish maqsadida qo‘lla- niladi. Bunday inshootlar, asosan, sanoat oqova suvlarini tozalashda ishlatiladi.
