1. Elektromagnit induksiya Lenz qonuni Induksiyaning elektr harakatlantiruvchi kuchi

1. Elektromagnit induksiya
2. Lenz qonuni
3. Induksiyaning elektr harakatlantiruvchi kuchi
4. Magnit induksiya va magnit kuchlanishni o'lchash usullari


5. Eddy oqimlari (Fuko oqimlari)


6. Magnit maydonda kadrning aylanishi


7. O'z-o'zini induksiya qilish


8. Sxemani yopish va ochishda oqim


9. O'zaro induktsiya


10. Magnit maydon energiyasi


Elektromagnit induksiya hodisasi
Faradey elektr va magnit hodisalarini o’zaro chambarchas bog’liq deb hisoblab, magnit maydonining elektr ta’sirini o’rganish bo’yicha juda ko’p tajribalar o’tkazdi. Yillar davomida qunt bilan o’tkazilgan tajribalar natijasida 1831 yil elektromagnit induksiya hodisasini kashf etdi. Har qanday o’tkazuvchan berk konturda u o’rab turgan sirt orqali o’tayotgan magnit oqimi o’zgarganda, shu konturda tok hosil bo’lishini aniqladi. Bu hodisa elektromagnit induksiya hodisasi, tok esa induksion tok deb yuritiladi.
Doimiy magnit tayoqcha galvanometrga ulangan g’altak ichiga kiritilishi va chiqarilishida konturda induksion tok hosil bo’ladi (9.1-rasm).

9.1-rasm
Demak, magnit oqimining o’zgarishi konturda tok hosil qiladi. Tajribalar ko’rsatishicha, induksion tokning kattaligi magnit oqimiga emas, balki magnit oqimining o’zgarish tezligi va ishorasiga proporsional bo’lib, uni qanday yo’l bilan o’zgartirishga bog’liq emas.
Lents (1833 y.) induksion tok yo’nalishini aniqlashga imkon beruvchi tajribani amalga oshirdi. Agar doimiy magnit qutblaridan biri berk halqaga yaqinlashtirilsa, halqada induksion tok hosil bo’lib, bu tokning magnit maydoni doimiy magnit maydonini konpensatsiyalaydi, sistema muvozanat vaziyatidan og’adi. Magnit qutbi ochiq halqaga yaqinlashtirilsa, hech qanday o’zgarish kuzatilmaydi. (9.2-rasm)

9.2-rasm



Tajriba natijalarini umumlashtirib, induksion tok shunday yo’nalgan deyish mumkinki, uni hosil qilgan magnit maydon induksiyasi, induksion tokni vujudga keltirayotgan magnit induksiyasini hamma vaqt konpensatsiyalaydi. Yopiq konturda indusion tok shunday yo’nalganki, u o’zining magnit maydoni bilan uni hosil qiluvchi magnit maydon o’zgarishiga qarshilik ko’rsatadi. Amalda induksion tok yo’nalishini aniqlash uchun ma’lum qoida ishlab chiqilgan. U o’ng qo’l qoidasi deb yuritiladi. O’ng qo’l kaftiga magnit induksiya chiziqlari kiradigan qilib joylashtirilsa, bosh barmoq o’tkazgich harakati yo’nalishini ko’rsatib, to’rttala barmoq induksion tok yo’nalishini ko’rsatadi.