1-laboratoriya jumısı. Universal laboratoriya stendi menen tanısıw Jumıstıń maqseti

1-laboratoriya jumısı.
Universal laboratoriya stendi menen tanısıw
Jumıstıń maqseti: Universal laboratoriya stendi menen tanısıw
1. Laboratoriya praktikumi wazıypaları.
Student laboratoriya jumısların orınlaw ushın aldınan tayarliq kóriw, tájiriybe ótkeriw, alınǵan nátiyjelerdi qayta islew, esabat dúziw hám qorǵawǵa tayarlanıw processlerinde tómendegi ulıwma temalardı puqta ózlestirgen bolıwı kerek:
1. 1. Izertlew etpekshi bolǵan elektron ásbap (EA) haqqında ulıwma maǵlıwmatlar :
-EA wazıypası hám qollanıw tarawı ;
-EA elektrodlardıń atı hám wazıypası ;
-EA dıń sxemalarda shártli belgileniwi;
-EA túrleriniń belgileniw sistemaları ;
-EA tiykarǵı parametrleri ma`nisiniń tártibi.
1. 2. Ólshew sxeması :
-sxemanin` túrli shınjırlarınan tok ótiwi;
-o`lshew ásbaplarınıń wazıypaları ;
-sxemani elektr derekke jalǵaw hám uzatıw tártibi;
-jumis rejimin tuwrilaw usılları.
1. 3. Ólshewdi orınlaw usılı :
-xarakteristikalardi ólshew tártibi;
-xarakteristikalardi ólshewde jumıs rejimi parametrleriniń shegaralıq ekspluataciya ma`nisi;
-EA parametrlerin tájiriybe usılında anıqlaw ;
-EA matematikalıq model parametrlerin tájiriybede anıqlaw usılı.
1. 4. Teoriyalıq sorawlar :
-izzertlenip atırǵan EA islew Principi;
-izzertlenip atırǵan EA jalǵanıw sxeması : elektr derek polyusı, toklardıń baǵdarı, elektrod toklarınıń ag`ip ótiw shınjırları hám olardıń qurawshıları, toklardıń óz-ara baylanısıwı ;
-EA statikalıq xarakteristikaları hám basqa tájiriybede alınǵan baylanıslılıqlardıń mánisi;
-EA matematikalıq modeli parametrlerin tájiriybe maǵlıwmatlarınan anıqlaw usılları hám olardıń fizikalıq mánisin túsindiriw;
-ostsillogrammalardi tu`sindirip beriw;
-izzertlenip atırǵan EA shegaralıq parametrleriniń fizikalıq kózqarastan túsindiriw.
1. 1.-1. 3 - temalardıń derlik barlıq bántleri laboratoriya jumıslarına tayarlanıw processindegi úy wazıypasınıń mazmunın belgileydi hám olar usı jıynaqtaǵı hár bir laboratoriya jumıslarınıń xarakteristikalarında óz ańlatpasın tapqan. Eger student jumıs orınlawdan aldın yamasa jumıs orınlaw waqtında joqarıda aytıp ótken temalar boyınsha úy wazıypaların ózlestirmegeni oqıtıwshı tárepinen anıqlansa, ol halda student jumıs orınlawına ruxsat etilmeydi yamasa jumıs orınlawdan shetlestiriledi. Student 1. 4 bántlerdi ózlestiriwi laboratoriya jumısın qorǵaw shınıǵıwlarında oqıtıwshı tárepinen tekseriledi.
1. 2 - bántlerinde keltirlgan ólshew sxemaları hám ólshew usılları máseleleri usı qóllanbanıń tómende keltirilgen " Universal laboratoriya stendi (ULS) nıń xarakteristikasi" berilgen.
Esabatlardı dúziw ushın 1. 1 bo`liminde keltirilgen sorawlarǵa juwaptı EA haqqındaǵı málimlemelerden izlew kerek.


2. Universal laboratoriya stendinin` xarakteristikası
Universal laboratoriya stendi (ULS) yarım ótkizgish ásbaplardı izertlewge mólsherlengen apparat bolıp, ol “Elektronika” laboratoriyasınıń tiykarǵı úskenelerine kiredi. ULS 25 laboratoriya jumısların frontal usılda aparıwǵa múmkinshilik beredi. ULS dúzılıw tárepten tiykarǵı modul hám laboratoriya modulınan ibarat (1- súwret).



1-su`wret. ULS tin` uliwmaliq ko`rinisi

2-su`wret. ULS tin` tiykarg`i moduli

Tiykarǵı modul eki kernew deregi (E1 hám E2), eki multimetr hám tómen chastota generatorınan shólkemlesken. E1 hám E2 kernew dárekleri tuwrilanatug`in bolıp, onıń shıǵıwındag`i bahaları noldan izertlenip atırǵan elektron ásbap jumıs parametrleri menen shegaralanǵan joqarı bahaǵa shekem ózgeredi (2- súwret).

3 -su`wret.USL din` labaratoriya moduli

4-su`wret. Otsilograftin` alding`i ta`repten ko`rinisi