3) Qon barcha to’qima va organlar funktsiyasini gumoral yo’l bilan boshqarilishda ishtirok etadi. Endokrin bezlarda sintez qilingan gormonlar – biologik faol moddalar qonga o’tib, u orqali to’qima va organlarga yetkaziladi va ular nerv sistemasi bilan birga boshqarilishini ta’minlaydi.
Qon tana temperaturasining nisbiy doimiyligini saqlashda ishtirok etadi. Qonning uzluksiz harakati orqali moddalar almashinuvi natijasida hosil bo’lgan issiqlik energiyasi tananing barcha qismlariga tarqalib, ulardagi temperatura doimiyligini ta’minlaydi.
