Óz betinshe jumisi nókis-2023 Tema: Bank amanatı shártnaması

2.Amanatlardıń túrleri
Bank amanatı shártnamasınıń puqara amanattı talap etiwi menen-aq alıw huqıqınan, múddetli yamasa basqa amanattı bolsa xabardar etiwdiń nızamshılıqta belgilengen múddeti ótkeninen keyin alıw huqıqınan bas tartıw haqqındaǵı shárti óz-ózinen haqıyqıy emes.
Eger amanatshı múddetli yamasa basqa amanattı, talap etip alģanģa shekem saqlanatuǵın amanat bunnan tısqarı, múddet tamamlanģanģa shekem yáki bank amanatı shártnamasında kórsetilgen basqa jaǵdaylar júz beremen degenge shekem qaytarıp beriwdi talap qılıw niyetinde bolsa, ol óziniń bul niyetinen bankti amanattı alıwdı qaratıp atırǵan sáneden keminde bir ay aldın xabardar etiwi shárt.
Múddetli yamasa basqa amanat, talap etip alınģanģa shekem saqlanatuǵın amanat bunnan tısqarı, múddet tamamlanģanģa shekem yáki bank amanatı shártnamasında kórsetilgen basqa jaǵdaylar júz beremen degenge shekem amanatshınıń talabı menen oǵan qaytarılǵan jaǵdaylarda, eger shártnamada basqasha tártip názerde tutılǵan bolmasa, amanat maydanınan procentler tólenbeydi.
Amanatshı múddetli amanat summasın múddet tawsılǵanınan keyin yamasa qaytarıwdıń basqa shártleri menen qoyılǵan amanat summasın bank amanatı shártnamasında názerde tutılǵan jaǵdaylar waqtında bolǵanınan keyin qaytarıp beriwdi talap etpegen jaǵdaylarda, eger shártnamada basqasha tártip názerde tutılǵan bolmasa, shártnama amanattı talap etip alģanģa shekem saqlaw shártleri tiykarında uzaytırılǵan dep esaplanadı.
Bank amanatshıǵa amanat summası ushın bank amanatı shártnamasında belgilenetuǵın muǵdarda procentler tóleydi.
Bank amanatı shártnamasında tólenetuģın procentler muǵdarı haqqında shárt bolmaǵan táǵdirde, bank talap etip alģanģa shekem saqlanatuǵın amanatlarǵa tólenetuģın muǵdarda procentler tólewi shárt.
Eger bank amanatı shártnamasında basqasha tártip názerde tutılǵan bolmasa, bank talap etip alģanģa shekem saqlanatuǵın amanatlarǵa tólenetuģın procentler muǵdarın ózgertiw huqıqına iye.
Bank procentler muǵdarın kemeytirgen jaģdayda, procentlerdiń jańa muǵdarı procentler kemeytirilgenligi haqqında amanatshılarǵa xabar berilgeninen keyin qoyılǵan amanatlarǵa qarata qollanıladı. Eger bank amanatı shártnamasında basqa múddet názerde tutılǵan bolmasa, bul xabarǵa shekem qoyılǵan amanatlarǵa qarata kemeytirilgen procentler muǵdarı tiyisli xabar berilgen waqıttan bir ay ótkeninen keyin qollanıladı.
Amanattı arnawlı bir múddet ótkennen yamasa shártnamada názerde tutılǵan jaǵdaylar júz bergeninen keyin qaytarıw shárti menen qoyılǵan amanat maydanınan bank amanatı shártnamasında belgilengen procentler muǵdarı, eger shártnamada basqasha tártip belgilengen bolmasa, bank tárepinen bir tárepleme kemeytiriliwi múmkin emes.
Bank amanatı summasına procentler amanat bankke túsken kúnniń ertesinen baslap, tap ol amanatshıǵa qaytarılǵan yamasa basqa tiykarlarǵa kóre amanatshınıń esapbetinen óshirilgen kúnden aldınǵı kúnge shekem jazıladı. Amanatshınıń esapbeti xatlanganlıģı áqibetinde bank bul esapbetdegi pul qarjlarınan paydalana almaǵan dáwir ushın procentler jazılmaydı.
Eger bank amanatı shártnamasında basqasha tártip názerde tutılǵan bolmasa, bank amanatı summasına procentler hár bir ay ótkeninen keyin onıń talabı menen amanat summasınan bólek tólenedi, bul múddette talap etip alınbaǵan procentler bolsa procentler jazılatuǵın amanat summasına qosılıp baradı
Amanat qaytarılǵanında sol waqıtqa deyin jazılǵan hámme procentler tólenedi