11. “Av” səs birləşməsi türk dilində saxlandığı halda Azərbaycan
dilində yerini dəyişir. Türk dilində: av, avuç, tavşan, tavuk; Azər-
baycan dilində: ov, ovuc, dovşan, toyuq. Lakin Naxçıvan, Şahbuz,
Şərur, Zəngilan, Qubadlı, Cəbrayıl, Füzuli (Qarabulaq) şivələ-
rində “av” səs birləşməsi saxlanılır: davşan, yavşan, qavla- (27,
267).
Dialektologiya dilçilik şöbələrindən biri olub dilimizin tarixi
inkişafını əks etdirməsi baxımından əhəmiyyət kəsb edir. Bunun
üçün Azərbaycan dili dialektləri digər türk dilləri ilə müqayisəli şə-
kildə tədqiqata cəlb olunub. Bu şəkildə tədqiqat dilimizin tarixinə
işıq salır və mübahisəli məsələlərin həllinə kömək edir.
