1-Mavzu: Zamonaviy kompyuterlarning tashkil etuvchilari. Reja

1-Mavzu: Zamonaviy kompyuterlarning tashkil etuvchilari.
REJA:

1. 
   Zamonaviy kompyuterlarning asosiy tavsiflari va ularning turlari.
   
2. 
   Zamonaviy kompyuterlarning qurilmalari:
   

• 
  Asosiy qurilmalari;
  
• 
  Qo’shimcha qurilmalari.
  

Tayanch so’z va iboralar:kompyuter, qurilma, ichki, tashqi, tashkil etuvchilari, arxitektura, Super kompyuterlar, katta kompyuterlar, mini kompyuterlar, shaxsiy kompyuterlar, tizimli blok, mikroprotsessor, tezkor xotira, doimiy xotira, kesh xotira, videoxotira, shinalar, tashqi xotira, qattiq disk, videoadapter, klaviatura, printerlar, skanerlar, monipulyatorlar.

1. 
   Zamonaviy kompyuterlarning asosiy tavsiflari va ularning turlari.
   

Kompyuter – inglizcha so`z bo`lib, u hisoblovchi demakdir. U hozirda faqat hisoblovchi bo`lmasdan, matnlar, tovush, video va boshqa ma’lumotlar ustida ham amallar bajaradi. Uning asosiy vazifasi turli ma’lumotlarni qayta ishlashdan iboratdir. Avallo shuni aytish lozimki, ko`pchilikning tushunchasida go`yoki biz kundalikda foydalanadigan faqat shaxsiy kompyuter bor, xolos. Bunga, albatta, sabablar ko`p. Shulardan biri hozirgi zamon shaxsiy kompyuterlari, ilgargi universal deb hisoblangan kompyuterlardan tezligi va xotira hajmi jihatidan ancha oshib ketganligida bo`lsa, ikkinchi tomondan, ko`p masalalarni yechish uchun bu kompyuterlar foydalanuvchilarni qanoatlantirishidadir. Kompyuterlarning amalda turli xillari mavjud: raqamli, analogli (uzluksiz), raqamli – analogli, maxsuslashtirilgan. Ammo, raqamli kompyuterlar foydalanilishi, bajaradigan amallarning universalligi, hisoblash amallarining aniqligi va boshqa ko`rsatkichlari yuqori bo`lgani uchun ular ko`proq foydalanilmoqda. Amalda esa hozir rivojlangan mamlakatda kompyuterlarning besh guruhi keng qo`llanilmoqda [1].
Kompyuterlarni xotirasining hajmi, bir sekundda bajaradigan amallar tezligi, ma’lumotlarning razryad to`rida (yacheykalarda) tasvirlanishiga qarab besh guruhga bo`lish mumkin:

• 
  super kompyuterlar (Super Computer);
  
• 
  katta kompyuterlar (Manframe Computer);
  
• 
  mini kompyuterlar (Minicomputer);
  
• 
  shaxsiy kompyuterlar (PC - Personal Computer);
  
• 
  bloknot kompyuterlar (Notebook).