Yosh ijodkor va tilshunoslar

Kafedra o‘qituvchisi: N.Yakubova

Umumiy filologiya kafеdrasi qоshidagi “Yosh ijodkor va tilshunoslar” to‘garagining 15- sonli

BAYONNОMASI

12-aprel 2023-yil Urganch shahri

Qatnashdilar: to‘garak rahbari M. Matquliyeva, kafedra o‘qituvchisi N.Yakubova 1- kurs talabalari (jami 25 nafar).
KUN TARTIBI:
Dramatik asarlar bilan tanishish
ESHITILDI:
To‘garak rahbari PhD M. Matquliyeva so‘zga chiqdi va dramatik asarlar bilan tanishish haqida ma’lumot berdi. Jumladan, dramatik turdagi asarda qahramon nutqi hal qiluvchi ahamiyat kasb etadi. Negaki, muallif bayon qilishi ham, munosabat bildirishga ham, tasvirlashga ham xaqli bo’lmagan ushbu adabiy turda nutq deyarli barcha vazifani o’z zimmasiga oladi. Monolog shakli bilan tomoshabinlarga, dialog tarzida sahnadosh sheriklarga murojaat qilishning, voqealar rivojining, harakterlar ochilishining vositasi bo’ladi. Shuning uchun ham dramada nutq alohida bir badiiy quvvatga ega bo’ladi. Tahlil mobaynida shu holat hisobga olinishi lozim. Dramatik nutqqa doir yana bir jihat shundaki, dramatik asar tili, albatta, bir qadar kutarinki, aytilishi jarangli, eshitilishi aniq bo’lishi lozim. Chunki u sahnada kuyilishi zarurligi, tomoshaxonaning turli burchaklarida
o‘tirganlarga eshitilishi uchun shunday xususiyatlarga ega bo’lishi joiz. Dunyodagi barcha dramatik qahramonlarning bir qadar sun'iyroq tilda so’zlashi va L.Tolstoy tomonidan tanqid qilinganligi sababi shunda. Drama qahramonlari tuyg’ular, hissiyotlar bo‘roni og‘ushida yashaydilar, kuchli to‘qnashuvlarni boshdan kechiradilar, keskin va ta'sirchan tilda so‘zlashadilar, har qanday voqea-hodisaga keskin va kutilmagan munosabat bildirishga moyil bo’ladilar. Xuddi shunday jihatlarni bilgan va hisobga olgan tahlilchigina dramatik turdagi asarlarning magzini chaqa oladi.
Shuningdek, to‘garak rahbari talabalarga dramatic asarlarni o‘qitish asnosida dramatic turning alohida xususiyatlarini tahlil qilib berdi.